ბაანა

1. ბენიამინელი რიმონის ვაჟი; ის და მისი ძმა რექაბი საულის ვაჟ იშ-ბოშეთის მოთარეშე რაზმების მეთაურები იყვნენ. ბაანამ და მისმა ძმამ მოკლეს იშ-ბოშეთი, როცა მას შუადღისას ეძინა. მისი თავი მათ არც ისე დიდი ხნის წინ გამეფებულ დავითს მიართვეს, მაგრამ დავითმა ბრძანა, დაეხოცათ ისინი, დაეჭრათ მათთვის ხელ-ფეხი და ხებრონში ტბორთან ჩამოეკიდათ (2სმ. 4:2—12).

2. ნეტოფათელი; დავითის ერთ-ერთი ძლიერი ვაჟკაცის, ხელების (ხელედი) მამა (2სმ. 23:29; 1მტ. 11:30).

3. ერთ-ერთი სოლომონის მიერ არჩეული 12 ზედამხედველიდან, რომლებიც სარჩოთი ამარაგებდნენ მეფის სახლეულობას. ბაანას მეხუთეს უნდა მოემარაგებინა მეფის სახლეულობა მეგიდოსა და იზრეელის ნაყოფიერი ველებიდან. იყო ახილუდის ვაჟი და, სავარაუდოდ, სოლომონის მემატიანის, იეჰოშაფატის ძმა (1მფ. 4:3, 7, 12).

4. სოლომონის 12 მომმარაგებლიდან კიდევ ერთი, რომელსაც მეცხრეს უნდა მიეტანა სარჩო ჩრდილოეთი პალესტინიდან. იყო დავითის მეგობრის, ხუშაის ვაჟი (1მფ. 4:7, 16; 2სმ. 15:32—37).

5. სავარაუდოდ იყო მათი ერთ-ერთი წინამძღოლი, ვინც ბაბილონის ტყვეობიდან დაბრუნდა ზერუბაბელთან ერთად (ეზრ. 2:2; ნემ. 7:7).

6. „ხალხის თავკაცებიდან“ ერთ-ერთი, რომლის შთამომავალმაც, თუ თვითონ არა, დაადასტურა ნეემიას მიერ ხალხთან დადებული „მტკიცე შეთანხმება“ (ნემ. 9:38; 10:14, 27). შესაძლოა ის არის იგივე №5.

7. ცადოკის მამა; ძვ. წ. 455 წელს ცადოკი ნეემიას ეხმარებოდა იერუსალიმის გალავნის აღდგენაში (ნემ. 3:3, 4).