ეთერი

ქალაქი შეფელაში, იუდას ტომის ტერიტორიაზე, რომელიც სიმონის ტომს მიეცა (იეს. 15:33, 42; 19:1—9). მიიჩნევენ, რომ ის დღევანდელი ხირბეთ-ელ-ათერია (თელ-ეთერი), რომელიც ბაით-ჯიბრინის (ელევთეროპოლისი, ბეთ-გუვრინი) ჩრდ.-დას.-ით დაახლოებით 1,5 კმ-ში მდებარეობს. 1 მატიანის 4:32-ში, სადაც თითქმის სიტყვასიტყვით მეორდება იესო ნავეს ძის 19:7-ის სიტყვები, „ეთერის“ ნაცვლად „თოქენს“ ვხვდებით.

ზოგიერთი სამეცნიერო ნაშრომის თანახმად, არსებობდა ორი ქალაქი ეთერი: იესო ნავეს ძის 15:42-ში მოხსენიებული ეთერი ლიბნასა და მარეშას შორის მდებარეობდა (ზემოხსენებული ხირბეთ-ელ-ათერის ადგილას), იესო ნავეს ძის 19:7-ში ჩაწერილი კი — სამხრ.-ით, ციკლაგის მახლობლად. მართალია, იესო ნავეს ძის 19:7-ში მოხსენიებული სხვა ყველა ქალაქი სამხრ.-ითაა, ხოლო იმავე წიგნის 15:42-ში მოხსენიებული ქალაქების უმეტესობა — ჩრდ.-ით, მაგრამ, უნდა აღინიშნოს, რომ ორივე მუხლშია მოხსენიებული აშანი, რის გამოც შეუძლებელია იმის დაბეჯითებით თქმა, რომ არსებობდა ორი ქალაქი ეთერი.