არგობი

[მიწის ბელტი].

1. სავარაუდოდ ერთ-ერთი კაცი, რომელიც დაახლოებით ძვ. წ. 778 წელს მოკლულ იქნა ისრაელის მეფე ფეკახიასთან ერთად ფეკახის მიერ. ამ უკანასკნელს შეთქმულების მოწყობაში 50 გალაადელი ეხმარებოდა. მან უკანონოდ ჩაიგდო ხელში სამეფო ტახტი (2 მფ. 15:23—25).

2. მხარე ბაშანში, რომელიც დაპყრობილ იქნა მაშინ, როცა ისრაელები ჯერ კიდევ იორდანის აღმ.-ით იმყოფებოდნენ და რომელიც სამკვიდროდ მენაშეს ტომს გადაეცა. როგორც ჩანს, არგობი ოგის სამეფოში შედიოდა და მოიცავდა 60 გალავნიან და უამრავ უგალავნო ქალაქს (კნ. 3:4, 5, 13, 14). არგობის მხარეს ეწოდებოდა „რეფაიმის მიწა“ ანუ ბუმბერაზთა მიწა.

არგობი მდებარეობდა გალილეის ზღვის აღმოსავლეთით. თუმცა მიიჩნევენ, რომ არგობი დღევანდელი ალ-ლედჯას ტერიტორიაზე მდებარეობდა, რომელიც ლავით დაფარული ადგილია დამასკოდან სამხრეთით დაახლოებით 32 კილომეტრში. მაგრამ, თუ მივყვებით „კანონში“ მოცემულ აღწერილობას, სადაც არგობი მოხსენიებულია მხარედ, რომელშიც უგალავნო ქალაქები იყო, ლოგიკურია დავასკვნათ, რომ ეს მხარე მდებარეობდა ალ-ლედჯადან დასავლეთით ნაყოფიერ ველზე, რომელიც, როგორც ჩანს, მოქცეული იყო ნაჰრ-ალ-რუკადს, ნაჰრ-ალ-ალანსა და ნაჰალ-იარმუკს შორის. რადგანაც ამ მხარეში ქალაქები გაშლილ ვაკეზე მდებარეობდა და არანაირი ბუნებრივი დამცავი ბარიერი არ გააჩნდათ, სწორედ ამიტომ გახდა საჭირო, რომ ქალაქებისთვის გალავნები შემოევლოთ, რაზეც წმინდა წერილებიც მოწმობს. ბაშანის მთელ ტერიტორიაზე ასეთი დიდი ქალაქების ნანგრევებია აღმოჩენილი.

სოლომონის მეფობის დროს არგობი იყო 12 მხარიდან ერთ-ერთი; თითოეულ მხარეს ჰყავდა ზედამხედველი, რომლებიც მეფესა და მის სასახლეს სარჩოთი ამარაგებდნენ (1 მფ. 4:7, 13).