როგორ მოვამზადოთ მოწაფეები წიგნით, „შემეცნება“
1 ყველა ქრისტიანის სასურველი მიზანია, ჭეშმარიტება ასწავლოს და მოიმოწაფოს ისინი, რომლებიც ‘საუკუნო სიცოცხლისათვის არიან განწესებული [სწორად განწყობილი, აქ]’ (საქ. 13:48; მათ. 28:19, 20). იეჰოვას ორგანიზაციამ ამის შესასრულებლად მოგვაწოდა მშვენიერი საშუალება — წიგნი „მარადიულ სიცოცხლემდე მიმყვანი შემეცნება“. ეს სათაური ყურადღებას ამახვილებს ბიბლიის საშინაო შესწავლის მნიშვნელობაზე, რადგან მარადიული სიცოცხლე დამოკიდებულია იეჰოვას, ერთადერთი ჭეშმარიტი ღვთისა და მისი ძის, იესო ქრისტეს, შესახებ შემეცნების მიღებაზე (იოან. 17:3).
2 წიგნი „შემეცნება“ ახლა საზოგადოების მთავარი პუბლიკაციაა საშინაო ბიბლიური შესწავლების ჩასატარებლად. ამის გამოყენებით მარტივად, ნათლად და მრავალსიტყვაობის გარეშე შეგვიძლია, ვასწავლოთ ჭეშმარიტება. ეს დაგვეხმარება შემსწავლელის გულში შეღწევაში (ლუკ. 24:32). რასაკვირველია, ჩამტარებელმა უნდა გამოიყენოს სწავლების კარგი უნარი. ეს დანართი იმ მიზნით მომზადდა, რომ შემოგვთავაზოს რჩევები და შეგვახსენოს სწავლების მეთოდები, რომლებმაც დაამტკიცა თავისი ეფექტურობა. გამჭრიახობითა და ინდივიდუალური ვითარებების თანახმად, ალბათ, შეძლებ თანდათანობით გამოიყენო აქ შემოთავაზებულიდან ზოგიერთი მათგანი ან ყველა. შეინახე ეს დანართი და ხშირად მიმართე ამას. აქ მოცემული სხვადასხვა საკითხები, ალბათ, დაგეხმარება, რომ უფრო ეფექტურად გამოიყენო წიგნი, „შემეცნება“, რათა მოწაფეები მოამზადო.
3 ჩაატარე გამაუმჯობესებელი საშინაო ბიბლიური შესწავლა: გულწრფელი პირადი ინტერესი გამოავლინე ბიბლიის შემსწავლელისადმი, როგორც მომავალი ქრისტიანი მოწაფისა და სულიერი ძმის ან დისადმი. იყავი გულთბილი, მეგობრული და ენთუზიაზმით აღსავსე. თუ კარგი მსმენელი იქნები, გაიცნობ სხვა პიროვნებას — მის წარსულსა და ცხოვრების სიტუაციას — რაც დაგეხმარება, გაარჩიო, როგორ აღმოუჩინო საუკეთესოდ სულიერი დახმარება მას. დროსა და ძალებს ნურასოდეს დაზოგავ მოსწავლისთვის (1 თეს. 2:8).
4 როცა შესწავლა დაზუსტებულია, უკეთესია წიგნის, „შემეცნების“, თავების თანამიმდევრულად შესწავლა. ეს მოსწავლეს საშუალებას მისცემს, თანდათანობით ჩასწვდეს ჭეშმარიტებას, რადგან წიგნი ბიბლიურ საკითხებს უაღრესად ლოგიკური თანამიმდევრობით ავითარებს. შესწავლა უბრალოდ და საინტერესოდ ჩაატარე, ისე რომ ის გამომაცოცხლებელი იყოს და წინ მიიწევდეს (რომ. 12:11). შემსწავლელის ვითარებებისა და უნარის მიხედვით, ალბათ, შეძლებ, რომ თავების უმეტესობიდან თითოეული თითო შესწავლაზე გაიარო აუჩქარებლად, რომელიც დაახლოებით ერთი საათი გაგრძელდება. მოსწავლე უკეთესად წაიწევს წინ, თუ მასწავლებელიც და თვითონაც ყოველკვირეულად დანიშნულ შესწავლას არ გააცდენენ. ასე რომ, ადამიანთა უმრავლესობასთან, ალბათ, შესაძლებელი იქნება წიგნის 19 თავის დაახლოებით 6 თვეში დასრულება.
