აპრილი — კეთილ საქმეებში გულმოდგინების დრო!
1 როცა ქარიშხალი უახლოვდება დასახლებულ ტერიტორიას, გადაუდებელი ხდება ხალხის გაფრთხილება მოახლოებული საფრთხის შესახებ. რაც უფრო ახლოს არის ქარიშხალი, მით უფრო დაჟინებითი უნდა იყოს გაფრთხილება. რატომ? იმიტომ რომ საფრთხეშია ადამიანთა სიცოცხლე! ზოგს შეიძლება მოსმენილი არა აქვს ადრე გამოცხადებული გაფრთხილებები. სხვებმა შეიძლება მოისმინეს, მაგრამ არანაირი რეაგირება არ მოახდინეს. იმავეს თქმა შეიძლება ღვთიურ გაფრთხილებაზე, რომლის გავრცელებაც ჩვენ დაგვევალა, სანამ ღვთის სამართლიანი რისხვის „ქარიშხალი“ მთლიანად აღგვის ამ ბოროტ ქვეყნიერებას (იგავ. 10:25). მილიარდობით ადამიანის მარადიული სიცოცხლე ბეწვზე ჰკიდია! გაფრთხილება უნდა გაცხადდეს. ჩვენ უნდა ვიყოთ „კეთილი საქმეების მოშურნენი“ (ტიტ. 2:11—14).
2 ათწლეულების განმავლობაში იეჰოვას ხალხს მოუწოდებენ, განსაკუთრებული გულმოდგინებით იმსახურონ იმ თვეში, რომელშიც გახსენების საღამო ტარდება. 1939 წლის გაზაფხულზე „ინფორმატორში“, „ჩვენი სამეფო მსახურების“ წინამორბედ გამოცემაში, მოცემული იყო შემდეგი მოწოდება: „რადგან გაზაფხული დგება და კარგი ამინდია, უნდა მოველოდეთ, რომ კრების მაუწყებლების სამქადაგებლო მსახურებაში მონაწილეობის საათების რაოდენობა გაორმაგდება, ხოლო პიონერებისა — საგრძნობლად გაიზრდება. აპრილში ხუთი კვირა დღეა, აგრეთვე — ხუთი შაბათი. აპრილის ყოველი შაბათ-კვირა. . . განსაკუთრებული ქადაგების დროდ აქციეთ“. ეს მოწოდება დიდ ძალისხმევას მოითხოვდა ძმებისგან, რომლებიც 60 წლის წინათ ცხოვრობდნენ! ისევე როგორც 1939 წელს, ამა წლის აპრილშიც ხუთი შაბათ-კვირაა. რა გეგმები გაქვს ამ თვეში? რა ჩანაწერები გააკეთე კალენდარში 2000 წლის აპრილში. დაგეგმე სრული მონაწილეობის მიღება კეთილ საქმეებში იეჰოვას ხალხთან ერთად გაძლიერებული სულიერი მოღვაწეობის ამ განსაკუთრებულ თვეს.
3 რის მიღწევის იმედი გვაქვს. 2000 წლის უმნიშვნელოვანესი დღე ამ თვეში იქნება. ეს არის 19 აპრილი — იესოს სიკვდილის აღნიშვნის თარიღი. მოდი განსაკუთრებულად ვეცადოთ, რაც შეიძლება ბევრი ადამიანი მოვიწვიოთ გახსენების საღამოზე. როგორც წინა თვეშიც ითქვა, შევადგინოთ გახსენების საღამოზე პოტენციური დამსწრეების სია და შევამოწმოთ, ხომ არავინ გამოგვრჩა. მოწვეულთა შორის უნდა იყვნენ არააქტიური მაუწყებლები, ბიბლიის შემსწავლელები, ისინი, ვისაც განმეორებით ვინახულებთ, ვინც ადრე სწავლობდა, ასევე თანამშრომლები, თანაკლასელები, მეზობლები, ნათესავები და ნაცნობები. ჰყავს დასწრების ყველა მსურველს ავტომობილი? თუ არა, შეგიძლია სიყვარული გამოიჩინო და დაეხმარო მათ? გახსენების საღამოს დროს ყველა ჩვენგანს აქვს უპირატესობა, დამსწრეებს ვაგრძნობინოთ, რომ მათი მოსვლა გვიხარია. როცა გახსენების საღამოს ღონისძიება ჩაივლის, შეგვიძლია დამატებითი სულიერი დახმარება აღმოვუჩინოთ ასეთ დაინტერესებულ პირებს.
