სამაგალითო ადამიანები — რუთი

დაქვრივებულმა რუთმა იცის, რა არის ერთგულება. მან არჩია, ასაკოვანი დედამთილის, ნაომის გვერდით დარჩენილიყო, ვიდრე თავის სამშობლოში კომფორტულ ცხოვრებას დაბრუნებოდა. მართალია, ეს არჩევანი ხელს უშლის რუთს შესაფერისი მეუღლის მოძებნაში, მაგრამ იგი მხოლოდ საკუთარ თავზე არ ფიქრობს. მას ისე ძალიან უყვარს ნაომი და ისე ძალიან უნდა იეჰოვას ხალხთან ყოფნა, რომ არჩია, დროებით გაუთხოვარი დარჩენილიყო (რუთი 1:8—17).

ფიქრობ დაოჯახებას? მაშინ მიჰბაძე რუთს. ემოციებს ნუ აჰყვები. ჰკითხე საკუთარ თავს, შენი რომელი დადებითი თვისებები წაადგებოდა შენს მომავალ ოჯახს. მაგალითად, ხარ ერთგული და თავგანწირული? თუ იცავ ღვთის ნორმებს მაშინაც კი, როდესაც არასრულყოფილი სხეული ცუდის გაკეთებისკენ გიბიძგებს? რუთი თავგადაკლული არ ეძებდა მომავალ მეუღლეს. მაგრამ გარკვეული დროის შემდეგ იგი გაჰყვა მოწიფულ მამაკაცს, რომელსაც ისეთივე თვისებები ჰქონდა, როგორიც რუთს, და რაც ყველაზე მთავარია, უყვარდა ღმერთი. თუ რუთს მიჰბაძავ, დროთა განმავლობაში ალბათ შენც იპოვი შესაფერის მეუღლეს.