5 ყოველი ნაწილი მოკლე შენიშვნებით გააცანი, რათა მასალისადმი აღუძრა ინტერესი. უნდა შენიშნო, რომ ყოველი თავის სათაური არის ამ თავის თემა, რომელსაც უნდა გაესვას ხაზი. ყოველი ქვესათაური გამოყოფს მთავარ აზრს, რაც გეხმარება, იმ თავის თემა ყურადღების ცენტრში გქონდეს. იფრთხილე, ბევრი არ ილაპარაკო. ამის ნაცვლად, შეეცადე, რომ შემსწავლელს გამოათქმევინო აზრები. განსაკუთრებული, მისახვედრი კითხვების დასმა იმის საფუძველზე, რაც უკვე იცის, დაეხმარება, იმსჯელოს და სწორ დასკვნამდე მივიდეს (მათ. 17:24–26; ლუკ. 10:25–37; იხილე „თეოკრატიული სკოლის სახელმძღვანელო“, გვ. 51, აბზ. 10 [რუს.]). ზუსტად მიჰყევი „შემეცნებაში“ დაბეჭდილ ინფორმაციას. დამატებითი მასალის შეთავაზება შეასუსტებს ან გააბუნდოვანებს ძირითად საკითხებს და შესწავლას გააჭიანურებს (იოან. 16:12). თუ წამოიჭრება კითხვა, რომელიც შესასწავლ მასალას არ ეხება, უმეტესი შემთხვევისას შეგიძლია, შესწავლის შემდეგ უპასუხო. ეს დაგეხმარება, ყოველი კვირის გაკვეთილი თემიდან გადახვევის გარეშე გაიარო. აუხსენი შემსწავლელს, რომ მისი კითხვების უმეტესობას პასუხი გაეცემა შესწავლის პროცესში (იხილე „თეოკრატიული სკოლის სახელმძღვანელო“, გვ. 93, აბზ. 14).
6 თუ მოსწავლეს მტკიცედ სწამს სამება, სულის უკვდავება, ჯოჯოხეთის ცეცხლის არსებობა ან სხვა ასეთი ცრუ დოგმები და წიგნში, „შემეცნებაში“, მოცემული მასალა არ აკმაყოფილებს, შეგიძლია, მისცე ის პუბლიკაცია, რომელიც ამ საკითხს განიხილავს. უთხარი, რომ ამ საკითხზე მასთან იმსჯელებ, როცა ის იფიქრებს წაკითხულზე.
7 შესწავლის დასაწყისსა და ბოლოში ხელმძღვანელობისა და კურთხევისთვის იეჰოვასადმი ლოცვა ღირსებას ანიჭებს მას, პიროვნების გონებას პატივისცემით განაწყობს და ყურადღებას მიმართავს იეჰოვასადმი, როგორც ჭეშმარიტი მასწავლებლისადმი (იოან. 6:45). თუ შემსწავლელი ჯერ კიდევ ეწევა თამბაქოს, სთხოვე, რომ მოითმინოს შესწავლისას (საქ. 24:16; იაკ. 4:3).
8 ეფექტურად ასწავლე მუხლებით, თვალსაჩინო მაგალითებითა და გასამეორებელი კითხვებით: რამდენჯერაც არ უნდა ჰქონდეს შესწავლილი მასალა, დახელოვნებული მასწავლებელი ყოველთვის გაიმეორებს გაკვეთილს ცალკეულ მოსწავლეზე ფიქრით. ეს დაეხმარება მოსწავლის ზოგიერთი კითხვის გათვალისწინებაში. ეფექტურად რომ შეასწავლო, ნათლად გაიგე იმ თავის მთავარი საკითხები. მონახე მუხლები, რათა ნახო, როგორ შეესაბამება მასალას და იფიქრე, რომელი მათგანი უნდა წაიკითხოთ შესწავლისას. იფიქრე, როგორ შეგიძლია, ასწავლო ილუსტრაციებისა და თავის ბოლოს მოცემული გასამეორებელი კითხვების გამოყენებით.
