რატომ ბატონობს შიში ქვეყნიერებაზე?
ვის სურს, იცხოვროს შიშში? ჩვეულებრივი ადამიანი ნატრობს უსაფრთხოებას, თავისი ცხოვრების ან ქონებისთვის მუქარის გარეშე. ამიტომაც, მრავალი გადადის დანაშაულობით მოცული რაიონებიდან. თუმცა, ყველგან არსებობს მრავალი მიზეზი შიშისთვის.
ატომური იარაღის საშიშროება და უბედური შემთხვევები ატომურ რეაქტორზე, კაცობრიობის განადგურების შიშს იწვევს. შიშს ხელს უწყობს ძალადობის სწრაფი ზრდა. მრავალი შიშობს, რომ შიდს-ი ამ საუკუნის უფრო მეტი სიკვდილის გამომწვევი ეპიდემია გახდება. გარემოს განადგურება შიშის გამომწვევი სხვა მიზეზებიდან ერთ-ერთს წარმოადგენს. არის კი შიშის ეს მრავალი მიზეზი განსაკუთრებულად საყურადღებო? და შეგვიძლია თუ არა ოდესმე გვქონდეს იმედი, რომ ვიცხოვრებთ ქვეყნიერებაში, სადაც არ იქნება ასეთი შიში?
მსოფლიოში გავრცელებული შიში არის ნიშანი
დღევანდელ მსოფლიოში გავრცელებული შიში არის ნიშანი, რადგან მის შესახებ ბიბლიაში იყო ნაწინასწარმეტყველები. ბოლო დღეების შესახებ თავის წინასწარმეტყველებაში იესო ქრისტემ აღნიშნა პირობები, რომლებიც შიშს გამოიწვევდნენ. მან თქვა: „აღდგება ერი ერის წინააღმდეგ და სამეფო სამეფოს წინააღმდეგ, და იქნება შიმშილი, და მიწისძვრანი ადგილ-ადგილ“. აგრეთვე, იესო ამბობდა ‘უსჯულოების გამრავლების’ შესახებ. დაწყებული 1914 წლიდან, სასტიკ ომებს, შიმშილობას, მიწისძვრებსა და უკანონობას მოჰყვა დიდი შიში და მრავალი სიცოცხლის დაკარგვა (მათე 24:7–14).
დღეს ადამიანთა პოზიციაც კი ხელს უწყობს შიშს. მეორე ტიმოთეს 3:1–4-ში ვკითხულობთ მოციქული პავლეს წინასწარმეტყველებას: „უკანასკნელ დღეებში დადგება საზარელი ჟამი, ვინაიდან ადამიანები იქნებიან თავმოყვარენი, ვერცხლის მოყვარენი, ამაყნი, ამპარტავანნი, მგმობელნი, მშობლების ურჩნი, უმადურნი, უწმინდურნი, არამოყვარულნი, შეურიგებელნი, ცილისმწამებელნი, შეუკავებელნი, მოღალატენი, სასტიკნი, კეთილის მოძულენი. გამცემნი, თავხედნი, გაბღენძილნი, უფრო გულისთქმის ამყოლნი, ვიდრე ღმერთის მოყვარენი“. რადგანაც ამ უკანასკნელ დღეებში ჩვენს გარშემო ასეთი ადამიანები არიან, ამდენი შიშის არსებობა გასაკვირი არ არის!
რა ელის ამ ქვეყნიერებას
იესომ ეს პერიოდი ნოეს დროინდელი ქვეყნიერების ბოლო დღეებს შეადარა. ეჭვგარეშეა, იმ დროს ქვეყნიერებას დიდი შიში დაეუფლა, რადგან ბიბლიის ისტორიული ჩანაწერი აცხადებს: „წაირყვნა ქვეყანა ღვთის წინაშე და აივსო ქვეყანა უსამართლობით“. ამიტომ, „უთხრა ღმერთმა ნოეს: მოაწია ყოველი ხორციელის აღსასრულმა ჩემს წინაშე, რადგან აივსო ქვეყანა. . . უსამართლობით“ (დაბადება 6:11, 13). იმ დროის ბოროტი ქვეყნიერება იმდენად უსამართლო იყო, რომ ღმერთმა მსოფლიო წარღვნით გაანადგურა ის. მიუხედავად ამისა, იეჰოვა ღმერთი სიყვარულით მოქმედებდა, როცა დაიცვა მართალი ნოე და მისი ოჯახი (2 პეტრე 2:5).
