ქუშან-რიშათაიმი

[შესაძლოა ნიშნავს ორმაგად ბოროტ ქუშელს (ეთიოპს)]

შუამდინარეთის მეფე, რომლის ბატონობისგანაც ოთნიელმა ისრაელი გაათავისუფლა. ისრაელთა მონობა რვა წელს გაგრძელდა. ქუშან-რიშათაიმს აგრეთვე ეწოდება „სირიის მეფე“ (მსჯ. 3:7—11). ზოგის აზრით, მისი სახელის მეორე ნაწილი („რიშათაიმ“) გეოგრაფიული ადგილის ან მხარის აღმნიშვნელია, სხვები კი მიიჩნევენ, რომ ის ორმაგ ბოროტებას ნიშნავს. აბაკუმის 3:7-ში ქუშანი გამოყენებულია მიდიანის სინონიმად. მაგრამ მეფე ქუშან-რიშათაიმზე ნათქვამია, რომ შუამდინარეთიდან იყო (ებრ.’არამ ნაჰარაიმ; შდრ. დბ. 24:10–ს, სადაც იგივე სიტყვა გამოყენებულია სირიის ქალაქ ნახორის ადგილმდებარეობის აღსაწერად). ფარაონ რამსეს III-ის ცხრილში მოხსენიებულია ჩრდილოეთი სირიის ერთ-ერთი ოლქი, კუსანარუმა. ზოგი მეცნიერის აზრით, ეს იყო ამ მეფის სამფლობელოს ადმინისტრაციული ცენტრი. ქუშან-რიშათაიმი ისრაელის პირველი დიდი მჩაგვრელი იყო მსაჯულების პერიოდში.