ნაწილი 10 – იერემიადან ნეემიამდე

იეჰოვა ღმერთი ყველაფერზე მეფობს. ის ყოველთვის ყველაფერს აკონტროლებდა და მომავალშიც გააკონტროლებს. მაგალითად, მან ჭაში ჩაგდებული იერემია სიკვდილს გადაარჩინა; იხსნა შადრაქი, მეშაქი და აბედნეგო გავარვარებული ღუმლიდან, დანიელი კი – ლომებისგან; იეჰოვამ დაიცვა ესთერი, რათა მისი ხელით ეხსნა მთელი ერი. ღმერთი არ დაუშვებს, რომ ბოროტებამ მარადიულად იარსებოს. წინასწარმეტყველებები, რომლებიც ეხება უზარმაზარ ქანდაკებას და დიდ ხეს, გვარწმუნებს, რომ იეჰოვას სამეფო მალე გაანადგურებს ბოროტებას და დაიწყებს დედამიწაზე მმართველობას.