ᲜᲐᲰᲐᲚᲘᲔᲚᲘ

(ღვთის ნაკადი (ხევი).

ადგილი, სადაც ისრაელები იყვნენ დაბანაკებულები ამორეველ მეფე სიხონთან შებრძოლებამდე ცოტა ხნით ადრე (რც. 21:19—24). ევსები კესარიელის „ონომასტიკონის“ თანახმად, ნაჰალიელი არნონთან ახლოს მდებარეობდა. ამის საფუძველზე ნაჰალიელს ხშირად უკავშირებენ ორი უადიდან ერთ-ერთს — ვალას (არნონის შენაკადს) ან ზარკა-მაინს, რომელიც არნონიდან ჩრდილოეთით დაახლოებით 19 კმ-ში მდებარეობს. ეს ორივე უადი მოქცეულია იმ ადგილებს შორის, სადაც, როგორც ვარაუდობენ, მდებარეობდა მათანა და ბამოთი — ორი ადგილი, სადაც ისრაელები იყვნენ დაბანაკებულები.