„ყველას ცოლ-ქმრობა იყოს პატიოსნად“

„ყველას ცოლ-ქმრობა იყოს პატიოსნად და სარეცელი — შეუბილწავი“ (ებრაელთა 13:4).

1. რა ისწავლა მრავალმა ადამიანმა ცოლ-ქმრულ წარმატებებთან დაკავშირებით?

თვით ამ საუკუნეშიც კი, როცა ასე სწრაფად ხდება განქორწინება, მილიონობით ადამიანს მტკიცე ცოლ-ქმრობა გააჩნია. სხვადასხვა ხასიათისა და განსხვავებული წარსულის მიუხედავად, მათ იპოვეს წარმატების ფორმულა. ასეთი ცოლ-ქმრობა იეჰოვას მოწმეებშია. უმეტეს შემთხვევაში მეუღლეთა ეს წყვილები აღიარებენ, რომ აღმავლობაც ჰქონდათ და დაცემაც, ზოგჯერ მათ ერთმანეთზე ჩივილის მიზეზიც კი გააჩნდათ. მაგრამ ისწავლეს, თუ როგორ გადალახონ მცირეოდენი წინააღმდეგობები და არ გადაუხვიონ ცოლ-ქმრული ხომალდის სწორი კურსიდან. საინტერესოა, რომელი ფაქტორები დაეხმარა მათ, გაეგრძელებინათ სწორი კურსი? (კოლასელთა 3:13).

2. ა) როგორია ზოგიერთი დადებითი ფაქტორი, რომელიც მხარს უჭერს ქორწინებას? ბ) როგორია ზოგიერთი ურყოფითი ფაქტორი, რომელსაც შეუძლია ქორწინების დარღვევა? (ნახე ჩარჩო მე-14 გვერდზე.)

² ბევრი რამე იხსნება ზოგიერთი იმ ქრისტიანის გამონათქვამებით, რომელთაც გააჩნიათ ბედნიერი და მტკიცე ქორწინება. ერთმა ქრისტიანმა, რომელიც უკვე 16 წელი დაქორწინებულია, აი რა თქვა: „ყოველთვის, როცა კი ჩვენ გვექმნებოდა პრობლემები, მზად ვიყავით ძალისხმევა გვეხმარა და მოგვესმინა ერთმანეთის თვალსაზრისი“. ეს კი გვიჩვენებს, თუ რა წარმოადგენს ქორწინებისათვის ერთ-ერთ გამაძლიერებელ ფაქტორს — ესაა გულახდილი და წრფელი ურთიერთობა. ერთმა ქრისტიანმა დამ, რომელიც უკვე 31 წელია დაქორწინებულია, თქვა: „ჩვენთვის ყოველთვის მნიშვნელოვანი იყო ჩაგვეკიდა ერთმანეთისთვის ხელი, გვესაუბრა, გვეცინა ერთად, რათა ჩვენს შორის შენარჩუნებულიყო რომანტიკული დამოკიდებულება“. ესეც ურთიერთობის ერთ-ერთი სახეობაა. მეუღლეთა სხვა წყვილებმა კი, რომლებიც უკვე 40 წელია დაქორწინებული არიან, აღნიშნეს, თუ როგორ მნიშვნელოვანია იუმორის გრძნობის შენარჩუნება, რათა შეგვეძლოს გავიცინოთ ჩვენს თავზე და ერთმანეთზე. მათ ასევე თქვეს, რომ ეს ეხმარებათ ნახონ ერთმანეთში კარგი და ცუდი მხარეები და მიუხედავად ყოველივე ამისა, გულწრფელად გამოამჟღავნონ ერთგული სიყვარული. ქმარმა მზადყოფნით უნდა აღიაროს თავისი შეცდომები და ითხოვოს პატიება. თუ არსებობს დათმობის სული, ასეთ შემთხვევაში ქორწინება არ დაირღვევა, არამედ იქნება მყარი (ფილიპელთა 2:1–4; 4:5).

მდგომარეობის შეცვლა

3, 4. ცოლ-ქმრულ ერთგულებასთან დაკავშირებით როგორი ცვლილებები მოხდა? შეიძლება თუ არა მაგალითების მოყვანა?

