ჰოდია

[იაჰი ღირსებაა].

1. ვინმე ნახამის დის ქმარი. მისი სახელი იუდას საგვარეულო ნუსხაში გვხვდება (1მტ. 4:1, 19).

2. ლევიანი, რომელიც იერუსალიმში, წყლის კარიბჭის წინ, მოედანზე შეკრებილ ისრაელებს ეზრასთან ერთად კანონს განუმარტავდა. სავარაუდოდ, ის მათ შორის იყო, ვინც ისრაელს მოუწოდა, ეკურთხებინა იეჰოვა და მისი დიდებული სახელი, რის შემდეგაც მოკლედ ისაუბრა ღვთის დამოკიდებულებაზე მისი ხალხის მიმართ (ნემ. 8:1, 5, 7; 9:5). შესაძლოა ის იგივე №3 ან №4 იყოს.

3, 4. ორი ლევიანი, რომელთა შთამომავლებმაც (ან თავად მათ) ბეჭდის დასმით დაადასტურეს ნეემიას გამგებლობის დროს დადებული მონანიების შეთანხმება. თუ ეს მართლა მათ გააკეთეს, მაშინ ერთ-ერთი მათგანი შესაძლოა იგივე №2 იყოს (ნემ. 9:38; 10:1, 9, 10, 13).

5. ხალხის თავკაცი, რომლის შთამომავალმაც (ან თავად მან) ბეჭდის დასმით დაადასტურა ნეემიას დროს დადებული მონანიების შეთანხმება (ნემ. 10:1, 14, 18).