ხალაკის მთა

[გლუვი მთა]

მთა, რომელიც იესო ნავეს ძის მეთაურობით ისრაელის მიერ დაპყრობილი აღთქმული მიწის უკიდურესი სამხრეთი წერტილია (იეს. 11:16, 17; 12:7). მიიჩნევენ, რომ ხალაკი დღევანდელი ჯებელ-ხალაკია (ჰარ-ჰე-ხალაკი), უკანასკნელი გორა დას. პალესტინაში, ბეერ-შებადან არაბასკენ მიმავალ გზაზე. ჯებელ-ხალაკით იწყება მთაგრეხილი, რომელიც მიჯნავს აღმ.-ით გადაჭიმულ საძოვრებსა და დას.-ით არსებულ ქვიშიან უდაბნოს. თუ ზემოხსენებული მოსაზრება სიმართლეს შეესაბამება, მაშინ ბიბლიაში ხალაკზე ჩაწერილი სიტყვები: „სეირამდე რომ ადის“, შეიძლება იმას ნიშნავდეს, რომ სამხრ.-დას.-დან ჩრდ.-აღმ.-მდე გადაჭიმული მთის განიერი ფერდობი სეირის მოპირდაპირე მხარესაა.