ᲑᲐᲐᲚ-ᲮᲔᲠᲛᲝᲜᲘ

[პატრონი ხერმონისა] — მსაჯულების 3:3-სა და 1 მატიანის 5:23-ში მოხსენიებული გეოგრაფიული ადგილის სახელი. პირველ შემთხვევაში საუბარი მიდის იმ ტერიტორიაზე არსებულ ადგილზე, სადაც სიდონელები და ხიველები ცხოვრობდნენ და რომელიც ისრაელებს არ დაუპყრიათ. ეს ადგილი აქ მოხსენიებულია როგორც „ბაალ-ხერმონის მთა“. მიიჩნევენ, რომ ეს არის იგივე ხერმონის მთა, თუმცა შესაძლოა ის მთლიანად ანტილიბანის მთაგრეხილზე ან მის რომელიმე ნაწილზე მიანიშნებდეს. 1 მატიანის 5:23-ში, სადაც აღწერილია მენაშეს ტომის ნახევრის სამკვიდრო, ბაალ-ხერმონი მოხსენიებულია სენირთან, ხერმონის მთასთან და ბაშანთან ერთად. შესაძლოა ეს იყო ხერმონის მთის სიახლოვეს მდებარე ქალაქი ან ადგილი ან ხერმონის მთიანი მხარის ზოგადი სახელწოდება (იხ. ᲮᲔᲠᲛᲝᲜᲘ).