³ უკანასკნელი ათწლეულის მანძილზე მთელ მსოფლიოში შეიცვალა შეხედულებები ქორწინებაში ერთგულების შენარჩუნებაზე. ზოგიერთ ადამიანს, რომელიც ქორწინებაში იმყოფება, მიაჩნია, რომ სავსებით ნორმალურია ჰქონდეს სხვა ვინმესთან რომანი — თანამედროვე ევფემიზმი სიტყვისათვის „მრუშობა“ — განსაკუთრებით მაშინ, თუ ცოლმა ან ქმარმა იცის თავისი მეუღლის ამბავი და თანახმაა.

⁴ ერთმა ქრისტიანმა უხუცესმა გამოთქვა თავისი აზრი ამ სიტუაციასთან დაკავშირებით: „მსოფლიომ არსებითად შეწყვიტა ყოველგვარი სერიოზული მცდელობა, იცხოვროს ზნეობრივი ნორმების თანახმად. წმინდა ყოფაქცევა ძველმოდურად მიაჩნიათ“. გამოჩენილი პოლიტიკოსები, სპორტსმენები და ესტრადის მსახიობები აშკარად არღვევენ ბიბლიის ზნეობრივ ნორმებს, მაგრამ ასეთ ხალხს კვლავაც პატივს სცემენ, როგორც სახელგანთქმულ პირებს. ფაქტიურად, არ არის არავითარი დაღი, რომელსაც შეიძლებოდა სამუდამოდ დაედაღა რომელიმე გარყვნილობა ზნეობრივი საქციელით. სიწმინდე და უმწიკვლოება იშვიათად ფასდება ეგრეთწოდებულ მაღალ საზოგადოებაში და თანახმად პრინციპისა „ის, რაც ერთს მოერგება, უნდა მოერგოს მეორესაც“. ამ პრინციპს მრავალი მიჰყვება და აკეთებენ იმას, რასაც ღმერთი გმობს. ეს შეესაბამება პავლეს სიტყვებს: „ისინი, რომელთაც გრძნობა დაკარგეს და გარყვნილებას მიეცნენ, რომ ყოველგვარი უწმინდურება ჩაიდინონ ანგარებით“ (ეფესელთა 4:19; იგავნი 17:15; რომაელთა 1:24–28; 1 კორინთელთა 5:11).

5. ა) როგორია ღმერთის თვალსაზრისი მრუშობაზე? ბ) რა იგულისხმება ბიბლიაში გამოყენებულ სიტყვაში „მეძაობა„?

⁵ ღმერთის ნორმები უცვლელი დარჩა. მისი თვალსაზრისით ქორწინების გარეშე სქესობრივი კავშირი წარმოადგენს მეძაობას. ქორწინებაში ორგულობა ასევე ითვლება მრუშობადa. პავლე მოციქულმა გასაგებად თქვა: „ნუთუ არ იცით, რომ უსამართლონი ვერ დაიმკვიდრებენ ღმერთის სასუფეველს? თავს ნუ მოიტყუებთ: ვერც მეძავნი, ვერც კერპთაყვანისმცემელნი, ვერც მრუშნი, ვერც მხდალნი, ვერც მამათმავალნი, . . . ვერ დაიმკვიდრებენ ღმერთის სასუფეველს. ასეთი იყო ზოგიერთი თქვენგანი; მაგრამ განიბანეთ, მაგრამ წმინდათ გახდით, მაგრამ გამართლდით ჩვენი უფლის იესო ქრისტეს სახელით და ჩვენი ღმერთის სულით“ (1 კორინთელთა 6:9–11).

6. როგორ შეუძლია ჩვენი გამხნევება პავლეს სიტყვებს 1 კორინთელთა 6:9–11?

⁶ ამ ტექსტში გამამხნევებელია პავლეს გამოთქმა: „ასეთი იყო ზოგიერთი თქვენგანი; მაგრამ განიბანეთ“. დიახ, მრავალი ადამიანი წარსულში მონაწილეობდა ამქვეყნიურ „თავაშვებულობაში“, მაგრამ გონს მოეგო, მიიღეს ქრისტე, მისი მსხვერპლი და განიბანნენ. მათ აირჩიეს გზა, ასიამოვნონ ღმერთი, იმით რომ ეწევიან მაღალზნეობრივ ცხოვრებას და ამის შედეგად იყვნენ ბედნიერნი (1 პეტრე 4:3, 4).