9 მუხლების ეფექტური გამოყენებით მოსწავლეს დაეხმარები, მიხვდეს, რომ ის ნამდვილად სწავლობს ბიბლიას (საქ. 17:11). „შემეცნების“ მე-14 გვერდზე მოცემული ჩარჩოს — „კარგად გაეცანი შენს ბიბლიას“ — გამოყენებით ასწავლე, როგორ მონახოს მუხლები. აჩვენე, როგორ გაარჩიოს გაკვეთილში ციტირებული მუხლები. თუ დრო გაქვს, მონახე და წაიკითხე მოყვანილი მუხლები, რომლებიც არ არის ციტირებული. კომენტარი გააკეთებინე მოსწავლეს იმასთან დაკავშირებით თუ, როგორ ამტკიცებენ ისინი ან ნათელყოფენ აბზაცში მოცემულ აზრს. გამოყავი მუხლების ძირითადი ნაწილები, რათა გაკვეთილის მთავარი საკითხების განმარტებებს ჩასწვდეს (ნეემ. 8:8). ძირითადად, არ არის აუცილებელი, რომ მასწავლებელმა წიგნში მოყვანილზე მეტი განიხილოს. აღნიშნე ბიბლიის წიგნების სახელებისა და თანამიმდევრობის ცოდნის ფასი. შემსწავლელს დაეხმარება 1991 წლის 15 ივნისის „საგუშაგო კოშკიდან“ 27-ე–30-ე გვერდების წაკითხვა (რუს.).
10 „თეოკრატიული სკოლის სახელმძღვანელოს“ 34-ე გაკვეთილი ხსნის, რომ თვალსაჩინო მაგალითები აცოცხლებს პიროვნების აზროვნებას და აადვილებს ახალი აზრების შეთვისებას. ისინი ინტელექტუალურ ინტერესს ემოციურ მოთხოვნილებასთან აერთიანებენ, ისე რომ ცნობა დიდი ძალით გადაეცემა, რაც ხშირად შეუძლებელია ფაქტების უბრალო გადაცემით (მათ. 13:34). წიგნში, „შემეცნება“, მრავლად არის სასწავლო თვალსაჩინო მაგალითები, რომლებიც უბრალოა, მაგრამ ძლიერი. მაგალითად, მე-17 თავში გამოყენებული თვალსაჩინო მაგალითი მადლიერებას აღძრავს იმისადმი, თუ იეჰოვა, სულიერი გაგებით, როგორ უზრუნველგვყოფს ტანსაცმლით, პროდუქტითა და თავშესაფრით ქრისტიანული კრების მეშვეობით. წიგნის, „შემეცნების“, მშვენიერი ილუსტრაციების გამოყენება შეიძლება ეფექტურად, რათა გრძნობები გაუღვიძო. 185-ე გვერდზე მოცემული ქვესათაურის „სასიხარულო აღდგომის“ შემდეგ მოყვანილი მე-18 აბზაცის ზემოქმედება უფრო გაძლიერებული იქნება, თუ მოსწავლეს ანახებ წინ, 86-ე გვერდზე მოცემულ სურათს. ამან, შეიძლება, დააფიქროს აღდგომაზე, როგორც რეალურზე, რაც შესრულდება ღვთის სამეფოს მეშვეობით.
11 ბიბლიის შემსწავლელებმა სულიერად წინ უნდა წაიწიონ ყოველი გაკვეთილის შემდეგ. ამიტომ, არასოდეს გამოტოვო გასამეორებელი კითხვები ყოველი თავის ბოლოს მოცემული ჩარჩოდან — „შეამოწმე შენი ცოდნა“. მასწავლებელი არ უნდა კმაყოფილდებოდეს შესასწავლ მასალაზე გაცემული მხოლოდ ზუსტი პასუხებით. ამ კითხვებიდან ზოგიერთი განკუთვნილია, რომ პირადი პასუხი გასცეს, გულიდან გამომდინარე. მაგალითად, ნახე გვ. 31, სადაც შემსწავლელისადმი დასმულია შეკითხვა: „ღმერთის რომელი თვისებებია განსაკუთრებით მიმზიდველი შენთვის?“ (2 კორ. 13:5).
