ᲘᲔ-ᲐᲑᲐᲠᲘᲛᲘ

(ნანგრევები ფონებთან (მდინარის გადაკვეთის ადგილები); ნანგრევები საზღვართან (საზღვრის იქითა მხარე)). ერთ-ერთი ადგილი, სადაც ისრაელი იყო დაბანაკებული უდაბნოში. ამ ადგილის ზუსტი ადგილმდებარეობა უცნობია, მაგრამ, როგორც ჩანს, ის მოაბის სამხრეთ საზღვართან, ზერედის ხევთან ახლოს მდებარეობდა (რც. 21:11, 12; 33:44). შესაძლოა იე-აბარიმით განისაზღვრებოდა აბარიმის მხარის უკიდურესი სამხრეთი წერტილი (რც. 33:47, 48; იხ. ᲐᲑᲐᲠᲘᲛᲘ). როგორც არქეოლოგი და გეოგრაფი იოჰანან აჰარონი ვარაუდობს, იე-აბარიმის გაიგივება შეიძლება ელ-მედეიინესთან, რომელიც მდებარეობს ზერედის ფონთან ახლოს, დიბონ-გადისგან სამხრეთით დაახლოებით 60 კილომეტრში (დიბონ-გადი მოხსენიებულია როგორც ისრაელის დაბანაკების მომდევნო ადგილი) (The Land of the Bible, 1979, გვ. 202, 436).