7. როგორ საპირისპიროდ ესმით სიტყვა „უზნეობა“ და როგორია ბიბლიის თვალსაზრისი ამასთან დაკავშირებით?

⁷ მეორე მხრივ, ქვეყნიერება იმდენად ბუნდოვნად განმარტავს უზნეობას, რომ იგი არ შეესაბამება ღმერთის თვალსაზრისს. ერთ–ერთ ლექსიკონში „უზნეობა“ განისაზღვრება, როგორც „მიღებული მორალის საწინააღმდეგო ქცევა“. „მიღებული მორალი“, რომელიც მოუწოდებს არა ცოლ-ქმრული კავშირისა და სექსისაკენ, ისევე, როგორც ჰომოსექსუალიზმისაკენ, არის სწორედ ის, რასაც ბიბლია კიცხავს, როგორც უზნეობას. დიახ, ბიბლიიური თვალსაზრისით უზნეობა არის ღმერთის მიერ დადგენილი ზნეობრივი ნორმების უხეში დარღვევა (გამოსვლა 20:14, 17; 1 კორინთელთა 6:18).

შეეხო ქრისტიანთა კრებას

8. როგორ შეიძლება უზნეობამ შეძრას ისინი ვინც მიეკუთვნება ქრისტიანთა კრებას?

⁸ დღეს უზნეობა იმდენად გავრცელებულია, რომ მას შეუძლია ზეგავლენა მოახდინოს თვით იმ პირებზეც კი, რომლებიც მიეკუთვნებიან ქრისტიანთა კრებას. უზნეობამ შეიძლება მათზე იმოქმედოს ფართოდ გავრცელებული გახრწნილი სატელევიზიო გადაცემების, ვიდეოფილმებისა და პორნოგრაფიული ლიტერატურის მეშვეობით. თუმცა, ეს ეხება ქრისტიანთა სულ მცირე ნაწილს, მაგრამ ისიც უნდა აღვნიშნოთ, რომ უმეტეს შემთხვევაში გარიცხულთა დიდი ნაწილი ბოლოს და ბოლოს ხვდება თავის შეცდომას, ახდენს წმინდა ცხოვრებისეული სახის განახლებას და დროთა განმავლობაში მათ აღადგენენ კრებაში. (შეადარე ლუკა 15:11–32.)

9. როგორ ახდენს სატანა ზეგავლენას გაუფრთხილებელ ქრისტიანებზე?

⁹ ეჭვი არ გვეპარება იმაში, რომ სატანა დადის, როგორც მბრდღვინავი ლომი, რომელიც მზად არის ჩაყლაპოს ის, ვინც არ არის ფრთხილად. ყოველწლიურად მისი ხრიკების ანუ „ცბიერი მოქმედებების“ ბადეებში ებმევიან გაუფრთხილებელი ქრისტიანები. ამ ქვეყნიერების ყველგან არსებული სული ეგოისტურია, მას სურს განცხრომა და ავხორცობა. ეს სულ აქეზებს ხორცს და უარყოფს თავშეკავებულობას (ეფესელთა 2:1, 2; 6:11, 12, დანართი [აე]; 1 პეტრე 5:8).

10. ვინ შეიძლება დაექვემდებაროს ცდუნებას და რატომ?

¹⁰ ქრისტიანული კრებიდან ვინ შეიძლება დაექვემდებაროს ცდუნებას, ჩაიდინოს უზნეო საქციელი? ქრისტიანთა ნაწილი, თუნდაც ადგილობრივი კრების უხუცესები; მიმოსვლითი ზედამხედველები, ბეთელის ოჯახის წევრები; პიონერები, რომლებიც ბევრ საათს უთმობენ ქადაგებას ყოველთვიურად, დასაქმებული მშობლები, რომლებიც ეწევიან საკუთარი ოჯახის აღზრდას; ახალგაზრდები, რომლებიც ხვდებიან თანატოლთა გავლენის ქვეშ. ხორციელი ცდუნება ყველასათვისაა დამახასიათებელი. სექსუალური სწრაფვა შეიძლება წარმოიშვას მაშინ, როდესაც მას ყველაზე ნაკლებად მოელიან. ამიტომაც, პავლეს შეეძლო დაეწერა: „ვინც ფიქრობს, რომ დგას, გაფრთხილდეს, რომ არ წაიქცეს. არ შეგმთხვევიათ განსაცდელი, გარდა ადამიანურისა“. სამწუხაროა, რომ ზოგიერთი პასუხისმგებელი ქრისტიანი მოექცა უზნეობის ასეთი ზეგავლენის ქვეშ (1 კორინთელთა 10:12, 13).

