ზედამხედველები, რომლებიც ხელმძღვანელობას სწევენ — მდივანი

¹ კრების მდივანი მნიშვნელოვან როლს ასრულებს, რათა „ყველაფერი შესაფერისად და წესიერად ხდებოდეს“ (1 კორ. 14:40). როგორც კრების სამსახურებრივი კომიტეტის წევრი, ის ზრუნავს კრებასთან დაკავშირებულ ინფორმაციასა და მნიშვნელოვან ჩანაწერებზე. თუმცა მისი მოვალეობები არც ისე შესამჩნევია ყველასთვის, როგორც სხვა უხუცესების, მისი მსახურება აუცილებელი და ძალიან დიდად დაფასებულია.

² როდესაც კრება საზოგადოებიდან ან სხვა წყაროებიდან კორესპონდენციას ღებულობს, მდივანი ზრუნავს, რომ ყველაფერს დროული ყურადღება მიექცეს. ის ამოწმებს, რომ მიღებულმა წერილებმა ყველა უხუცესის ხელში გაიაროს და შემდეგ ინახავს კარტოთეკაში, რათა საჭიროების შემთხვევაში გამოიყენოს. ის ამოწმებს ჟურნალებისა და ლიტერატურის შეკვეთის ბლანკებს და უგზავნის საზოგადოებას. ის პირადად ზედამხედველობს მათ, ვინც ზრუნავს ანგარიშებსა და კონგრესებთან დაკავშირებულ საკითხებზე.

³ რადგან მდივანმა კრების ყოველთვიური სამქადაგებლო მსახურების ანგარიში ექვს რიცხვისთვის უნდა გააგზავნოს, მეტად მნიშვნელოვანია, რომ თითოეულმა ჩვენგანმა სამქადაგებლო მსახურების ანგარიში ყოველი თვის ბოლოს, დაუყოვნებლივ ჩააბაროს. სამქადაგებლო მსახურების ანგარიშები მას „კრების მაუწყებლის ანგარიშების“ ბლანკებში შეაქვს. ნებისმიერ მაუწყებელს შეუძლია სთხოვოს, რომ ნახოს საკუთარი მსახურების ანგარიშის ბლანკი.

⁴ როდესაც მაუწყებელი კრებას იცვლის, მდივანი ითხოვს ან აგზავნის სხვა კრების უხუცესებთან სარეკომენდაციო წერილთან ერთად ამ პიროვნების „კრების მაუწყებლის ანგარიშების“ ბლანკს („ჩვენი მსახურება“, გვ. 105, 106 [რუს.]).

⁵ მდივანი აკვირდება პიონერების მსახურებას და ნებისმიერი პრობლემის შესახებ, რომელიც შეიძლება პიონერს ჰქონდეს, უხუცესებს საქმის კურსში აყენებს, განსაკუთრებით სამსახურებრივ ზედამხედველს. ის კრების წიგნის შესწავლის ხელმძღვანელებს ატყობინებს იმ მაუწყებლების შესახებ, რომლებიც არარეგულარულები არიან სამქადაგებლო მსახურებაში. არააქტიურების დახმარების პასუხისმგებლობა მდივანისა და სამსახურებრივი ზედამხედველის მოვალეობებში შედის. („ჩვენი სამეფო მსახურება“, 1996 წლის ივნისი, გვ. 1).

⁶ ახლა უფრო კარგად გვესმის მდივნის მოვალეობები და მოდით შეძლებისდაგვარად ყველაფერი გავაკეთოთ, რათა შევუმსუბუქოთ მსახურება (1 კორ. 4:2).