ელია და ელისე წინასწარმეტყველები

ელია წინასწარმეტყველმა გამოცდა მოაწყო ქარმელის მთაზე იმის დასადგენად, თუ ვინ იყო ჭეშმარიტი ღმერთი. იმ დროს ისრაელის ჩრდილოეთი სამეფო ბაალის გარყვნილ თაყვანისმცემლობაში იყო ჩაბმული. მაგრამ ელიამ გაბედულად გამოიწვია ბაალის 450 წინასწარმეტყველი, დაემტკიცებინათ, რომ ბაალი ჭეშმარიტი ღმერთი იყო. გაშმაგებული წინასწარმეტყველების მრავალსაათიანმა ლოცვამ შედეგი არ გამოიღო. შემდეგ ელიამ დააწყო სამსხვერპლოზე თავისი შესაწირავი, რამდენჯერმე გადაასხა წყალი და ლოცვით მიმართა იეჰოვას. მაშინვე ჩამოვარდა ზეციდან ცეცხლი, შთანთქა შესაწირავი და ამოაშრო წყალი თხრილიდან. ამის დანახვაზე ხალხმა შესძახა: „იეჰოვაა ჭეშმარიტი ღმერთი!“. ამის შემდეგ ელიამ დაახოცვინა ბაალის წინასწარმეტყველები (1მფ. 18:18—40).

მაგრამ, როცა ელიამ გაიგო, რომ დედოფალი იზებელი მოკვლას უპირებდა, შეეშინდა. მან დაახლოებით 150 კმ გაიარა ბეერ-შებამდე და სინაის მთამდე კიდევ 300 კმ. იმის გამო, რომ მან მცირე ხნით დაკარგა გამბედაობა, იეჰოვას უარი არ უთქვამს თავის მსახურზე, პირიქით, დაარწმუნა, რომ ის ჯერ კიდევ საჭირო იყო, როგორც წინასწარმეტყველი (1მფ. 19:1—18).

ელიას საქმის გამგრძელებელი ელისე იყო. როცა ელისე სირიელთა საომარი ეტლების ალყაში იყო, მტკიცე რწმენის წყალობით დაინახა, რომ სინამდვილეში ალყაში სირიელთა ჯარი იყო — მათ გარს ერტყათ ანგელოზთა ეტლები (2მფ. 6:15—17).

ადგილები რუკაზე შესაბამისი მუხლებით

აბელ-მეჰოლა 1მფ. 19:16

ბეერ-შება 1მფ. 19:3

ბეთელი 2მფ. 2:1—3, 23, 24

მთა ქარმელი 1მფ. 18:19—40

დამასკო 2მფ. 8:7—15

დოთანი 2მფ. 6:13—18

ეკრონი 2მფ. 1:2—4

გილგალი 2მფ. 4:38—41

იერიხონი 2მფ. 2:4, 5, 19—22

იზრეელი 1მფ. 18:45, 46; 21:1, 17—26

მდინარე იორდანე 2მფ. 2:6—14

კიშონის ხევი 1მფ. 18:40

გალაადის რამოთი 2მფ. 9:1—10

სამარია 2მფ. 5:1—27; 6:19—23; 7:1—20

შუნემი 2მფ. 4:8—37

სიდონი 1მფ. 17:8, 9

სარეფთა 1მფ. 17:9—24

ქარმელის მთა, სადაც ზეციდან ჩამოვარდა ცეცხლი და დაადასტურა, რომ ჭეშმარიტი ღმერთი იეჰოვაა და არა ბაალი (1მფ. 18:21—39)

სინას მთა. იზებელის რისხვას გაქცეულმა ელიამ დაახლოებით 450 კმ გაიარა, რომ ამ მთამდე მისულიყო (1მფ. 19:1—18)

დოთანის ნანგრევები. აქ ელისე და მისი მსახური სირიელთა ალყაში იყვნენ, როცა სასწაულის მეშვეობით დაინახეს, რომ მათ ირგვლივ მთები იეჰოვას მიერ გაგზავნილი ანგელოზების ცეცხლოვანი საომარი ეტლებით იყო სავსე (2მფ. 6:13—17)