ქᲡᲔᲚᲘᲡ ᲫᲐᲤᲔᲑᲘ

გრძივი ძაფები ქსოვილში. ქსოვილის დამუშავების პროცესში ისინი იგრიხებიან განივად განლაგებულ ძაფებში, ეგრეთ წოდებულ მისაქსელში. როდესაც ისრაელი მღვდლები ქსოვილს ამოწმებდნენ, იყო თუ არა მასზე კეთრი გაჩენილი, ისინი ამოწმებდნენ როგორც ქსელის ძაფებს, ისე მისაქსელს (ლვ. 13:47–59; იხ. ᲙᲔᲗᲠᲘ [ტანსაცმელზე და სახლში გაჩენილი კეთრი]; ᲥᲡᲝᲕᲐ).

ქსოვილის დამზადების შემდეგ ფეიქარი გადაჭრიდა ხოლმე საქსოვ დაზგაზე მიმაგრებულ ქსელის ძაფებს. მძიმედ დაავადებულ მეფე ხიზკიას ეს პროცესი ჰქონდა მხედველობაში, როდესაც ეგონა, რომ ღმერთი უმოკლებდა სიცოცხლეს და ასე ვთქვათ, ჭრიდა მას ქსელის ძაფებივით ანუ მის ნაადრევ სიკვდილს იწვევდა (ეს. 38:9–12).