მეთუშალახი

[შესაძლოა ნიშნავს იარაღის კაცს]

ერთგული წინასწარმეტყველის, ენოქის შვილი. ლამექის მამა და ნოეს პაპა (დბ. 5:21—29; 1მტ. 1:1—4; იუდ. 14, 15). შეთის შთამომავალი. ადამიდან მერვე თაობა (ლკ. 3:37, 38). ბიბლიის თანახმად, მეთუშალახმა ყველაზე დიდხანს, 969 წელს იცოცხლა და თავისი დღეგრძელობით საყოველთაოდ ცნობილი გახდა. ის ძვ. წ. 2370 წელს მოკვდა, ზუსტად იმ წელს, როცა წარღვნა მოხდა. მაგრამ ბიბლიაში ნათქვამი არ არის, რომ მეთუშალახი წარღვნის დროს ღვთის განაჩენის აღსრულებისას მოკვდა (დბ. 5:27; იხ. სიცოცხლის ხანგრძლივობა).