12 ასწავლე მოსწავლეებს შესწავლისთვის მომზადება: შემსწავლელი, რომელიც გაკვეთილს წინასწარ კითხულობს, პასუხებს აღნიშნავს და ფიქრობს, როგორ გამოთქვას საკუთარი სიტყვებით, უფრო სწრაფად წაიწევს წინ სულიერად. პირადი მაგალითითა და გამხნევებით შეგიძლია, ასწავლო შესწავლისთვის მომზადება. აჩვენე შენი წიგნი, რომელშიც მკვეთრი ფერის კალმით გაქვს გამოყოფილი ან ხაზი გაქვს გასმული ძირითად სიტყვებსა და ფრაზებზე. აუხსენი, როგორ იპოვოს დაბეჭდილი კითხვების ზუსტი პასუხები. ერთ-ერთი თავის ერთად მომზადება, ალბათ, დაეხმარება მას. მოუწოდე, საკუთარი სიტყვებით გამოთქვას აზრი. მხოლოდ ამ შემთხვევაში იქნება ნათელი, ესმის თუ არა მასალა. თუ პასუხს წიგნიდან კითხულობს, შეგიძლია აზროვნება აღუძრა შეკითხვით, თუ საკუთარი სიტყვებით როგორ აუხსნიდა გარკვეულ საკითხს სხვას.
13 რადგან შესაძლებელია, რომ შესწავლისას არ იყოს დრო ყოველი მუხლის წასაკითხად, მოუწოდე შემსწავლელს, იმ კვირის განმავლობაში მომზადებისას მონახოს მოყვანილი მუხლები. შეაქე იმ მონდომებისთვის, რომელიც გამოავლინა გაკვეთილის მომზადებისთვის (2 პეტ. 1:5; დამატებითი რჩევებისთვის, თუ რა შეიძლება გააკეთონ ბიბლიური შესწავლის გასაუმჯობესებლად როგორც მასწავლებელმა, აგრეთვე მოსწავლემ, იხილე „სასწავლო სტატიების“ მე-4 გამოცემა, გვ. 9, 10). ამგვარად მოსწავლე ისწავლის მომზადებას და კრების შეხვედრებზე აზრიანი კომენტარების გაკეთებას. ის ისწავლის, როგორ განავითაროს კარგი პირადი შესწავლის ჩვევა, რაც მოამზადებს მას, ჭეშმარიტებაში წარმატებების მიღწევა გააგრძელოს იმის შემდეგ, როცა პირად ბიბლიურ შესწავლას დაასრულებს წიგნით, „შემეცნება“ (1 ტიმ. 4:15; 1 პეტ. 2:2).
14 მოსწავლეების ყურადღება იეჰოვას ორგანიზაციაზე გადაიტანე: შემსწავლელის ინტერესის იეჰოვას ორგანიზაციაზე გადატანა იმის პასუხისმგებლობაა, ვინც მოწაფეებად ამზადებს ხალხს. შემსწავლელი უფრო სწრაფად მიაღწევს წარმატებას სულიერი მოწიფულობისკენ, თუ აღიარებს და აფასებს ორგანიზაციას და ხვდება მის ნაწილად გახდომის აუცილებლობას. ჩვენ გვსურს, რომ მან სიამოვნება ჰპოვოს ღვთის ხალხთან ურთიერთობაში და ისწრაფოს, ჩვენთან ერთად იყოს სამეფო დარბაზში, სადაც შეძლებს იმ სულიერი და ემოციური სიუხვის მიღებას, რასაც ქრისტიანული კრება იძლევა (1 ტიმ. 3:15).