მაშასადამე, რა ელის დღევანდელ უსამართლო ქვეყნიერებას? ღმერთს სძულს სხვების კეთილდღეობის სასტიკი უგულებელყოფა. ეს ნათლად ჩანს ფსალმუნმომღერლის სიტყვებიდან: „უფალი მართალს გადაარჩენს, ხოლო ბოროტი და ძალადობის მოყვარული სძულს მის სულს“ (ფსალმუნი 10:5). იეჰოვამ აღსასრული მოაწია ნოეს დროინდელ სასტიკ ქვეყნიერებას. ამიტომ, ნუთუ არ უნდა მოველოდეთ, რომ ღმერთი ამ ქვეყნიერებასაც მოაწევს აღსასრულს, რომელიც შეპყრობილია შიშის მომგვრელი ძალადობით?
მოციქული პეტრე აღძრული იყო ღვთაებრივი ძალით, რომ ელაპარაკა ქრისტეს თანდასწრების შესახებ და ეწინასწარმეტყველა დღევანდელი ბოროტი ქვეყნიერების დიდი უბედურების შესახებ. ის წერდა: „უკანასკნელ დღეებში მოვლენ დაცინვით დამცინავები, რომელნიც საკუთარი გულისთქმისამებრ იქცევიან. და ამბობენ: სად არის მისი მოსვლის აღთქმა? რამეთუ მას შემდეგ, რაც მიიცვალნენ მამები, ყოველივე ისევე რჩება, როგორც დასაბამიდან“. შემდეგ პეტრემ გამოიყენა გამოთქმა „ცანი“, რომლითაც გამოხატა არასრულყოფილი მმართველობა, რომელიც ბატონობს კაცობრიობაზე და გამოთქმა „დედამიწა“, ადამიანთა უსამართლო საზოგადოების გამოსახატავად. მან თქვა: „რადგან მათგან — როცა მათ ეს სურთ, დაფარული რჩება — რომ თავდაპირველად ცანი და დედამიწა დაარსდნენ ღმერთის სიტყვით წყლისაგან და წყლით; რომელთა მეშვეობითაც მოისპო მაშინდელი [ნოეს დროინდელი] ქვეყნიერება, წარღვნილი წყლით. ხოლო ახლანდელი ცანი და დედამიწა, რომელნიც იმავე სიტყვით ინახებიან, გამზადებულნი არიან ცეცხლისათვის უღმერთო კაცთა გასამართლებისა და მოსპობის დღისათვის“ (2 პეტრე 3:3–7).
ამ აზრის მსგავსად, პავლემ აღნიშნა, რომ მომავალში ქრისტე და მისი ძლევამოსილი ანგელოზები იძიებდნენ „შურს მათზე, ვინც არ შეიცნო ღმერთი და არ ემორჩილება უფლის იესოს სახარებას, ვინც სასჯელად მიიზღავს მარადიულ დაღუპვას“ (2 თესალონიკელთა 1:6–9). ბიბლიის ბოლო წიგნი მოგვითხრობს ერების შეკრებაზე „საომრად ყოვლისმპყრობელი ღმერთის ამ დიდი დღისათვის“ და გვარწმუნებს, რომ იეჰოვა ‘მოსპობს დედამიწის მომსპობთ’ (გამოცხადება 11:18; 16:14–16).
დრო სიხარულისთვის და არა შიშისთვის
ნაცვლად იმისა, რომ შეშინდნენ იმის გამო, რასაც ბიბლია ამ ქვეყნიერებისთვის წინასწარმეტყველებს, სამართლიან ადამიანებს აქვთ საფუძველი სიხარულისთვის. იეჰოვა მალე გაანადგურებს ამ ბოროტ ქვეყნიერებას, მაგრამ ეს გაკეთდება იმათ სასიკეთოდ, ვისაც სამართლიანობა უყვარს. რა მოჰყვება დღევანდელი სისტემის ღვთისმიერ აღსასრულს? რასაკვირველია, ახალი სისტემა, ღმერთის ზეციერი სამეფოს მმართველობით, რომლის შესახებაც იესო თავის მიმდევრებს ასწავლიდა ლოცვას! მან თქვა: „თქვენ კი ასე ილოცეთ: მამაო ჩვენო, რომელი ხარ ცათა შინა, წმიდა იყოს სახელი შენი; და მოვიდეს სუფევა შენი, და იყოს ნება შენი, ვითარცა ცათა შინა, ეგრეცა ქვეყანასა ზედა“ (მათე 6:9, 10). რა ცვლილებებია მოსალოდნელი, როცა დედამიწაზე ღმერთის ნება შესრულდება?
