ელიასაფი

[ღმერთი მატებს (ამრავლებს)].

1. დეუელის (რეუელი) ვაჟი გადის ტომიდან; ელიასაფი იმ 12 თავკაცს შორის იყო, რომლებიც იეჰოვამ მოსესა და აარონის დამხმარეებად დანიშნა ლაშქარში გამსვლელი მამაკაცების აღსარიცხავად (რც. 1:1—4, 14; 2:14). ის მეთაურობდა გადის ტომის ლაშქარს, რომელიც რეუბენის ბანაკის სამტომიან დანაყოფში შედიოდა (რც. 2:10—15; 10:18—20). კარვის დადგმის შემდეგ ელიასაფმა არა მხოლოდ სხვა თავკაცებთან ერთად მიიღო მონაწილეობა საერთო შესაწირავში, არამედ სამსხვერპლოს მიძღვნის მეექვსე დღეს საკუთარი შესაწირავიც მიიტანა (რც. 7:1, 2, 10, 42—47).

2. ლაელის ვაჟი და გერშონელთა საგვარეულოს თავკაცი; ელიასაფის წინამძღოლობით გერშონელებს გადაჰქონდათ შეხვედრის კარვის გადასაფარებელი, კარვის შესასვლელის ჩამოსაფარებელი, ეზოს ფარდები, ეზოს შესასვლელის ჩამოსაფარებელი და კარვის თოკები (რც. 3:21—26).