4 „კეთილ საქმეებში მოშურნეობით“ იმ დღეებში, რომლებიც წინ უძღვის და შემდეგ მოსდევს გახსენების საღამოს, გვეძლევა შესანიშნავი შესაძლებლობა, ვაჩვენოთ იეჰოვას, რომ ნამდვილად ვაფასებთ ყველაფერს, რაც მან ჩვენთვის გააკეთა. რადგანაც ამ დროს დღე გაზრდილია და ბევრგან კარგი ამინდი იქნება, მრავალ ჩვენგანს შესაძლებლობა მიეცემა, სამქადაგებლო საქმეს მეტი ძალისხმევა მოახმაროს. თუ დამხმარე პიონერი ხარ, ყველანაირად შეეცდები მსახურებაში 50 ან უფრო მეტი საათი გაატარო (მათ. 5:37). ზედმიწევნით მიჰყევი გეგმას, რომელიც შეადგინე თვის დასაწყისში (ეკლ. 3:1; 1 კორ. 14:40). დანარჩენებმა კი, შეძლებისდაგვარად დავეხმაროთ ყველა პიონერს იმით, რომ გავამხნევებთ მათ და მათთან ერთად ვითანამშრომლებთ მსახურებაში (შეადარე 4 მეფ. 10:15, 16). თუ აპრილის თვეში გულმოდგინებით დავთესავთ, შეგვიძლია უდიდეს სიხარულსა და იეჰოვას კურთხევებს ველოდოთ (მალ. 3:10). შესაძლებელია, რომ ეს იქნება ნაბიჯი ხანგრძლივი დამხმარე პიონერობისა და სრული დროით პიონერობისკენ. დაე აპრილში მიღებულმა სულიერმა ბიძგმა მომდევნო თვეებშიც სამეფოს რეგულარულ მაუწყებლებად გვამყოფოს!
5 უეჭველია, იეჰოვას ხალხიდან ათასობით ადამიანი ამ თვეში უფრო მეტ ბიბლიურ შესწავლას დაიწყებს. გსურს, შენც დაიწყო შესწავლა? კონკრეტულად ილოცე შესწავლის თაობაზე და შენი ლოცვების თანახმად იმოქმედე. დარწმუნებული იყავი, რომ იეჰოვა შეისმენს შენ მიერ თავმდაბლად წარმოთქმულ თხოვნას, დაგეხმაროს გულწრფელი ადამიანის პოვნაში, რომ მას შესწავლა დაუწყო (1 იოან. 3:22).
6 აქ მოცემულია მსახურებაში გამოცდილი შესავალი, რომლითაც წარმატებით იქნა დაწყებული საუბრები. დასაწყისში შეეკითხები: „როგორ ფიქრობთ, სკოლებში არსებული ძალადობა ბოროტი სულების ზეგავლენის შედეგია თუ მშობლების მხრიდან ცუდი აღზრდის ბრალია?“ დააცადე გიპასუხოს. თუ გეტყვის, რომ ეს ბოროტი სულების ბრალია, წაუკითხე გამოცხადების 12:9, 12 და ხაზი გაუსვი იმ წვლილს, რომელიც ეშმაკს მიუძღვის მსოფლიოში არსებულ არეულობაში. შემდეგ გადაშალე ბროშურა „რას მოითხოვს“ მე-4 გაკვეთილზე და შეეკითხე ადამიანს, თუ დაფიქრებულა ოდესმე, საიდან გაჩნდა ეშმაკი. წაიკითხე და განიხილე პირველი ორი აბზაცი. თუ იტყვის, რომ სკოლებში არსებული ძალადობა მშობლების ბრალია, წაუკითხე 2 ტიმოთე 3:1—3 და ყურადღება მიაქციე იმ თვისებებს, რომლებიც, როგორც ჩანს, ხელს უწყობს ამ პრობლემას. შემდეგ გადაშალე ბროშურა „რას მოითხოვს“ მე-8 გაკვეთილზე, წაუკითხე მე-5 აბზაცი და განაგრძე საუბარი. თუ განმეორებით მონახულებაზე შეუთანხმდები, შეიძლება მასთან ბიბლიის რეგულარული შესწავლაც კი დაიწყო. როცა მიაკითხავ, ჰკითხე, იცნობს თუ არა ვინმეს, ვისაც შეიძლება აინტერესებს ის, რასაც თვითონ სწავლობს.
7 აპრილში „კეთილი საქმეების მოშურნეებად“ ყოფნის სხვა შესაძლებლობაა სამქადაგებლო საქმის სხვადასხვა სფეროში მონაწილეობა. გიფიქრია ქადაგებაზე პარკსა თუ ავტოსადგომებზე? ავტობუსის გაჩერებასა თუ რკინიგზის სადგურში? ან იქნებ გსურს, სცადო ქადაგება ტელეფონით, ქუჩაში თუ საქმიან უბნებში? შეეცადე, ეს ფიქრები ამ თვის განმავლობაში განახორციელო. იეჰოვა დაგეხმარება საჭირო გამბედაობის მოკრებაში (საქ. 4:31; 1 თეს. 2:2ბ). შეგიძლია მოელაპარაკო პიონერს ან მაუწყებელს, რომელსაც გამოცდილება აქვს მსახურების ამ მხარეებში.