გატაცებულნი და ცდუნებულნი

11–13. როგორია ზოგიერთი სიტუაცია, რომლებიც უზნეობისკენ უბიძგებენ ადამიანებს?

¹¹ რა ცდუნებები და სიტუაციები არსებობს, რომლებმაც ზოგიერთები მიიყვანა მრუშობისა და მეძაობის უზნეობის გზაზე? ისინი ბევრია, სხვადასხვა კულტურის ქვეყნებში რთული და განსხვავებული. მაგრამ არსებობს ისეთი განსაზღვრული სიტუაციები, რომლებიც მრავალ ქვეყანაში ერთნაირია. მაგალითად, ჩვენ გვაუწყებენ, რომ ზოგიერთები აწყობდნენ საღამოებს, სადაც კონტროლი არ ეწეოდა ალკოჰოლური სასმელების გამოყენებას, სხვებს კი ამქვეყნიური უზნეო მუსიკა და მაცდუნებელი ცეკვები მოსწონდათ. აფრიკის ზოგიერთ რაიონში ცხოვრობენ მდიდარი ურწმუნო მამაკაცები, რომლებსაც ჰყავთ ხარჭები; ზოგიერთი ქალი ცდუნდა ასეთი მდგომარეობის ეკონომიკური უზრუნველყოფით მაშინაც კი, თუ ეს ნიშნავს უზნეობას. სხვა რაიონებში ქრისტიანი ქმრები თავიანთი ოჯახებიდან მიდიოდნენ საშოვარზე — შახტებში ან სხვა ადგილებზე სამუშაოდ. ასეთ შემთხვევაში მათი გულწრფელი ერთგულება და თავდადება გამოცდის ქვეშ ხვდება იმდენად და იმ სახით, როგორც ეს არ ყოფილა სახლში.

¹² განვითარებულ ქვეყნებში ზოგიერთები მოხვდნენ სატანის ხაფანგში იმის გამო, რომ ხშირად იმყოფებოდნენ მესამე პირის დაუსწრებლად სხვა სქესის წარმომადგენელთან — მაგალითად, რეგულარულად ისხდნენ მარტონი მანქანაში, როდესაც გადიოდნენ ავტომანქანის ტარებასთან დაკავშირებულ გაკვეთილებსb. ასევე უხუცესებმა, რომლებიც აწყობენ სამწყემსო მონახულებებს, უნდა გამოიჩინონ წინდახედულება. ისინი უნდა ეცადონ არ იყვნენ დასთან მარტოდმარტო, როდესაც აძლევენ მას რჩევას. საუბარი შეიძლება გახდეს ძლიერ ემოციური და დამთავრდეს ორივე მხარისათვის არასასურველი სიტუაციით. (შეადარე მარკოზი 6:7; საქმე 15:40.)

¹³ ზემოთმოხსენიებული გარემოების გამო ზოგიერთმა ქრისტიანმა შეასუსტა თავისი სიფხიზლე და ჩაიდინა უზნეო საქციელი, როგორც ეს პირველ საუკუნეშიც ხდებოდა. მათ თავს ნება დართეს ყოფილიყვნენ საკუთარი გულისთქმით გატაცებულნი და გახრწნილნი, რამაც ისინი ცოდვამდე მიიყვანა (იაკობი 1:14, 15; 1 კორინთელთა 5:1; გალატელთა 5:19–21).

14. რატომ არის ეგოიზმი ძირითადი ფაქტორი მრუშობის შემთხვევაში?

