„დილა მშვიდობისა! იცით თქვენ ღმერთის სახელი?“

ბრაზილიაში, იეჰოვას მოწმეთა ფილიალის ბიურომ, მიიღო შემდეგი შინაარსის წერილი ქალაქ ფორტალეზეში მცხოვრები თორმეტი წლის ორი ტყუპი — დისაგან:

„1990 წელს, როცა ჩვენ მეხუთე კლასში ვიყავით, სკოლაში აწყობდნენ მეცნიერების, ხელოვნების და კულტურის გამოფენას. ჩვენ ავუხსენით მასწავლებელს, რომ გვსურდა წარმოგვედგინა მასალა, რომელიც განსხვავებული იქნებოდა იმ მასალისაგან, რის წარმოდგენასაც სხვა მოწაფეები აპირებდნენ. რამდენადაც მას უკვე წინათ მოსმენილი ჰქონდა ის, რასაც ჩვენ ვამბობდით იეჰოვასა და ბიბლიაზე, მასწავლებელმა შემოგვთავაზა: „მაშინ თქვენ შეგიძლიათ თქვენს ღმერთზე დაწეროთ!“

ამაში ჩვენ მოგვეცა დამოწმების შესაძლებლობა და გადავწყვიტეთ, რომ მოვაწყობდით ბიბლიური ლიტერატურის გამოფენას, რომელიც ყურადღებას გაამახვილებდა იეჰოვას სახელზე. მოვამზადეთ ფსალმუნი 82:19 გამოთქმული სიტყვების გადიდებული რეპროდუქცია და მივამაგრეთ ის გადაშლილი ბიბლიის სურათზე. ასევე მაგიდაზე მოვათავსეთ ბიბლიის სხვადასხვა თარგმანები, რომლებიც შეიცავდნენ იეჰოვას სახელს. იმავე მაგიდაზე მოვათავსეთ სხვადასხვა ბიბლიური ლიტერატურა. მაგიდაზე ბოლოში კი დავდგით მაგნიტოფონი და ტელევიზორი, რათა დამთვალიერებელთათვის გვეჩვენებინა თუ როგორ არის გამოყენებული იეჰოვას სახელი ერთ-ერთ პოპულარულ ფილმში.

გამოფენის დროს ვინც ჩვენს მაგიდასთან მოვიდოდა ვეუბნებოით: „დილა მშვიდობისა! იცით თქვენ ღმერთის სახელი?“ იმის შემდეგ, როდესაც დამთვალიერებელს მივცემდით საშუალებას გაეცა პასუხი, ჩვენ ვაგრძელებდით: „ნახეთ! ბიბლიის რამოდენიმე თარგმანი გვიჩვენებს, რომ მისი სახელია — იეჰოვა“, — და მიუთითებდით სხვადასხვა გამოცემებზე, სადაც მოცემული იყო ეს სახელი. მაგალითად ჟოაო ფერეირა დე ალმეიდას ბიბლიაში, „იერუსალიმის ბიბლიასა“ და „ახალი ერის თარგმანიში“. შემდეგ უჩვენებდით ნაწყვეტს ფილმიდან, რომელშიც მთავარი გმირი ხაზს უსვამს, რომ ღმერთის სახელია — იეჰოვა. თუ ადამიანები გამოიჩენდნენ ინტერესს ჩვენ მათ ვაძლევდით ჟურნალს ან ტრაქტატს, სადაც უფრო მეტი ინფორმაცია იყო მოცემული.

ერთ-ერთმა ყმაწვილმა, რომელიც ჩვენს მაგიდასთან მოვიდა, გვთხოვა წიგნი „ახალგაზრდების შეკითხვები — პრაქტიკული პასუხები“. ჩვენმა მასწავლებელმა ყურადღებით გადაავლო თვალი წიგნს „მოაწყვე ბედნიერად შენი ოჯახური ცხოვრება“ და წამოიძახა: „წარმოგიდგენია, როგორი საინტერესო წიგნია?!“ გამოფენის ბოლოს გავავრცელეთ 7 წიგნი, 18 ტრაქტატი და 67 ჟურნალი. გამოფენაზე მესამე ადგილი მოგვანიჭეს. მაგრამ ყველაზე მეტად ბედნიერები ვიყავით იმის გამო, რომ მოგვეცა უპირატესობა ცნობილი გაგვეხადა, იეჰოვა ღმერთის სახელი“.