8 ნებისმიერს, ვისაც სურს თავისი მონაწილეობის გაზრდა სამქადაგებლო საქმეში, მონაწილეობას მიიღებს არაფორმალურად ქადაგებაში. ხშირად ამისთვის მხოლოდ ისიც საკმარისია, რომ ადამიანი გულღია საუბარში გამოიწვიო. შეგიძლია უბრალოდ წამოჭრა რამე თემა, რომელიც ყველას აინტერესებს, მაგალითად, შეგიძლია გამოიყენო მე-6 აბზაცში მოცემული მიდგომა. შეეცადე, კარგად გამოიყენო დროის მცირე მონაკვეთებიც, რომლებიც სხვა შემთხვევაში შეიძლება დაკარგულიყო. ჩვენ ხომ არ გადავყრიდით ხურდა ფულს — 5-, 10-, 20-თეთრიანებს — მხოლოდ იმიტომ, რომ ისინი ქაღალდის ფული არ არის. რატომ დავკარგოთ ხუთი, ათი ან ოცი წუთი და არ ვიქადაგოთ არაფორმალურად?
9 დაფიქრების დრო. გაიხსენე ის ძლიერი აზრები, რომლებიც გადმოცემული იყო დრამაში შარშან, საოლქო კონგრესზე „ღვთის წინასწარმეტყველური სიტყვა“. დრამამ, სახელწოდებით „დავაფასოთ ჩვენი სულიერი მემკვიდრეობა“, ღრმად დაგვაფიქრა იაკობსა და ესავს შორის არსებულ სხვაობაზე. ესავმა თქვა, რომ იაკობის მსგავსად იყო დაინტერესებული სულიერით, მაგრამ მისი საქმეები საპირისპიროს ცხადყოფდა (დაბ. 25:29—34). როგორი სერიოზული გაფრთხილებაა ეს ჩვენთვის! მოდი ჩვენც ვიყოთ მზად, იაკობის მსგავსად, ვიბრძოლოთ და ვიჭიდაოთ კიდეც, იეჰოვას კურთხევისთვის (დაბ. 32:24—29). რატომ არ გამოგვეყენებინა აპრილი და მომდევნო თვეები ჩვენი გულმოდგინების გასაახლებლად, რითაც ვაჩვენებთ, რომ ჩვეულებრივ რამედ არ მიგვაჩნია ჩვენი შესანიშნავი სულიერი მემკვიდრეობა?
10 „ახლოს არის უფლის დიდი დღე, ახლოს არის და მოვა ძალიან მალე“ (სოფ. 1:14). სასიხარულო ცნობა სამეფოს შესახებ კვლავაც უნდა გაცხადდეს. ადამიანთა სიცოცხლე საფრთხეშია! დაე განსაკუთრებით კურთხეული იყოს ეს თვე იეჰოვას ხალხისთვის იმ დროს, როცა გაერთიანებულად ვაჩვენებთ, რომ „კეთილი საქმეების მოშურნენი“ ვართ.
[ჩარჩო 4 გვერდზე]
გახსენების საღამოსთან დაკავშირებული შეხსენებები
გახსენების საღამოს აღნიშვნა მოდის ოთხშაბათზე, 19 აპრილზე. უხუცესებმა ყურადღება უნდა მიაქციონ შემდეგ საკითხებს:
◼ შეეცადეთ, იმ დროს დანიშნოთ შეხვედრა, რომ სიმბოლოების ჩამოტარება მზის ჩასვლამდე არ მოხდეს.
◼ ყველას, მომხსენებლის ჩათვლით, უნდა აცნობოთ ზეიმის ჩატარების ზუსტი დრო და ადგილი.
◼ მზად უნდა გქონდეთ სათანადო პური და ღვინო (იხილეთ br2 გვ. 19, 20 [რუს.]).
◼ შესაფერისი მაგიდა გადასაფარებლით, თეფშები და ჭიქები დარბაზში წინასწარ უნდა მიიტანოთ და თავის ადგილზე დააწყოთ.
◼ სამეფო დარბაზი ან შეხვედრისთვის განკუთვნილი სხვა ადგილი წინასწარ კარგად უნდა დასუფთავდეს.
◼ მომსახურეები წინასწარ უნდა აირჩიოთ და მისცეთ მითითებები მოვალეობებსა და ზეიმის სათანადოდ ჩატარებასთან დაკავშირებით.
◼ ორგანიზება უნდა გაუწიოთ ყოველი ცხებულის მომსახურებას, რომლებიც დასუსტებულები არიან და ვერ ახერხებენ დასწრებას.
◼ თუ დაგეგმილია, რომ ერთ სამეფო დარბაზში რამდენიმე კრება იქნება, კარგი ორგანიზაცია უნდა გაუწიოთ, რათა თავი აარიდოთ ვესტიბიულის ან შემოსასვლელის, ტროტუარებისა და ავტოსადგომების გადატვირთვას.