ეშთაოლი

[შესაძლოა ნიშნავდეს ადგილს, სადაც [ღმერთს] დაეკითხები]

იუდას ტომის ქალაქი შეფელაში (იეს. 15:20, 33). მოგვიანებით ვკითხულობთ, რომ ამ ქალაქზე გადიოდა დანის სამკვიდროს საზღვარი (იეს. 19:40, 41). მსაჯულ სამსონზე იეჰოვას სული პირველად მაშინ ამოქმედდა, როცა იგი ამ ქალაქის მიდამოებში იმყოფებოდა. ისიც აღსანიშნავია, რომ სიკვდილის შემდეგ იგი აქ დაიმარხა (მსჯ. 13:25; 16:31). ეშთაოლიდან და ცორიდან გაემგზავრნენ ლაიშის დასაზვერად 5 დანელი და შემდეგ ამავე საგვარეულოდან 600 კაცი, რომელთაც დაიპყრეს ეს ქალაქი (მსჯ. 18:1, 2, 7, 11, 27).

მეცნიერების უმეტესობა ფიქრობს, რომ ეშთაოლი დღევანდელი ეშვას ადგილას მდებარეობდა, რომელიც ნაწილობრივაა დასახლებული და იერუსალიმის დას.-ით, 21 კმ-ში, ქვიან პლატოზეა გაშენებული.