ცოფარი

იობის სამი „მეგობრიდან“ ერთ-ერთი; ნაამათელი (იობ. 2:11). იობთან კამათის დროს ცოფარი რიგით მესამე ლაპარაკობდა. ის ყოველთვის ელიფაზისა და ბილდადის მსჯელობას აგრძელებდა. მან დაადანაშაულა იობი ბოროტებაში და ურჩია, რომ მიეტოვებინა ცოდვილი საქმეები (იობ. თ-ები 11, 20). ცოფარმა მხოლოდ ორჯერ წარმოთქვა სიტყვა. მან განსაჯა იობი და მესამე ჯერზე მეტი აღარაფერი ჰქონდა სათქმელი. ბოლოს, იეჰოვას ბრძანების თანახმად, მას და მის მეგობრებს დიდი მსხვერპლი უნდა შეეწირათ, იობს კი უნდა ელოცა მათთვის (იობ. 42:7—9).