გახსოვს თუ არა?

ჰქონდა თუ არა პრაქტიკული ღირებულება „საგუშაგო კოშკის“ უკანასკნელ გამოცემებს? მაშინ რატომ არ შეგემოწმებინა შენი მეხსიერება შემდეგი კითხვებით:

◻ როგორი იქნება არმაგედონი? (გამოცხადება 16:14, 16).

ეს ბირთვული აპოკალიფსი ან ადამიანის მიერ გამოწვეული უბედურება არ იქნება. არა, ეს ღვთის ომი იქნება — ადამიანთა ყველა ომისა და მათი გამჩაღებლების მომსპობი და მშვიდობის მოყვარულთათვის ნამდვილი მშვიდობის მომტანი. ის არ დაბრკოლდება (აბაკუმი 2:3) (15.04, გვ. 17).

◻ როგორი ქორწილი მიაგებს პატივს იეჰოვას?

ქორწილი, სადაც ბიბლიური ასპექტები დომინირებს და არა წუთისოფლისეული, ჭეშმარიტად, პატივს მიაგებს იეჰოვას. თუ დარწმუნებული იქნება, რომ გამოყოფილია წუთისოფლისგან, მისი ცრურწმენისა და არაზომიერებისგან, ნებას არ რთავს რეგულარული თეოკრატიული საქმიანობის ხელის შეშლას და თავის გამოსაჩენი მოქმედებების ნაცვლად ავლენს მოკრძალებას, ქრისტიანი ნამდვილად სიხარულს იგრძნობს ქორწილით (15.04, გვ. 26).

◻ როგორია პატიოსანი ადამიანი?

პატიოსანი ადამიანი მხოლოდ მეგობრისთვის კი არ არის სანდო, არამედ ღვთისთვისაც, რაც ბევრად უფრო მნიშვნელოვანია. ასეთი ადამიანის გულის სიწმინდე მის მოქმედებებში ვლინდება; მას არ ახასიათებს პირმოთნეობა. ის არ არის ქვეშქვეშა ან მოღალატე (2 კორინთელთა 4:2) (01.05, გვ. 6).

◻ რის განსახიერება იყო მოსესა და ელიას გამოჩენა ფერიცვალების დროს?

ფერიცვალების შესახებ ინფორმაციის კონტექსტში მოსე და ელია ქრისტეს ცხებული ძმების სათანადო პირველსახეს წარმოადგენენ. ისინი, ისევე როგორც იესო, „დიდებით“ გამოჩნდნენ, რაც იმას ასიმბოლოებდა, რომ ცხებული ქრისტიანები ზეციერ სამეფოში ქრისტესთან ‘ერთად განდიდდებოდნენ’ (ლუკა 9:30, 31; რომაელთა 8:17; 2 თესალონიკელთა 1:10) (15.05, გვ.12, 14).

◻ როგორ შეიძლება აირიდო სასოწარკვეთილება დევნისას?

მაშინაც კი, როცა მდგომარეობა გამოუვალი ჩანს „მიანდე უფალს შენი საზრუნავი და ის შეგეხიდება“ (ფსალმუნი 54:23). საკუთარი თავისადმი სიბრალულში ჩაძირვის ნაცვლად, დაფიქრდი, რა კურთხეული ხარ, რომ იცნობ იეჰოვას, მის ხალხში ხარ და უსასრულო სიცოცხლის იმედი გაქვს (იოანე 3:16, 36) (15.05, გვ. 25).

◻ რა არის ღვთის „წმინდა საიდუმლო“? (1 კორინთელთა 2:7, აქ).

ღვთის „წმინდა საიდუმლო“ ქრისტეში იყრის თავს (ეფესელთა 1:9, 10). მაგრამ ეს არ არის, უბრალოდ, აღთქმულ მესიად ქრისტეს ამოცნობა. ეს ზეციერ მთავრობას, ღვთის მესიანურ სამეფოსა და ღვთის განზრახვაში იესოსთვის მიცემული როლის შესრულებას შეიცავს (01.06, გვ. 13).

◻ როგორ უნდა შეხედოს ქრისტიანმა ასაკში შესვლას ან ავადმყოფობას?

