ᲝᲑᲐᲓᲘᲐ

[იეჰოვას მსახური].

1. ისაქარის ტომის საგვარეულოს თავკაცი, იზრახიას ვაჟი, თოლას შთამომავალი (1მტ. 7:1—3).

2. ვინმე ზებულონელი, რომლის ვაჟი ზებულონელთა ერთ-ერთი მთავარი იყო დავითის მეფობის დროს (1მტ. 27:19, 22).

3. ძლიერი გადელი მეომარი, რომელმაც გადაკვეთა ადიდებული იორდანე და მიემხრო დავითს, რომელიც განრისხებულ საულს ემალებოდა (1მტ. 12:8, 9, 14, 15).

4. მეფე ახაბის სასახლის გამგებელი. ახაბი და იზებელი ბოროტებას სჩადიოდნენ, მაგრამ ობადია იეჰოვას მოშიში კაცი იყო. მან იეჰოვას 100 წინასწარმეტყველი ორმოცდაათ-ორმოცდაათად გადამალა გამოქვაბულში, როცა იზებელმა მათი დახოცვა ბრძანა. ელიას ნაწინასწარმეტყველები ღვთისგან მოვლენილი გვალვის დროს პირუტყვისთვის ბალახის მოსაძებნად ობადია თავისმა ბატონმა ახაზმა ერთ მხარეს გაუშვა, თვითონ კი მეორე მხარეს წავიდა. გზაში ობადია ელიას შეხვდა, რომელიც ახაბს მთელი გვალვის განმავლობაში, დაახლოებით სამი წლის მანძილზე თვალით არ ენახა. ელიამ ობადიას სთხოვა ახაბისთვის მისი დაბრუნება ეცნობებინა. შეშინებულმა ობადიამ იუარა, მაგრამ ელიამ დაარწმუნა, რომ არსად გაიქცეოდა. ცხადია, ობადია ახაბს ცოცხალი ვერ გადაურჩებოდა, მისი ცნობა სიმართლე რომ არ გამომდგარიყო (1მფ. 18:1—16).

5. იეჰოშაფატის მიერ იუდას ქალაქებში ხალხისთვის იეჰოვას კანონის სასწავლებლად გაგზავნილი ერთ-ერთი მთავარი (2მტ. 17:7, 9).

6. ბენიამინელი, საულისა და იონათანის შორეული შთამომავალი (1მტ. 8:33—38; 9:44).

7. მერარელი ლევიანი, მეფე იოშიას მიერ წამოწყებული ტაძრის აღდგენითი სამუშაოების ერთ-ერთი ზედამხედველი (2მტ. 34:8, 12).

8. ბაბილონიდან დაბრუნებული და იერუსალიმში დასახლებული ლევიანი (1მტ. 9:2, 3, 14, 16). ნეემიას 11:17-ის თანახმად, სავარაუდოდ, აბდა ან იგივე ᲐᲑᲓᲘᲐ (ᲑᲘᲑᲚᲘᲘᲡ ᲬᲘᲒᲜᲘ) №12.

9. დავითის შთამომავალი, ცხოვრობდა ბაბილონის ტყვეობის შემდეგ (1მტ. 3:5, 9, 10, 21).

10. იოაბის საგვარეულოს თავკაცი, იეხიელის ვაჟი, რომელიც ძვ. წ. 468 წელს იერუსალიმისკენ ეზრასთან ერთად თავისი საგვარეულოს 218 მამაკაცს გაუძღვა (ეზრ. 8:1, 9).

11. ერთ-ერთი მღვდელი (ან მისი შთამომავალი), რომელმაც ნეემიას მმართველობის დროს ტყვეობიდან დაბრუნებულების მიერ ღვთისადმი ერთგულების ნიშნად დადებული შეთანხმება დაადასტურა (ნემ. 9:38; 10:1, 5, 8).

12. ლევიანი კარიბჭის მცველი ნეემიასა და ეზრას დროს (ნემ. 12:25, 26). სავარაუდოდ, ობადია №8.