შეხვედრებზე კომენტარებით გავამხნევოთ ერთმანეთი

¹ ებრაელთა 10:24 მოგვიწოდებს, რომ ‘წავახალისოთ ერთმანეთი სიყვარულისა და კეთილი საქმეებისათვის’. ეს აგრეთვე ნიშნავს, გავამხნევოთ ერთმანეთი შინაარსიანი კომენტარებით კრების შეხვედრებზე. რატომ უნდა მივცეთ კომენტარები? როგორ გავაკეთოთ? ვის სასარგებლოდ?

² გაიხსენე, თუ რა სარგებლობა მიიღე სხვების მარტივი, ნათელი კომენტარებიდან, საიდანაც უფრო მეტი გაიგე და გაგაძლიერა სულიერად. შენც გაქვს იმავეს გაკეთების შესაძლებლობა. მონაწილეობით აჩვენებ, რომ გსურს ‘უწილადო სულიერი ნიჭი’ ყველა დამსწრეს გასამხნევებლად (რომ. 1:11, 12).

³ როგორ მოამზადო კარგი კომენტარი. ნუ გააკეთებ გრძელ კომენტარებს, რომლებიც აბზაცის ყველა აზრს მოიცავს. დიდი კომენტარებით ვერ გასცემ კონკრეტულ პასუხს და სხვებს მონაწილეობის ხალისს დაუკარგავ. პირველი კომენტარი მოკლე უნდა იყოს, პირდაპირი პასუხი კითხვაზე. სხვები დამატებით კომენტარებში მასალის ან ბიბლიური მუხლის პრაქტიკულ სარგებლობას აღნიშნავენ (იხილე „სკოლის სახელმძღვანელო“ გვ. 90, 91 [რუს.])

⁴ თუ კომენტარის გახსენებაც კი გაფორიაქებს, წინასწარ მოამზადე მოკლე კომენტარი და ჩამტარებელს სთხოვე, რომ იმ აბზაცზე შენ გაგაცემინოს პასუხი. თუ რამდენიმე შეხვედრაზე ასე გააკეთებ, მონაწილეობა უფრო გაგიადვილდება. გაიხსენე, რომ მოსესა და იერემიასაც უჭირდათ საჯაროდ საუბარი (გამ. 4:10; იერ. 1:6). მაგრამ იეჰოვა დაეხმარა მათ, მის შესახებ ესაუბრათ, ამიტომ ის შენც დაგეხმარება.

⁵ ვის მოუტანს სარგებლობას შენი კომენტარები? შენ თვითონ ღებულობ სარგებლობას, რადგან ჭეშმარიტება უფრო ღრმად აღწევს შენს გულსა და გონებაში და ინფორმაციის გახსენება გაგიადვილდება მოგვიანებით. აგრეთვე სხვებიც ღებულობენ სარგებლობას შენი კომენტარებიდან. ძალიან ვმხნევდებით, როცა ყველა, გამოცდილი, ახალგაზრდა, მორიდებული თუ ახალი, ხმამაღლა გამოხატავს თავის რწმენას კრების შეხვედრებზე.

⁶ ჩვენ ვიცით, თუ ‘რა კარგია დროულად ნათქვამი სიტყვები’, როცა ისინი შეხვედრებზე სხვების გამხნევებას ემსახურება (იგავ. 15:23).