ბააშა

ისრაელის ათტომიანი სამეფოს მესამე მეფე; ისაქარისტომელი ახიას ვაჟი; წარმოშობით მდაბიო; მან მოკლა მეფე ნადაბი, მის ნაცვლად გამეფდა და გაწყვიტა იერობოამის მთელი საგვარეულო, როგორც ნაწინასწარმეტყველები იყო (1მფ. 15:27—30; 14:10). ბააშამაც განაგრძო იერობოამის ხბოების თაყვანისცემა. ამიტომ ღმერთმა განუცხადა, რომ მისი საგვარეულოც განადგურდებოდა (1მფ. 16:1—4). როცა ის იუდას ებრძოდა, ასამ დაითანხმა სირიის მეფე, რომ ჩრდილოეთიდან დასხმოდა ბააშას. შემდეგ ასამ დაანგრია გამაგრებული ქალაქი რამა, რომელსაც მაშინ ბააშა აშენებდა (1მფ. 15:16—22; 2მტ. 16:1—6; იხ. ასა №1 [შეთქმულება ბააშას წინააღმდეგ და ომი]). ბააშა მეფობდა დაახლოებით ძვ. წ. 975 წლიდან ძვ. წ. 953 წლამდე. სიკვდილის შემდეგ ის სატახტო ქალაქ თირცაში დამარხეს. მისი ვაჟი ელაჰი იუდას მეფე ასას მეფობის 26-ე წელს გამეფდა (1მფ. 16:8), მაგრამ ასას მეფობის 27-ე წელს (1მფ. 16:15) ზიმრი აჯანყდა და გაანადგურა ბააშას საგვარეულო, რითაც შესრულდა იეჰოვას სიტყვა.