მოციქულ პავლეს მსახურება

პავლე, რომელიც იესომ უცხოტომელთა მოციქულად დანიშნა, გულმოდგინედ ასრულებდა დავალებას (რმ. 11:13). პირველი მისიონერული მოგზაურობის დროს მან კვიპროსსა და მცირე აზიაში იქადაგა. ზოგი ქალაქიდან ის გახელებულმა ბრბომ გამოაგდო, ერთხელ კი ისე ჩაქოლეს, რომ მკვდარი ეგონათ. თუმცა ის კვლავ ბრუნდებოდა მათ განსამტკიცებლად, ვინც მოწაფე ხდებოდა.

მეორე მისიონერული მოგზაურობის დროს მან მაკედონიასა და საბერძნეთშიც იმოგზაურა და, როგორც სურათზე ვხედავთ, არეოპაგშიც (ათენი) იქადაგა.

მესამე მისიონერული მოგზაურობის დროს მან დაახლოებით სამი წელი ეფესოში (რომის პერიოდში მსოფლიო მნიშვნელობის ქალაქი) იქადაგა. ამის შემდეგ კი მაკედონიასა და საბერძნეთში გაემგზავრა იქაური კრებების გასაძლიერებლად.

პავლე არც მას შემდეგ კარგავდა დროს უქმად, რაც რომის მთავრობამ თავისუფლება აღუკვეთა. პატიმრობის პერიოდში ღვთისგან შთაგონებით მან დაწერა წერილები, რომლებიც დღეს ბიბლიის ნაწილია.

პირველი მოგზაურობა: სქ. 13:1—14:28

მეორე მოგზაურობა: სქ. 15:36—18:22

მესამე მოგზაურობა: სქ. 18:23—21:19

დამასკო, ქუჩა, რომელსაც სწორი ერქვა. ქრისტეს გამოცხადების შემდეგ დაბრმავებული სავლე ამ ქუჩაზე მდებარე ერთ-ერთ სახლში წაიყვანეს (სქ. 9:3—16)

ეფესოს თეატრი, სადაც არტემიდას (სურათი მარცხნივ) თაყვანისმცემლები პავლეს წინააღმდეგ გამოვიდნენ და არეულობა მოაწყვეს (სქ. 19:29—41)

პისიდიის ანტიოქიის ნანგრევები. პავლე წარმატებულად ქადაგებდა ადგილობრივ სინაგოგაში. გახელებულმა ბრბომ იგი ქალაქიდან გააძევა (სქ. 13:14—50)

ძველი საპყრობილის ნანგრევები ფილიპეში. ამ ქალაქში პავლე სცემეს და დააპატიმრეს, თუმცა საპყრობილის ზედამხედველი თავის სახლეულობასთან ერთად ქრისტიანი გახდა (სქ. 16:19—34)

ძველი თესალონიკეს გალავანი. პავლე ადგილობრივ მოსახლეობასთან წმინდა წერილების საფუძველზე მსჯელობდა. გაშმაგებულმა ბრბომ აურზაური ატეხა და ის ქალაქიდან გააგდო (სქ. 17:1—9)

ძველი კორინთის ნანგრევები (ქვევით). ფონზე მოჩანს აკროკორინთის ბორცვი. პავლე ყველანაირად ცდილობდა იქაური ქრისტიანების დაცვას მათ ირგვლივ მცხოვრები უზნეო ხალხის ზეგავლენისგან

ათენის აკროპოლისი დღეს (მარჯვნივ). სურათის წინა პლანზე, მარჯვენა მხარეს, ჩანს არეოპაგი, სადაც პავლე სიტყვით გამოდიოდა

პატიმრობა: სქ. 23:11—28:31

ორი წლის მანძილზე პავლე რომში ნაქირავებ სახლში ცხოვრობდა ჯარისკაცის მეთვალყურეობის ქვეშ; ამ პერიოდში მან თანაქრისტიანებს ღვთის შთაგონებით ხუთი წერილი მისწერა