იერუბაალი

[დაე ბაალმა დაიცვას; დაე ბაალი შეედავოს]

ეს სახელი ეწოდა აბი-ეზერელი იოაშის ვაჟ გედეონს მას შემდეგ, რაც მან მამამისის მიერ ბაალისთვის აგებული სამსხვერპლო დაანგრია და მის გვერდით მდგარი წმინდა ბოძი აჩეხა. გედეონმა იეჰოვას სამსხვერპლო აუშენა და აჩეხილი წმინდა ბოძის შეშაზე მამის მოზვერი შესწირა (მსჯ. 6:11, 25—27).

მეორე დღეს დილაადრიან ქალაქის მკვიდრებმა ნახეს, რაც მოხდა, და გაცეცხლდნენ. მათ გამოკითხვა დაიწყეს და, როცა გაიგეს, რომ ეს გედეონმა ჩაიდინა, მისი მოკვლა მოითხოვეს. გედეონის მამამ, იოაშმა შვილის მხარე დაიკავა და ხალხს უთხრა: „თქვენი დასაცავია ბაალი?! თქვენ უნდა იხსნათ იგი?! ვინც მას დაიცავს, უნდა მოკვდეს. თუ ღმერთია, თვითონ დაიცვას თავი, რადგან სამსხვერპლო დაუნგრიეს“. შემდეგ ბიბლიაში ვკითხულობთ: „დაარქვა მან იმ დღეს გედეონს იერუბაალი და თქვა, თვითონ დაიცვას ბაალმა თავი, რადგან სამსხვერპლო დაუნგრიესო“ (მსჯ. 6:28—32).

2 სამუელის 11:21-ში გედეონს იერუბეშეთი ეწოდება (იხ. გედეონი).