15 ბროშურა — „იეჰოვას მოწმეები გაერთიანებულად ასრულებენ ღმერთის ნებას მთელ მსოფლიოში“ (რუს.) — იმ მიზნით გამოიცა, რომ პიროვნებებს გააცნოს ერთადერთი, ხილული ორგანიზაცია, რომელსაც იეჰოვა დღეს თავისი ნების შესასრულებლად იყენებს. როცა შესწავლა შედგება, მიეცი მოსწავლეს ბროშურის ეგზემპლარი. შესწავლის დაწყებიდანვე დაიწყე მისი შეხვედრებზე მიწვევა. აუხსენი, როგორ ტარდება ისინი. აცნობე მომავალი საჯარო მოხსენების სათაური ან აჩვენე სტატია, რომელიც განხილული იქნება „საგუშაგო კოშკის“ შესწავლაზე. სამეფო დარბაზში მისი წაყვანა შეიძლება მაშინ, როცა შეხვედრა არ მიმდინარეობს, რათა შეუმსუბუქო მღელვარება, რომელიც შეიძლება ჰქონდეს ახალ ადგილზე პირველად მისვლისას. შეძლებისდაგვარად, შესთავაზე ტრანსპორტირება ან კრებაზე ერთად წასვლა. როცა ესწრება, იზრუნე, რომ თავი უხერხულად არ იგრძნოს და აგრძნობინე, რომ გსიამოვნებს მისი იქ ყოფნა (მათ. 7:12). სხვა მოწმეებიც გააცანი მას, აგრეთვე უხუცესები. იმედია, ის კრებას შეხედავს, როგორც თავის სულიერ ოჯახს (მათ. 12:49, 50; მარ. 10:29, 30). ალბათ, მიზნად დაისახე, მისი ყოველ კვირას ერთ შეხვედრაზე წაყვანა და თანდათანობით გაზარდე მიზანი (ებრ. 10:24, 25).
16 რადგან საშინაო ბიბლიურ შესწავლას ატარებ წიგნით, „შემეცნება“, ყურადღება გაამახვილე ნაწილებზე, რომლებიც მნიშვნელობას ანიჭებს შეხვედრებზე კრებასთან რეგულარული ურთიერთობის აუცილებლობას. განსაკუთრებით, აღნიშნე როგორც მე-17 თავი, აგრეთვე გვ. 52, 115, 137–139, 159. იეჰოვას ორგანიზაციისადმი ღრმა მადლიერების გრძნობა გამოხატე (მათ. 24:45–47). დადებითად ილაპარაკე ადგილობრივი კრებისა და შეხვედრებზე შესწავლილის შესახებ (ფსალმ. 83:11; 132:1–3). კარგი იქნება, თუ მოსწავლე უყურებს საზოგადოების ყველა ვიდეოფილმს, დაწყებული ფილმიდან, „იეჰოვას მოწმეები — ამ სახელით წოდებული ორგანიზაცია“. უფრო მეტი ინფორმაციისთვის, თუ როგორ აღუძრა ადამიანს ინტერესი ორგანიზაციისადმი, იხილე 1993 წლის მაისის „ჩვენი სამეფო მსახურების“ დანართი (რუს.).
17 მოუწოდე შემსწავლელებს, დაუმოწმონ სხვებს: ხალხთან ჩვენი სწავლების მიზანია, მოვამზადოთ იეჰოვას შესახებ დამმოწმებელი მოწაფეები (ეს. 43:10–12). ეს ნიშნავს, რომ მასწავლებელმა უნდა მოუწოდოს მოსწავლეს, ბიბლიიდან შესწავლილის შესახებ სხვებს ელაპარაკოს. ამის გაკეთება, შეიძლება, უბრალო კითხვით: „როგორ აუხსნიდი ამ ჭეშმარიტებას შენს ოჯახს?“ ან „რომელ მუხლს გამოიყენებდი, რომ ეს მეგობრისთვის დაგემტკიცებინა?“ ყურადღება გაამახვილე წიგნის, „შემეცნების“, ძირითად ადგილებზე, სადაც დამოწმებისკენ მოუწოდებენ, როგორც მე-18 თავზე, აგრეთვე 22-ე, 93–95-ე, 105-ე, 106-ე გვერდებზე. შეგიძლია, რამდენიმე ტრაქტატი მისცე, რათა გამოიყენოს სხვებთან არაფორმალური დამოწმებისას. ურჩიე, რომ ოჯახის წევრებიც მოიწვიოს შესწავლაზე. ჰყავს ისეთი მეგობრები, რომლებსაც სურთ შესწავლა? სთხოვე, შეგატყობინოს მათზე, რომლებიც დაინტერესდნენ.