იმის ნაცვლად, რომ იფიქრო, თითქოს განსაცდელი გზღუდავს იეჰოვასადმი მსახურებაში, ჩათვალე იმ შესაძლებლობად, რომ უფრო მეტად მიენდო იეჰოვას. აგრეთვე გახსოვდეს, რომ ქრისტიანის ღირსება განისაზღვრება არა იმით, თუ რამდენს აკეთებს პიროვნება მსახურებაში, არამედ რწმენისა და სიყვარულის სიძლიერით (მარკოზი 12:41–44) (01.06, გვ. 26).

◻ როგორ მოწმობს იეჰოვას დიდებულ სიბრძნეზე მის მიერ ბიბლიის დასაწერად ანგელოზების ნაცვლად ადამიანების გამოყენება?

ჩვენ ძნელად თუ ჩავწვდებოდით ბიბლიის ცნობას, ადამიანთა ხელით ნაწერის ელფერი რომ არ ჰქონოდა. აგრეთვე ბიბლიას ახასიათებს სითბო, მრავალფეროვნება და მიმზიდველობა, რომელსაც მას ადამიანის ხელი აძლევს (15.06, გვ. 8).

◻ რა არის ოჯახური ბედნიერების საიდუმლო?

ოჯახური ბედნიერების საიდუმლო ღვთის სიტყვაში, ბიბლიაშია მოცემული და ის ისეთი ბიბლიური პრინციპების გამოყენებაშია, როგორიცაა: თავშეკავება, მეთაურობის პრინციპის აღიარება, კარგი ურთიერთობა და სიყვარული (15.06, გვ. 23, 24).

◻ როგორ მკვეთრად განსხვავდებოდა იესოს მიერ განკურნება იმისგან, რასაც აკეთებენ ის ადამიანები, რომლებიც დღეს აცხადებენ, რომ განკურნების ძალა აქვთ?

მაშინ ხალხის მხრიდან ადგილი არ ჰქონია არანაირი ძლიერი ემოციის გამოვლენას და იესოს მხრიდან არანაირ მსახიობურ გაშმაგებას. გარდა ამისა, იესოს არასოდეს განუცდია მარცხი უძლურთა განკურნებაში მათი რწმენის უკმარისობის ან შესაწირავის სიმცირის მიზეზით (01.07, გვ. 5).

◻ როგორ დაეხმარა იეჰოვა თავის ხალხს, ჰქონოდა თავისი ადგილი მის სახელსა და სამეფოსთან დაკავშირებულ ღვთიურ განზრახვაში?

პირველი ისაა, რომ იეჰოვამ თავის ხალხს ჭეშმარიტება მიანდო. მეორე, მათ თავისი სულიწმიდა მისცა. და მესამე, გვაქვს მსოფლიო საძმო და იეჰოვას ჩინებული ორგანიზაციული წყობილება თაყვანისცემისთვის (01.07, გვ. 20, 21).

◻ რა არის უბიწოება?

უბიწოება არის მორალური ღირსება. სიკეთე, სწორი მოქმედება და აზროვნება. ეს პასიური თვისება კი არ არის, არამედ დადებითი, აქტიური. უბიწოებაში ცოდვისგან თავის არიდებაზე მეტი შედის; ის ნიშნავს, მისდიო იმას, რაც კარგია (1 ტიმოთე 6:11) (15.07, გვ. 14).

◻ რა არის ყველაზე ძვირფასი მემკვიდრეობა, რის გადაცემაც მშობლებს შეუძლიათ შვილებისთვის?

ყველაზე ძვირფასი მემკვიდრეობა, რის გადაცემაც მშობლებს შეუძლიათ შვილებისთვის, სიყვარულის გამოვლენასთან დაკავშირებული პირადი მაგალითია. ბავშვებისთვის საჭიროა, დაინახონ და მოისმინონ, თუ როგორ გამოხატავენ და ავლენენ მშობლები ნამდვილ სიყვარულს ღვთის მიმართ (15.07, გვ. 21).

◻ რა არის აუცილებელი ეფექტური ოჯახური შესწავლისთვის?

ოჯახური შესწავლა რეგულარული უნდა იყოს. შესწავლისთვის ‘დრო უნდა გამოისყიდო’ (ეფესელთა 5:15–17). გახადე შესწავლა სიყვარულით სავსე, რათა ბიბლია ბავშვებისთვის ცოცხალი გახდეს. ბავშვებმა სიხარული რომ ჰპოვონ, ისინი მონაწილეობას უნდა ღებულობდნენ შესწავლაში (01.08, გვ. 27, 28).