¹⁴ თუ ჩვენ ყურადღებით განვიხილავთ ურთიერთობის აღკვეთის შემთხვევებს, დავინახავთ, რომ უზნეო ქცევებს გააჩნიათ ზოგიერთი ძირითადი საერთო ფაქტორი. ასეთ შემთხვევაში ვლინდება ეგოიზმის რომელიმე ფორმა. რატომ ვამბობთ ჩვენ ამას? იმიტომ რომ, მაშინ, როდესაც ხდება მეძავობა, რომელიღაც უდუნაშაულო ადამიანს თუ ადამიანებს ეს აყენებს ტკივილს. შესაძლოა, ეს იყოს კანონიერი მეუღლე, ან ბავშვები, თუ ისინი ჰყავთ, ვინაიდან თუ მეძავობა მთავრდება განქორწინებით, ყველაზე მეტად ზარალდებიან ბავშვები, რომელთაც სურთ მშვიდად ცხოვრება მეგობრულ ოჯახში. მრუში პირველ რიგში ფიქრობს თავის კმაყოფილებასა და გამორჩენაზე, ხოლო ეს კი — ეგოიზმია (ფილიპელთა 2:1–4).

15. რომელი მიზეზის გამო შეიძლება ჩადენილიყო მრუშობა?

¹⁵ ჩვეულებრივად, მრუშობა არ არის სისუსტის მოულოდნელი გამოვლინება. თვით ქორწინება, შეუმჩნევლად თანდათან უარესდებოდა. შესაძლოა აზრთა გაზიარება გადაიქცა რუტინად ან გახდა მოსაწყენი. მეუღლეები ნაკლებად ამხნევებდნენ ერთმანეთს. ერთი მეუღლე არ აქცევდა მეორეს განსაკუთრებულ ყურადღებას. გადიოდა დრო და მეუღლეები არ აკმაყოფილებდნენ ერთმანეთს სექსუალურ საკითხში. რა თქმა უნდა, როდესაც ჩადიან მრუშობას, ეს ასევე ნიშნავს იმას, რომ შესუსტდა ღმერთთან ურთიერთკავშირი. ასეთი ადამიანებისათვის იეჰოვა მეტად აღარ წარმოადგენს ცოცხალ ღმერთს, რომელმაც იცის ყველა ჩვენი აზრი და საქმე. მრუშისათვის „ღმერთი“ შეიძლება მხოლოდ სიტყვაა, ის მისთვის რაღაც აბსტრაქტულია და არ წარმოადგენს მისი ყოველდღიური ცხოვრების ნაწილს. ამ დროს უფრო ადვილია ღმერთის წინააღმდეგ ცოდვის ჩადენა (ფსალმუნი 50:5, 6; 1 კორინთელთა 7:3–5; ებრაელთა 4:13; 11:27).

გასაღები წინააღმდეგობისაკენ

16. როგორ შეუძლია ქრისტიანი შეეწინააღმდეგოს ცდუნებას, რომ არ გახდეს ორგული?

¹⁶ რა ზომებს უნდა მიმართოს ქრისტიანმა, თუ ის (ერთ-ერთი მხარე) ხედავს, რომ იმყოფება გამოცდის წინაშე, გადაუხვიოს ქრისტიანულ სიყვარულს, რომელიც მყარად არის დაფუძნებული ბიბლიურ პრინციპებზე? არასოდეს არ უნდა დავუშვათ, რომ ფიზიკური ან ეროტიკული სიყვარული ბატონობდეს ჩვენზე და მის გამო გავხდეთ ეგოისტები, რითაც ტკივილს მივაყენებდით სხვებს. პირიქით, ჩვენ ეს სიტუაცია იეჰოვას თვალსაზრისით უნდა განვიხილოთ. საჭიროა მისი განხილვა დიდი მასშტაბით: ვიფიქროთ კრების შესახებ და იმ შეურაცხყოფაზე, რომელიც ცუდი ქცევის შედეგად სახელს გაუტეხდა კრებას და იეჰოვას (ფსალმუნი 100:3). თუ ამ საკითხს განვიხილავთ ქრისტეს აზრებით და შემდეგ მოვიქცევით მის შესაბამისად, თავს დავაღწევთ ამ უბედურებას. გახსოვდეს, რომ არასოდეს მთავრდება ქრისტეს სიყვარულის მსგავსი, უანგარო სიყვარული (იგავნი 6:32, 33; მათე 22:37–40; 1 კორინთელთა 13:5, 8).

17. ერთგულების როგორი დამრიგებლური მაგალითები გაგვაჩნია?

