ჭრელი ხალხი

უცხოელების ჯგუფი, რომელიც ისრაელთან ერთად გამოვიდა ეგვიპტიდან (გმ. 12:37, 38; შდრ. გმ. 12:43—49). მათგან ზოგი შესაძლოა ეგვიპტელი ან სხვა ეროვნებისა იყო, რომელთაც იეჰოვას მიერ ეგვიპტეზე დატეხილი არაერთი სასჯელის შემდეგ არჩიეს ჭეშმარიტ ღმერთსა და ისრაელ ერთან ყოფნა. ამ ჯგუფში იქნებოდნენ ისრაელებზე დაქორწინებული ეგვიპტელებიც და მათი შვილებიც. მაგალითად, დანისტომელი შელომითი გათხოვილი იყო ეგვიპტელ კაცზე და მასთან სულ მცირე ერთი ვაჟი ჰყავდა (ლვ. 24:10, 11).

ეს გამოთქმა აგრეთვე გვხვდება რიცხვების 11:4-ში და ნიშნავს ჯგუფს, ჯგროს. უეჭველია, წარმოშობამ და უდაბნოში ხეტიალის დროს განცდილმა სირთულეებმა განაპირობა მათში უკმაყოფილების სულის განვითარება, რაც უთანხმოებების მიზეზი გახდა. მათ გულისთქმას ისრაელებიც აჰყვნენ, ტიროდნენ და ამბობდნენ: „რა კარგი იყო, მუქთად რომ ვჭამდით ეგვიპტეში თევზს, კიტრს, საზამთროს, პრასს, ხახვსა და ნიორს! ახლა კი სული გვძვრება, ჩამოვხმით. მანანას მეტს ვერაფერს ხედავს ჩვენი თვალი“ (რც. 11:4—6).

ნეემიას 13:3-სა და იერემიას 25:20-ში ფრაზა „ჭრელი ხალხი“ არაისრაელებზე მიუთითებს. აქედან პირველ მუხლში იგულისხმებიან მოაბელები და ამონელები (ნემ. 13:1). ალბათ, მათ შორის იყვნენ ამ უცხოელების შვილებიც (ნახევრად ისრაელები). ამაზე მიუთითებს ის ფაქტი, რომ უფრო ადრე ისრაელებმა გაუშვეს უცხოელი ცოლები და მათი ვაჟები (ეზრ. 10:44).