ოჰოლა

[მისი კარავი (თაყვანისცემისთვის)]

ეზეკიელის 23-ე თავში სამარია (განასახიერებს ისრაელის ათტომიან სამეფოს) წარმოდგენილია მეძავ ქალად, ოჰოლად, ხოლო იერუსალიმი (იუდას სამეფო) მის უმცროს დად — ოჰოლიბად. ოჰოლას სახელის მნიშვნელობა, როგორც ჩანს, გადაკვრით მიანიშნებს იმ ფაქტზე, რომ ათტომიან სამეფოს თავისი საკულტო ცენტრები ჰქონდა შექმნილი. მან სულიერი მეძაობა ეგვიპტეში დაიწყო და აღთქმულ მიწაზე გააგრძელა. მოგვიანებით ის ცდილობდა ასურელთა გულის მოგებას და მისდევდა ამაზრზენ კერპთაყვანისმცემლობას, რაშიც ბავშვების მსხვერპლშეწირვაც შედიოდა. ღალატისთვის იეჰოვამ ოჰოლა (ჩრდილოეთი სამეფო) თავის საყვარლებს, ასურელებს ჩაუგდო ხელში.