ქიმჰამი

[[მოლოდინით] სულდალეული]

სავარაუდოდ, ის იყო ბარზილაის ვაჟი. როცა მოხუცებულმა ბარზილაიმ უარი უთხრა დავითს სასახლეში ცხოვრებაზე და თავის ნაცვლად ქიმჰამის წაყვანა შესთავაზა, მეფემ უპასუხა: „ქიმჰამი გადმომყვეს [იორდანეს გაღმა], და შენი სურვილისამებრ მოვექცევი; რასაც მთხოვ, ყველაფერს შეგისრულებ“ (2სმ. 19:33, 37—40). დავითის მიერ სოლომონისთვის მიცემული ბოლო მითითებები იმაზე მიანიშნებს, რომ ქიმჰამი მეფის კარზე დარჩა (1მფ. 2:7). იერემიას 41:17-ში მოხსენიებულია „ღამის გასათევი ადგილი“ ბეთლემთან ახლომდებარე ქიმჰამში. უცნობია, დავითის დროს მცხოვრებ ქიმჰამზე მიდის საუბარი თუ მოგვიანებით მცხოვრებ კაცზე, რომელსაც იგივე სახელი ერქვა. ზოგი ბიბლეისტის აზრით, შესაძლებელია, რომ ქიმჰამს დავითისთვის გაწეული სამსახურისთვის მისცეს მიწის ნაკვეთი ან მას ამ ადგილზე მგზავრებისთვის ღამის გასათევად სახლი ჰქონდა აშენებული.