18 თეოკრატიული სამსახურის სკოლასა და სამსახურებრივ შეხვედრაზე დასწრებით პერსპექტიულ მოწაფეს შეუძლია მიიღოს დამატებითი სწავლება და სტიმული, რაც დაეხმარება, გახდეს კეთილი ცნობის მაუწყებელი. როცა ინტერესს ავლენს სკოლაში მონაწილეობაზე ან მოუნათლავ მაუწყებლად გახდომაზე, წიგნის — „ორგანიზებული ვართ ჩვენი მსახურების შესასრულებლად“ (რუს.) — 98-ე და 99-ე გვერდებზე მოცემულ ნორმებს უნდა პასუხობდეს. თუ მისი ცხოვრების რაიმე საკითხი ხელს უშლის მას, რომ შეესაბამებოდეს მოთხოვნებს, საზოგადოების პუბლიკაციებში მოძებნე დამხმარე მასალა ამასთან დაკავშირებით და გაუზიარე მას. მაგალითად, შემსწავლელს, შეიძლება, უძნელდება თამბაქოსადმი ან სხვა ნარკოტიკებისადმი მიდრეკილების დაძლევა. ჟურნალები ძლიერ ბიბლიურ საფუძველზე მიუთითებს, რატომ გაურბიან ქრისტიანები ასეთ საზიანო ჩვევებს; მაგალითად, 1995 წლის 8 დეკემბრის „გამოიღვიძეთ!“ (რუს.) გამოყოფს საშუალებას, რაც წარმატებით დაეხმარა სხვებს, რომ გათავისუფლებულიყვნენ ამ ჩვევებისგან. ილოცე მასთან ერთად ამ საკითხთან დაკავშირებით და ასწავლე, რომ იეჰოვას მიენდოს დახმარებისთვის (იაკ. 4:8).
19 პროცესი, რომელსაც უნდა მიჰყვნენ, რათა დადგინდეს, აკმაყოფილებს თუ არა პიროვნება მოთხოვნებს, რომ მონაწილეობა მიიღოს საჯაროდ მსახურებაში, მოცემულია 1996 წლის 1 თებერვლის „საგუშაგო კოშკში“, გვ. 11, 12, აბზ. 6. როცა შემსწავლელი შეესაბამება მოთხოვნებს, პრაქტიკისთვის დამხმარე იქნება პირველი სამქადაგებლო მსახურებისთვის მოსამზადებელი გაკვეთილის ჩატარება. დადებითად განიხილე ხალხის რეაქცია და შეპასუხებები, რომლებიც ჩვეულებრივია შენს უბანზე. პირველად კარდაკარ მსახურებით დააწყებინე, თუ საერთოდ შესაძლებელია და თანდათანობით ასწავლე მსახურების სხვა თავისებურებები. თუ მოკლე და მარტივ შეთავაზებას ამოარჩევ, გაუადვილდება მობაძვა. იყავი აღმშენებლური და გამამხნევებელი, სიხარული გამოავლინე, რათა შეიგნოს შენი სიხარულის მიზეზი და აირეკლოს ის (საქ. 18:25). ახალი მოწაფეების მიზანი უნდა იყოს, იყვნენ კეთილი ცნობის რეგულარული, გულმოდგინე მაუწყებლები. ალბათ, დაეხმარები, რომ პრაქტიკული გეგმა შეადგინოს მსახურებისთვის. სხვებთან დამოწმების უნარის გასაუმჯობესებლად შეგიძლია, ურჩიო „საგუშაგო კოშკის“ შემდეგი გამოცემების წაკითხვა: 1988 წლის 15 დეკემბერი, გვ. 9–20 (რუს.); 1991 წლის 15 იანვარი, გვ. 15–20 (რუს.) და „სასწავლო სტატიების“ მე-7 გამოცემა, გვ. 12–16.
