შამგარი

ისრაელის მხსნელი, რომელიც ეჰუდისა და ბარაკის მსაჯულობის პერიოდებს შორის ცხოვრობდა. ბიბლიაში მოხსენიებულია შამგარის მხოლოდ ერთი საგმირო საქმე — სახრით 600 ფილისტიმელის დახოცვა, რისთვისაც მას „ისრაელის მხსნელი“ ეწოდება (მსჯ. 3:31). იოსებ ფლავიუსის თანახმად, შამგარი თავისი მსაჯულობის პირველ წელს მოკვდა („იუდეველთა სიძველენი“, წ. V, თ. 4, აბზ. 3). ის მოხსენიებულია ანათის ვაჟად, რაც სავარაუდოდ იმაზე მიუთითებს, რომ ნაფთალის ტერიტორიაზე მდებარე ქალაქ ბენ-ანათიდან იყო (მსჯ. 1:33).