ქიდონი

კალოს მეპატრონის ან თავად კალოს სახელწოდება, სადაც იეჰოვამ უზა დასცა, როცა შეთანხმების კიდობანი არასათანადოდ გადაჰქონდათ კირიათ-იეარიმიდან დავითის ქალაქში. ეს კალო, როგორც ჩანს, ამ ორ ადგილს შორის მდებარეობდა და ახლოს იყო ობედ-ედომის სახლთან (1მტ. 13:6—14). მისი ზუსტი ადგილმდებარეობა უცნობია. პარალელურ მუხლში, 2 სამუელის 6:6-ში, მას „ნაქონის კალო“ ეწოდება, რაც შესაძლოა იმაზე მიანიშნებს, რომ ერთ მუხლში მოხსენიებულია იმ ადგილის სახელი, სადაც კალო მდებარეობდა, მეორე მუხლში კი — კალოს მეპატრონის სახელი. ზემოხსენებული შემთხვევის შემდეგ ამ ადგილს ეწოდა ფერეც-უზა, რაც ნიშნავს „გარღვევა უზას საუბედუროდ“.