ᲒᲔᲠᲐᲠᲘᲡ ᲮᲔᲕᲘ

ბოლო პერიოდში ვარაუდობენ, რომ გერარის ხევი — ესაა ხეობა უადი-ეშ-შარია (ნაჰალ-გერარი), რომელიც თელ-აბუ-ხურაირადან (თელ-ხარორი), ანუ ძველი გერარის სავარაუდო ადგილმდებარეობიდან, სამხრეთით დაახლოებით 500 მეტრში იშლება. გერარის ხევის გარშემო არსებული მიწები საუკეთესო იყო საძოვრებისთვის. როგორც ჩანს, წყალს აქ საკმაოდ ადვილად — ორმოების ამოთხრით მოიპოვებდნენ (დბ. 26:17—19). ამ ტერიტორიაზე პატრიარქი აბრაამი დროებით სახლობდა როგორც ხიზანი (დბ. 20:1, 2). მოგვიანებით შიმშილობის პერიოდში ისაკიც დაბრუნდა ამ მხარეში. აქ მან მიწათმოქმედებასა და ცხვარ-ძროხის მოშენებას მიჰყო ხელი (დბ. 26:1, 6, 12—14). სწორედ ამ ადგილას ამოთხარეს ისაკის მსახურებმა ორი ჭა, რომელთა გამოც მათ დავა დაუწყეს შურიანმა და ხარბმა გერარელმა მწყემსებმა (დბ. 26:17—22).