20 შემსწავლელები აღძარი მიძღვნისა და ნათლობისკენ: გულწრფელი მოსწავლისთვის საკმარისი იქნება „შემეცნების“ შესწავლა, რათა თავი მიუძღვნას ღმერთს და დააკმაყოფილოს მოთხოვნა ნათლობისთვის (შეადარე საქმეები 8:27–39; 16:25–34). მაგრამ, სანამ პიროვნება აღიძვრება, რომ თავი მიუძღვნას იეჰოვას, უნდა განავითაროს მისადმი ერთგულება (ფსალმ. 72:25–28). შესწავლის მთელი პროცესის განმავლობაში ეძებე შესაძლებლობები, რომ პატივისცემა აღუძრა იეჰოვას თვისებებისადმი. ღვთისადმი პირადი ღრმა გრძნობები გამოავლინე. დაეხმარე მოსწავლეს, იმაზე იფიქროს, რაც ავითარებს თბილ, პირად ურთიერთობას იეჰოვასთან. თუ ის ნამდვილად გაიცნობს და ეყვარება ღმერთი, მაშინ ერთგულად ემსახურება მას, რადგან ღვთისადმი ერთგულება გამომდინარეობს იქიდან, რამდენად ვფიქრობთ იეჰოვაზე, როგორც პიროვნებაზე (1 ტიმ. 4:7, 8; იხილე „თეოკრატიული სკოლის სახელმძღვანელო“, გვ. 76, აბზ. 11).
21 შეეცადე, რომ შეაღწიო მოსწავლის გულში (ფსალმ. 118:11; საქ. 16:14; რომ. 10:10). მან უნდა ნახოს, როგორ მოქმედებს პირადად მასზე ჭეშმარიტება და გადაწყვიტოს, რა უნდა გააკეთოს შესწავლილის თანახმად (რომ. 12:2). ნამდვილად სწამს თუ არა ჭეშმარიტება, რასაც ყოველკვირეულად სწავლობდა? (1 თეს. 2:13). შემსწავლელის აზრი რომ გაიგო, შეგიძლია მსგავსი კითხვები დაუსვა: რას ფიქრობ ამის შესახებ? როგორ შეგიძლია ამის ცხოვრებაში გამოყენება? მისი პასუხების მიხედვით დაადგენ, რაში სჭირდება მეტი დახმარება, რომ შეაღწიო მის გულში (ლუკ. 8:15; იხილე „თეოკრატიული სკოლის სახელმძღვანელო“, გვ. 51, აბზ. 11). წიგნის, „შემეცნების“, 172-ე და 174-ე გვერდებზე მოცემული სურათების კომენტარები სვამენ კითხვებს: „მიუძღვენი თუ არა ღმერთს თავი ლოცვაში?“ და „რა გაბრკოლებს, რომ მოინათლო?“ ამან შეიძლება ეფექტურად აღძრას მოსწავლე მოქმედებისკენ.
22 პროცესი, რომელსაც უნდა მიჰყვნენ, როცა მოუნათლავ მაუწყებელს სურს მონათვლა, მოცემულია 1996 წლის 1 თებერვლის „საგუშაგო კოშკში“, გვ. 12; აბზ. 9. წიგნი „შემეცნება“ გამოიცა იმ მიზნით, რომ მოამზადოს პიროვნება, უპასუხოს ბროშურაში — „ბიბლიის სწავლების საწყისები“ — მოცემულ „კითხვებს მონათვლის მსურველებისთვის“, რომლებსაც უხუცესები განიხილავენ მასთან. თუ ყურადღებას ამახვილებ „შემეცნებაში“ დაბეჭდილ კითხვებზე, მოსწავლე კარგად იქნება მომზადებული უხუცესების მიერ ჩატარებული შეკითხვების ნაწილისას მისი ნათლობისთვის მოსამზადებლად.
