გულწრფელად თქვი სათქმელი

იესოს მაგალითი

ᲕᲘᲓᲔᲝ: იესო რჩევას აძლევს ახალგაზრდა მდიდარ მმართველს

1) უყურე ᲕᲘᲓᲔᲝᲡ ან წაიკითხე მარკოზის 10:17—22 და დაფიქრდი:

1. ა) რა დადებითი თვისებები შეიძლება შეენიშნა იესოს ამ ახალგაზრდა მმართველში?

2. ბ) რატომ სჭირდებოდა იესოს სიყვარული და გაბედულება, რომ რჩევა მიეცა მისთვის?

რას ვსწავლობთ იესოსგან

2) თუ გვინდა, შემსწავლელს დავეხმაროთ სულიერ ზრდაში, სათქმელი გულწრფელად, თუმცა რბილად და ტაქტიანად უნდა ვუთხრათ.

მიჰბაძე იესოს

3) დაეხმარე შემსწავლელს მიზნების დასახვასა და მიღწევაში.

1. ა) გამოიყენე წიგნის „იხარეთ ცხოვრებით მარადიულად!“ თითოეული გაკვეთილის ბოლოს მოცემული ჩარჩო „დავალება/მიზანი“.

2. ბ) დაანახვე შემსწავლელს, რა ნაბიჯები უნდა გადადგას დიდი თუ პატარა მიზნების მისაღწევად.

3. გ) ყოველთვის შეაქე წინსვლისთვის.

4) გაიგე, რა უშლის შემსწავლელს ხელს წინსვლაში და დაეხმარე.

1. ა) თუ შემსწავლელი არ დგამს ნათლობისკენ ნაბიჯებს, დაფიქრდი:

   • რა უშლის ხელს?

   • როგორ შეგიძლია დაეხმარო?

2. ბ) ლოცვაში სთხოვე იეჰოვას, გაბედულება შეგმატოს, რომ გულახდილად და რბილად აუხსნა შემსწავლელს, როგორ უნდა მოიქცეს.

5) შეწყვიტე შესწავლა, თუ შემსწავლელი სულიერად წინ არ მიიწევს.

1. ა) იმის გასაგებად ღირს თუ არა შესწავლის გაგრძელება, დაფიქრდი:

   • ცდილობს, ნასწავლის თანახმად იცხოვროს?

   • ესწრება კრების შეხვედრებს და უზიარებს სხვებს ნასწავლს?

   • ნამდვილად სურს, იეჰოვას მოწმე გახდეს, მით უმეტეს, თუ უკვე დიდი ხანია ბიბლიას სწავლობს?

2. ბ) თუ ხედავ, რომ შემსწავლელი არ ცდილობს, სულიერად წინ წაიწიოს, . .

   • სთხოვე, დაფიქრდეს, რა უშლის ხელს.

   • ტაქტიანად აუხსენი, რატომ წყვეტ შესწავლას.

   • აუხსენი, რა ნაბიჯები უნდა გადადგას, რომ განაახლოთ შესწავლა.