გელილოთი

[მხარეები; ნაწარმოებია ფუძიდან, რომელიც ნიშნავს მიგორებას, გადაგორებას]

ადგილი, რომელზეც ბენიამინის ტომის ტერიტორიის საზღვარი გადიოდა (იეს. 18:17). ბიბლიის თანახმად, გელილოთის ადგილმდებარეობა გილგალისას (იეს. 15:7) ემთხვევა, რადგან წერია, რომ ის „ადუმიმის მაღლობის წინ“ მდებარეობდა. ამის გამო ზოგი მეცნიერი ფიქრობს, რომ გელილოთი იერიხონის მახლობლად მდებარე ქალაქ გილგალის კიდევ ერთი სახელი იყო. ზოგი კი ფიქრობს, რომ გელილოთი რაიმე ადგილი ან პატარა რაიონი იყო თალათ-ედ-დამის (მაალე-ადუმიმი) სიახლოვეს, რომელიც იერიხონის სამხრ.-დას.-ით უადი-ელ-კილტში მდებარეობს (იხ. ადუმიმი; გილგალი №1).