შეკითხვების ყუთი

◼ვის უნდა მიეცეს საოლქო კონგრესისთვის განკუთვნილი სამკერდე ნიშანი?

კონგრესის სამკერდე ნიშნები დიდად გვეხმარება, ვიცნოთ ჩვენი ძმები და სხვებს გავაგებინოთ, რომ ტარდება კონგრესი. მაგრამ არ შეიძლება მათი განურჩევლად დარიგება. სამკერდე ნიშანი აუწყებს სხვებს, რომ მისი მფლობელი კარგი რეპუტაციით სარგებლობს იეჰოვას მოწმეების ერთ-ერთ კრებაში.

სამკერდე ნიშანზე მოცემულია შესავსები ადგილები, სადაც უნდა ჩაიწეროს პიროვნების სახელი და გვარი, ასევე მისი კრების სახელწოდება. აქედან გამომდინარე, ის ადამიანი, გარკვეულწილად, დაკავშირებული უნდა იყოს მითითებულ კრებასთან. საზოგადოება გაუგზავნის კრებას სამკერდე ნიშნებს. მართებულია, რომ სამკერდე ნიშნები მიეცეს მონათლულ და მოუნათლავ მაუწყებლებს. აგრეთვე მათი მიცემა შეიძლება ბავშვებისთვის და მათთვისაც, ვინც რეგულარულად ესწრება კრების შეხვედრებს და წარმატებით ისწრაფვის სამქადაგებლო მსახურებაში მონაწილეობისკენ. არასწორია სამკერდე ნიშნის მიცემა გარიცხული პირებისთვის.

როცა კრება სამკერდე ნიშნებს მიიღებს, უხუცესებმა ყურადღება უნდა მიაქციონ, რომ ისინი ზემოხსენებული მითითებების თანახმად დარიგდეს.