¹⁷ წინააღმდეგობის გასაწევი გასაღები იმაში მდგომარეობს, რომ გააძლიერო შენი რწმენა და ხედავდე შენს წინაშე მოცემულ იმედს. ეს ნიშნავს გულით დაიცვა უმწიკვლოების დიდებული მაგალითები, რომლებიც დაგვიტოვეს ძველ დროში მცხოვრებმა ერთგულმა მამაკაცებმა და ქალებმა და თავად იესო ქრისტემ. პავლე წერდა: „ამიტომ ჩვენც, როცა ირგვლივ ღრუბელივით გვყავს მოწმენი, ჩამოვიცილოთ ყოველგვარი ტვირთი და წამაბორძიკებელი ცოდვა, და მოთმინებით გავირბინოთ ჩვენთვის წინამდებარე სარბიელი; შევხედოთ რწმენის მოთავესა და სრულმყოფს იესოს, რომელმაც მისთვის შეთავაზებული სიხარულის ნაცვლად მოითმინა ჯვარი, უგულებელყო სირცხვილი და ღმერთის ტახტის მარჯვნივ დაჯდა. გაიაზრეთ იმაზე, ვინც თავის თავზე მოითმინა ესოდენი წინააღმდეგობა ცოდვილთაგან, რათა თქვენ არ დაუძლურდეთ და არ დასუსტდეთ თქვენი სულებით“ (ებრაელთა 12:1–3). ნაცვლად იმისა, რომ ჩაძიროს ცოლ-ქმრული ხომალდი, გონიერი ადამიანი გაიფიქრებს იმაზე, თუ როგორ შეაკეთოს ყოველივე დაზიანებული, რათა აღადგინოს იგი და ამგვარად თავი გაართვას ვერაგობისა და გაორებული პიროვნების მხარეს (იობი 24:15).

18. ა) ვერაგობა, რატომ არის მრუშობასთან შედარებით ძალიან ძლიერი მნიშვნელობის სიტყვა? ბ) როგორ განიხილავს ღმერთი აღთქმის შესრულებას?

¹⁸ წარმოადგენს თუ არა ვერაგობა, რომელიც გულისხმობს ღალატს, ძლიერი მნიშვნელობის სიტყვას უზნეობასთან დაკავშირებით, როგორიც არის გაცვლა? გაცვლა — ეს არის ვისიმე ნდობის ღალატი. რა თქმა უნდა, რაც არ უნდა ღირდეს, ცოლ-ქმრული აღთქმა ნიშნავს ნდობას, სიყვარულისა და სიფაქიზის დაპირებას, როგორც კარგ, ასევე ცუდ დროში. მასში ნაგულისხმევია ის, რაც ჩვენი დროისათვის ბევრს მოძველებულად მიაჩნია — ესაა პატიოსანი სიტყვა, რომელიც გამოითქვა ცოლ-ქმრული აღთქმით. ამ ნდობის გაყიდვა ნიშნავს გაცვალო შენი მეუღლე — ცხოვრების თანამგზავრი. ბიბლიაში თვალნათლივ არის გამოხატული ღმერთის შეხედულება აღთქმებზე: „თუ ღმერთს აღთქმას მისცემ, ნუ დააყოვნებ მის აღსრულებას, რადგან უპირონი არად ვარგანან. რასაც აღუთქვამ აღუსრულე“ (ეკლესიასტე 5:3).

19. თუ იეჰოვას მოწმე არ ინახავს თავის უმწიკვლოებას რომლის გამოც ხარობს სატანა, მაშინ ეს რომელი სიტუაციის საპირისპიროა?

¹⁹ ამ მხრივ ეჭვი არ უნდა გვეპარებოდეს. ისევე, როგორც ზეცაშია დიდი სიხარული ერთი ცოდვილის გადარჩენის გამო, ასევე დიდია სიხარული დედამიწაზე სატანას ხილულ თუ უხილავ ურდოებს შორის, თუ იეჰოვას რომელიმე მოწმე არ იცავს თავის უმწიკვლოებას (ლუკა 15:7; გამოცხადება 12:12).

ყველასათვის საერთო ცდუნებები

20. როგორ შეგვიძლია წინააღმდეგობა გავუწიოთ ცდუნებას? (2 პეტრე 2:9, 10).

