ᲑᲔᲗ-ᲜᲘᲛᲠᲐ

(სახლი ჯიქისა). იორდანის აღმ-ით გადის ტომისთვის მიცემული ქალაქი, რომელსაც ნიმრასაც უწოდებდნენ (რც. 32:3, 34, 36). მასზე ნათქვამია, რომ ველზე მდებარეობდა და თავდაპირველად მეფე სიხონის სამეფოს ნაწილი იყო (იეს. 13:27). მისი სახელი, როგორც ჩანს, შემონახულია თანამედროვე თელ-ნიმრინის სახელში, რომელიც უადი-ნიმრინის სამხრეთით მდებარეობს. თუმცა ბეთ-ნიმრა, როგორც ჩანს, თელ-ნიმრინის ჩრდ.-აღმ-ით დაახლ. 2,5 კმ-ში და უადი-ნიმრინის ჩრდ-ით, თელ-ბლაიბილის ადგილზე მდებარეობდა. ამ ადგილას ჩატარებული კვლევებით დადასტურდა, რომ ისრაელების მიერ აღთქმული მიწის დამკვიდრების შემდეგ ეს დასახლებული ტერიტორია იყო, თუმცა მოგვიანებით გაუკაცრიელდა. ზემოთქმულიდან გამომდინარე, ბეთ-ნიმრა იერიხონის აღმ. ჩრდ.-აღმ-ით დაახლ. 19 კმ-ში მდებარეობდა.