აღმატებული სიყვარული

ქრისტიანულ-ბერძნულ წერილებში, ანუ „ახალ აღთქმაში“ „სიყვარულად“ უმეტესწილად ნათარგმნია ბერძნული სიტყვა „აგაპე“.

„წმინდა წერილების საკვლევი ცნობარი“a ამ სიტყვის მნიშვნელობის ახსნისას აღნიშნავს: «[„აგაპე“] არ არის მხოლოდ გრძნობებზე დაფუძნებული სიყვარული (ჩვეულებრივ, სიყვარულის შესახებ ასეთი შეხედულებაა გავრცელებული). ეს არის სიყვარული, რომელსაც ნების შეგნებულად გამოხატვა უდევს საფუძვლად და ამ დროს ის პრინციპებით ხელმძღვანელობს, ითვალისწინებს მოვალეობის გრძნობას და იმას, თუ რის გაკეთებაა მართებული. აგრეთვე, სწორი ნორმებიდან გადახვევის გარეშე გულწრფელად ცდილობს სხვების სასიკეთოდ მოქმედებას. „აგაპე“ სიძულვილის მძლეველი სიყვარულია და მტრობას არასოდეს აძლევს იმის საშუალებას, რომ სწორი პრინციპები დაარღვევინოს და ბოროტებაზე ბოროტად აპასუხებინოს».

„აგაპე“ ღრმა გრძნობებსაც მოიცავს. «იქონიეთ გულითადი სიყვარული [„აგაპე“] ერთმანეთისადმი», — წერდა მოციქული პეტრე (1 პეტრე 4:8). ამგვარად, შეიძლება ითქვას, რომ „აგაპე“ ეხება როგორც გულს, ისე გონებას. ხომ არ განიხილავდით რამდენიმე ბიბლიურ მუხლს, რომლებიც ცხადყოფს, თუ რამხელა ძალისა და მასშტაბების მომცველია ეს აღმატებული სიყვარული? ამაში დაგეხმარებოდათ შემდეგი მუხლების გამოკვლევა: მათე 5:43—47; იოანე 15:12, 13; რომაელთა 13:8—10; ეფესელთა 5:2, 25, 28; 1 იოანე 3:15—18; 4:16—21.

[სქოლიოები]