„დანიელის წინასწარმეტყველების“ შესწავლა
1 კრების წიგნის შესწავლაზე 17 აპრილით დაწყებული კვირიდან შევისწავლით წიგნს „ყურად იღეთ დანიელის წინასწარმეტყველება!“. ბევრმა უკვე წაიკითხა ეს ძალიან საინტერესო წიგნი, მაგრამ ახლა საშუალება გვაქვს, სარგებლობა მივიღოთ ამ მასალის ჯგუფურად განხილვიდან. ყველა მაუწყებელს, დაინტერესებულსა და ბავშვს ვიწვევთ, დიახ, მოვუწოდებთ, ყოველკვირა დაესწრონ ბიბლიურ წიგნ „დანიელის“ გულდასმით განხილვას (რჯლ. 31:12, 13).
2 შესწავლის გეგმა და მითითებები. წიგნ „დანიელის წინასწარმეტყველების“ შესწავლის სრული გეგმა მოცემულია „ჩვენი სამეფო მსახურების“ ამ ნომერში. იზრუნე, რომ ამ გეგმის ეგზემპლარი შესასწავლ წიგნთან ერთად ატარო. გეგმაში მითითებულია წიგნის თავი და აბზაცები, აგრეთვე მუხლები „დანიელიდან“, რომლებიც თითოეული კვირის შეხვედრაზე განიხილება. სქოლიოებში ახსნილია, როგორ და როდის განიხილება წიგნში მოცემული ზოგი მასალა. კარგი იქნება, თუ ხელმძღვანელი ყოველკვირეული შესწავლის შემდეგ ჯგუფთან ერთად განიხილავს გარკვეულ მუხლებს „დანიელიდან“, რომლებიც გეგმაში მოცემული კვირისთვის არის მითითებული. თუ დრო საშუალებას იძლევა, მუხლები შეიძლება წაკითხულ იქნეს და კომენტარები გაკეთდეს. ზოგი მუხლის განხილვა ერთი კვირიდან მეორეშიც გადაინაცვლებს.
3 მოემზადე საფუძვლიანი შესწავლისთვის. ყველაფერი გაკეთდა იმისათვის, რომ ყოველკვირა საკმარისი დრო იყოს მითითებული მასალის აუჩქარებლად განხილვისთვის. ოთხი გაკვეთილი შედარებით მოკლეა. ამიტომ 5 ივნისით დაწყებულ კვირაში შესწავლის ბოლოს ხელმძღვანელს შეუძლია აგრეთვე განიხილოს დანიელის 2:1—40. 26 ივნისით დაწყებული კვირისთვის მას შეუძლია განიხილოს დანიელის 3:1—23, 91—97. 4 სექტემბრით დაწყებულ კვირაში საფუძვლიანად უნდა იქნეს აგრეთვე განხილული 139-ე გვერდზე მოცემული ილუსტრაციები და მუხლები. 188-ე და 189-ე გვერდებზე არსებული სქემა განხილულ უნდა იქნეს 2 ოქტომბრით დაწყებულ კვირაში ჩატარებული შესწავლის დროს.
4 ყოველკვირა კარგად მოემზადე შესწავლისთვის და მონაწილეობა მიიღე მასში. დააფასე იეჰოვას ხილულ ორგანიზაციასთან ურთიერთობისა და მისი ერთგული ცხებულების მიერ შემოთავაზებული ცოდნითა და გაგებით სარგებლობის შესაძლებლობა (დან. 12:3, 4). გულთბილად წაახალისე სხვები, რეგულარულად დაესწრონ წიგნის შესწავლას. დაე ყველამ ყურად იღოს ღვთის წინასწარმეტყველური სიტყვა, რომელსაც შთამბეჭდავი წიგნი „დანიელი“ გვიმჟღავნებს (ებრ. 10:23—25; 2 პეტ. 1:19).