დინა

[გასამართლებული (ანუ გამართლებული)]

იაკობის ასული ლეასგან. დინა დაიბადა ხარანში, როცა იაკობი იქ ცხოვრობდა. ის ექვსი წლისა იქნებოდა, როცა იაკობი ქანაანიდან დაბრუნდა და სუქოთში დასახლდა (დბ. 30:21, 22, 25; 31:41).

იმ დროს, როცა იაკობი და მისი ოჯახი ქალაქ შექემის გარეთ ცხოვრობდნენ, დინა უგუნურად იქცეოდა და ქანაანელ ქალიშვილებთან დადიოდა სტუმრად. ერთ-ერთი ასეთი სტუმრობის დროს ის იმ ქვეყნის მთავრის, ხიველი ხამორის ძემ, შექემმა გააუპატიურა. შექემს შეუყვარდა დინა და ის მის სახლში დარჩა, ვიდრე დინას ღვიძლმა ძმებმა, სიმონმა და ლევიმ შური არ იძიეს მის გამო (დბ. 34:1—31). ზოგი ამტკიცებს, რომ დინა ბავშვი იყო, როცა გააუპატიურეს. მაგრამ არ უნდა დაგვავიწყდეს, რომ შექემში ჩასვლამდე იაკობმა სუქოთში აიშენა სახლი და საქონლისთვის კარვები გააკეთა, რაც იმაზე მიანიშნებს, რომ იქ საკმაოდ დიდხანს დარჩა (დბ. 33:17). შექემში მან იყიდა მიწის ნაკვეთი და, როგორც ჩანს, დროებით დამკვიდრდა იქ. ამ ყველაფერთან ერთად ის ფაქტიც, რომ შექემს შეუყვარდა დინა, „ყმაწვილი ქალი“, ამტკიცებს, რომ დინა, მართალია, ახალგაზრდა იყო, მაგრამ შექემთან ურთიერთობის დროს ბავშვი არ ყოფილა (დბ. 33:18, 19; 34:12).

წლების შემდეგ დინა იაკობის ოჯახის დანარჩენ წევრებთან ერთად იოსების მიწვევით ეგვიპტეში ჩავიდა (დბ. 46:7, 15).