იულიუსი

ავგუსტუსის რაზმის რომაელი ასისთავი, რომელსაც პატიმარი პავლე რომში უნდა ჩაეყვანა (სქ. 27:1; იხ. ასისთავი; ავგუსტუსის რაზმი). როგორც ჩანს, იულიუსი მალევე მიხვდა, რომ პავლე ჩვეულებრივი პატიმარი არ იყო და მას კეთილად ექცეოდა. მაგალითად, უფლება მისცა, მეგობრების სანახავად სიდონის ნაპირზე გადასულიყო. თუმცა, როცა პავლემ გააფრთხილა, რომ გზის გაგრძელება სახიფათო იყო, მან მესაჭესა და გემის მფლობელს დაუჯერა, რომლებიც სრულიად საპირისპიროში არწმუნებდნენ. მოგვიანებით, როცა მეზღვაურები ხომალდიდან გაქცევას შეეცადნენ, იულიუსის ჯარისკაცებმა არ მისცეს მათ ამის უფლება, რადგან პავლემ თქვა: „თუ ეს კაცები ხომალდზე არ დარჩებიან, ვერ გადარჩებით“. ბოლოს, როცა გემი დაიმსხვრა, იულიუსმა ჯარისკაცებს პატიმრების მოკვლის უფლება არ მისცა და ამგვარად იხსნა პავლე (სქ. 27:1—44).