ომი და მისი საშინელებები შეწყდება. ფსალმუნის 45:10-ში ნათქვამია: „[იეჰოვა ღმერთი] შეწყვეტს ომებს დედამიწის კიდით-კიდემდე, მშვილდს შემუსრავს და შუბს დაამსხვრევს, [საომარ] ეტლებს დაბუგავს ცეცხლით“. მაშინ ყოველი ადამიანი „თავისი ვაზის და ლეღვის ქვეშ იჯდება და არავინ იქნება დამაფრთხობელი“ (მიქა 4:4).
სასიკვდილო დაავადებები აღარ იქნება მრავალი სიცოცხლის დაკარგვისა და შიშის მიზეზი. ღვთიური აღთქმა იუწყება: „არ იტყვის მცხოვრები: ავად ვარო“ (ესაია 33:24). რაოდენ დიდი მიზეზია სიხარულისთვის!
დამნაშავეობასა და ძალადობასთან დაკავშირებული მრავალი შიში, ასევე, წარსულს ჩაჰბარდება. ფსალმუნის 36:10, 11 გვპირდება: „კიდევ ცოტა და აღარ იქნება ბოროტი, დაუკვირდები მის ადგილს და აღარ იქნება იგი. ხოლო თავმდაბალნი დაიმკვიდრებენ ქვეყნიერებას და დაამდებიან დიდი მშვიდობით“.
როგორ იქნება შენაცვლებული ჭეშმარიტი მშვიდობითა და უსაფრთხოებით დღეს არსებული მრავალი შიში? ერთადერთი სამართლიანი ხელისუფლების — ღმერთის სამეფოს საშუალებით. ჩვენი დროის შესახებ დანიელის 2:44 აცხადებს: „იმ მეფეთა დღეებში ზეციერი ღმერთი დაამყარებს სამეფოს, რომელიც უკუნისამდე არ დაიქცევა და მისი ხელმწიფება სხვა ხალხში არ გადავა. იგი შემუსრავს, და დააქცევს ყველა სამეფოს, თავად კი უკუნისამდე იდგება“. იეჰოვას მიერ დანიშნულმა მეფემ, იესო ქრისტემ, „უნდა იმეფოს, ვიდრე [ღმერთი მის] ფეხებქვეშ მოაქცევდეს [მის] ყველა მტრებს“ (1 კორინთელთა 15:25). იესოს ათასწლიანი მმართველობა შეასრულებს ღმერთის თავდაპირველ განზრახვას, ჰქონოდა სიხარულით აღსავსე ადამიანებით მარადიულად დასახლებული სამოთხის დედამიწა (ლუკა 23:43; გამოცხადება 20:6; 21:1–5).
სამოთხეში დედამიწაზე მხოლოდ ერთი სასარგებლო შიში იქნება. ის იქნება ‘უფლისადმი [იეჰოვასადმი, აქ] შიში’ (იგავნი 1:7). სინამდვილეში, ჩვენ უკვე ახლა უნდა გვქონდეს ეს შიში, რომელიც არის ღრმა პატივისცემა და მოკრძალება გაერთიანებული შიშთან, არ გავანაწყენოთ ღმერთი, რადგან ჩვენ ვაფასებთ მის სიყვარულით აღსავსე სიკეთესა და გულკეთილობას. ეს შიში მოითხოვს იეჰოვაზე სრულ მინდობასა და ერთგულ მორჩილებას (ფსალმუნი 2:11; 113:19).
საზარელი შემთხვევები ამ დღეებს აღნიშნავენ, როგორც უკანასკნელს. მაგრამ, თუ დავამტკიცებთ იეჰოვას მიმართ სიყვარულს, შიშის ნაცვლად შეგვიძლია სიხარული განვიცადოთ. ბიბლიური წინასწარმეტყველებები გვიჩვენებენ, რომ ღვთიური ძალით ამ ქვეყნიერების აღსასრული ახლოსაა. ის შეიცვლება იეჰოვა ღმერთის მიერ აღთქმული სამართლიანობის ახალი ქვეყნიერებით (2 პეტრე 3:13). ნამდვილად, სამეფოს მმართველობით მალე დამყარდება ქვეყნიერება, რომელიც არასასარგებლო შიშისგან თავისუფალი იქნება.
[სურათი მე-6 გვერდზე]
იესო ქრისტეს მეთაურობით, სამეფოს მმართველობის დროს, შიში აღარასდროს დაეუფლება ქვეყნიერებას.