23 დაეხმარე მათ, ვინც საშინაო ბიბლიური შესწავლა დაასრულა: უნდა ელოდო, რომ, დროთა განმავლობაში, წიგნის, „შემეცნების“, შესწავლის დასრულების შემდეგ, პიროვნების ღვთისადმი მსახურების გულახდილი და ღრმა ინტერესი გამოაშკარავდება (მათ. 13:23). აი, რატომ სვამს წიგნის ბოლო ქვესათაური კითხვას: „რას გააკეთებ?“ ბოლო აბზაცები მოუწოდებს შემსწავლელს, კონცენტრირება მოახდინოს ურთიერთობაზე, რომელიც ღმერთთან უნდა განევითარებინა, შეძენილი ცოდნის გამოყენების საჭიროებასა და სწრაფად მოქმედების აუცილებლობაზე, რომ გამოავლინოს იეჰოვასადმი სიყვარული. არ არის დადგენილი დამატებითი პუბლიკაციების შესწავლა მასთან, რომელმაც დაამთავრა წიგნი, „შემეცნება“. თავაზიანად და ნათლად აუხსენი შემსწავლელს, რომელიც არ გამოეხმაურა ღვთის შემეცნებას, რა უნდა გააკეთოს, რომ სულიერად წინ წაიწიოს. შეგიძლია, პერიოდულად დაამყარო კავშირი და მიეცი შესაძლებლობა, რომ გადადგას მარადიულ სიცოცხლემდე მიმყვანი ნაბიჯები (ეკლ. 12:13).
24 ახალმა მოწაფემ, რომელიც ღებულობს ჭეშმარიტებას და ინათლება, უფრო მეტად უნდა გაზარდოს თავისი ცოდნა და გაგება, რათა სრულიად განმტკიცდეს რწმენით (კოლ. 2:6, 7). ნაცვლად იმისა, რომ წიგნის, „შემეცნების“, დამთავრების შემდეგ გააგრძელო მასთან საშინაო ბიბლიური შესწავლა, შესთავაზე პირადი დახმარება, რომელიც, შესაძლოა, ესაჭიროება სულიერად მომწიფებაში (გალ. 6:10; ებრ. 6:1). თავის მხრივ, მას შეუძლია, გაიღრმავოს გაგება ბიბლიის ყოველდღიური კითხვით, „საგუშაგო კოშკისა“ და ‘ერთგული მონის’ სხვა პუბლიკაციების პირადი შესწავლით, შეხვედრებისთვის მომზადებით, მათზე დასწრებითა და თანამორწმუნეებთან ერთად ჭეშმარიტების განხილვით (მათ. 24:45–47; ფსალმ. 1:2; საქ. 2:41, 42; კოლ. 1:9, 10). წიგნის — „ჩვენი მსახურების“ — წაკითხვა და მასში მოცემულის გამოყენება დიდ როლს ითამაშებს იმაში, რომ თეოკრატიულად ორგანიზებული გახდეს, რათა სრულიად შეასრულოს თავისი მსახურება (2 ტიმ. 2:2; 4:5).
25 განავითარე სწავლების ხელოვნება: ჩვენ დავალებული გვაქვს, რომ ‘მოვიმოწაფოთ ყველა ხალხი. . . ვასწავლოთ მათ’ (მათ. 28:19, 20). რადგან სწავლების ხელოვნება განუყრელად არის დაკავშირებული მოწაფეების მომზადებასთან, ვცდილობთ, რომ გავუმჯობესდეთ, როგორც მასწავლებლები (1 ტიმ. 4:16; 2 ტიმ. 4:2). დამატებითი რჩევებისთვის, თუ როგორ განვავითაროთ სწავლების ხელოვნება, ალბათ, მოისურვებ, წაიკითხო: „სწავლების ხელოვნების განვითარება“ და „ჩაწვდი მსმენელების გულს“, რომლებიც მოცემულია „თეოკრატიული სკოლის სახელმძღვანელოში“, მე-10 და მე-15 გაკვეთილები; და „საგუშაგო კოშკის“ სტატიაში „როგორ ვპოვოთ სიხარული მოწაფეების მომზადებაში“, 1996 წლის 15 თებერვალი (რუს.).
26 რადგან ცდილობ მოწაფეების მომზადებას წიგნის, „შემეცნების“, გამოყენებით, ყოველთვის ილოცე იეჰოვასადმი, ვინც ‘ზრდის’, აკურთხებს შენს ძალისხმევას — სამეფოს შესახებ კეთილი ცნობით ჩასწვდე ადამიანების გულებს (1 კორ. 3:5–7). დაე, განიცადე სიხარული სხვების სწავლებით, რომ ჩასწვდნენ და დააფასონ მარადიულ სიცოცხლემდე მიმყვანი შემეცნება და იმოქმედონ მის თანახმად!