²⁰ არის თუ არა გარდუვალი უზნეობა ამა თუ იმ შემთხვევაში? ნუთუ იმდენად ძლიერია სატანა და ჩვენი არასრულყოფილი სხეული, რომ ქრისტიანებს არ შეუძლიათ წინაღუდგნენ ამ უზნეობას და დაიცვან თავიანთი უმწიკვლოება? პავლე იძლევა გამხნევებას, როდესაც ამბობს: „ერთგულია ღმერთი, რომელიც არ დაუშვებს, რომ თქვენს შესაძლებლობაზე მეტად გამოიცადოთ, არამედ განსაცდელისას გამოსავალსაც მოგცემთ, რომ შესძლოთ გადატანა“. ჩვენ არ შეგვიძლია სავსებით გავექცეთ ცდუნებებს თანამედროვე მსოფლიოში, მაგრამ ჩვენ უსათუოდ გავუძლებთ და გადავლახავთ ნებისმიერ ცდუნებას, თუკი ლოცვით მივმართავთ ღმერთს (1 კორინთელთა 10:13).

21. რომელ კითხვებზე მივიღებთ პასუხებს შემდეგი შესწავლისას?

²¹ როგორ დახმარებას გვთავაზობს ღმერთი, რომ გავუძლოთ ცდუნებას და გავიმარჯვოთ? რა გვესაჭიროვება თვითოეულ ჩვენთაგანს, რომ დავიცვათ ჩვენი ქორწინება, ოჯახი, კრების რეპუტაცია, რათა არ დავჩრდილოთ იეჰოვას სახელი? სწორედ ეს კითხვები იქნება განხილული მომდევნო სტატიაში.

[სქოლიოები]

გახსოვს თუ არა შენ?

◻ რომელი ზოგიერთი ფაქტორი გვეხმარება გავაძლიეროთ ქორწინება?

◻ რატომ უნდა გავექცეთ ამქვეყნიურ თვალსაზრისს ზნეობრივი ნორმების შესახებ?

◻ რომელია ზოგიერთი ცდუნება და სიტუაცია, რომელსაც შეუძლია უზნეობამდე მიიყვანოს ქრისტიანი?

◻ რა წარმოადგენს იმის ძირითად გასაღებს, რომ წინააღმდეგობა გავუწიოთ ცოდვას?

◻ როგორ გვეხმარება ღმერთი ცდუნებების დროს?

[ჩარჩო 14 გვერდზე]

მტკიცე ქორწინების საერთო ფაქტორები

◻ ბიბლიური პრინციპების მტკიცე მიმდევრობა

◻ მეუღლეთა ორივე მხარეს გააჩნია იეჰოვასთან ძლიერი ურთიერთკავშირი

◻ ქმარი პატივს სცემს თავის ცოლს, მის გრძნობასა და აზრს

◻ ყოველდღიური კარგი ურთიერთობა

◻ სწრაფვა ასიამოვნონ ერთმანეთს

◻ იუმორის გრძნობა; უნდა შეგეძლოს გაიცინო შენს თავზე

◻ თავისუფლად აღიარე შეცდომები; დიდსულოვნად მიუტევე

◻ შეინარჩუნე რომანტიკული დამოკიდებულება

◻ გაერთიანებულად აღზარდეთ და გამოასწორეთ თქვენი შვილები

◻ ერთად ევედრეთ იეჰოვას რეგულარულად

ცოლ-ქმრობის დამანგრეველი უარყოფითი ფაქტორები

◻ ეგოიზმი და სიჯიუტე

◻ როცა არ ეწყობა ერთობლივი მეცადინეობები

◻ არასაკმარისი ურთიერთობა

◻ მეუღლეები ნაკლებად თათბირობენ ერთმანეთთან

◻ არ იციან ფულთან დამოკიდებულება

◻ სხვადასხვა კრიტერიუმები საკუთარი ან სხვისი შვილების აღზრდასთან დაკავშირებით

◻ ქმარი შუაღამემდე მუშაობს ან უარყოფს თავის ოჯახს სხვა მოვალეობების გულისათვის

◻ როცა უკუგდებულია ოჯახის სულიერი მოთხოვნილებები

[სურათი 15 გვერდზე]

ქორწინების პატიოსნად შენახვას მოაქვს ხანგრძლივი ბედნიერება.