იეჰოვას მოწმეთა 2002 წლის საოლქო კონგრესი „ღვთის სამეფოს შესახებ გულმოდგინე მქადაგებლები“

¹ „გავიხარე, როცა მითხრეს: უფლის სახლში წავიდეთ“ (ფსალმუნი 121:1). ფსალმუნმომღერლის სიტყვების გამოკვლევისას ყურადღება მიაქციეთ შემდეგს: 1) როგორი გრძნობა დაეუფლა მას, როდესაც იეჰოვას თაყვანისმცემლობაში შემოერთება შესთავაზეს, 2) დავითის კარგი მეგობრები, რომლებიც მასავით ძალიან იყვნენ დაინტერესებული ჭეშმარიტი თაყვანისმცემლობით და 3) დაგეგმვა, რომელიც აუცილებელი იქნებოდა სხვების მოსაწვევად, ერთად შესაკრებად და ღვთის სახლში წასასვლელად.

² განა ფსალმუნმომღერლის სიტყვები ჩვენივე გრძნობების გამოძახილი არ არის? გრძნობებისა, რომლებიც მაშინ გვეუფლება, როდესაც ვიგებთ, რომ დაგეგმილია მომდევნო კონგრესი? ვიხსენებთ წარსულ კონგრესებზე განცდილ სიხარულს, მოუთმენლად მოველით მომდევნოს და ამ განსაკუთრებულ შეხვედრაზე იეჰოვას მოყვარულ სხვა თანამორწმუნეებთან ერთად კვლავ შეკრების შესაძლებლობას. დაგეგმილია, რომ ბელორუსიასა და რუსეთში, საქართველოსა და ტაჯიკეთში, ყაზახეთსა და ყირგიზეთში 2002 წელს ჩატარდეს სამდღიანი საოლქო კონგრესი „ღვთის სამეფოს შესახებ გულმოდგინე მქადაგებლები“. მასზე დასასწრებად და მომავალი სულიერი ნადიმიდან სრული სარგებლობის მისაღებად ახლავე უნდა მივიღოთ ზომები.

³ „ერთგულმა და გონიერმა განმგებელმა“ უკვე დაიწყო კონგრესისთვის დროული სულიერი საზრდოს მომზადება (ლუკა 12:42). თითოეულმა კრებამ იცის, რომელ კონგრესზეა მიწვეული, რათა თავიდან იქნეს აცილებული საკონგრესო ადგილებისა და იმ სახლების მეტისმეტად გადატვირთვა, სადაც კონგრესის დელეგატები დაბინავდებიან. გარდა ამისა, მრავალმა ძმამ უკვე დაიწყო კონგრესისთვის სხვადასხვა განყოფილების ორგანიზება, რათა „ყველაფერი შესაფერისად და წესიერად მოხდეს“ (1 კორ. 14:40). პირადად ჩვენ, რის გაკეთება შეგვიძლია კონგრესისთვის მოსამზადებლად მაშინ, როდესაც უკვე ბევრი რამ კეთდება ჩვენს სასარგებლოდ და კეთილმოსაწყობად?

⁴ დაგეგმეთ, რომ სამივე დღეს დაესწროთ: მოგიწევთ თუ არა, სამუშაოდან დაეთხოვოთ თქვენს უფროსს, რათა კონგრესს სამივე დღის განმავლობაში დაესწროთ? იეჰოვას ესმის, რომ ზოგი უფროსი „მკაცრია“ (1 პეტ. 2:18, სსგ). მაგრამ ჩვენი კონგრესები ძალზე მნიშვნელოვანია და გვინდა, ყველაფერი გააკეთოთ იმისათვის, რომ მთელ პროგრამას დაესწროთ. ამ საკითხთან დაკავშირებით ლოცვით მიმართეთ იეჰოვას და ეძიეთ მისი ხელმძღვანელობა, რათა ყველაფერი კარგად დასრულდეს (ნეემ. 2:4).

⁵ დაბინავება. ყოველწლიურად სიამოვნებით გაწვდით ინფორმაციას იმის შესახებ, თუ როგორ უნდა შეუკვეთოთ კონგრესის დროს საცხოვრებელი ადგილი. რადგანაც საქართველოში დელეგატების დაბინავება მხოლოდ იმ ძმებისა და დების სახლებში ხდება, რომლებიც ცხოვრობენ ქალაქში, სადაც კონგრესი ტარდება, ძალიან მნიშვნელოვანია შემდეგ აბზაცებში მოცემულ მითითებებთან დაკავშირებით თითოეული თქვენგანის თანამშრომლობა.

⁶ ადგილობრივი დაბინავების განყოფილება მდგომარეობისდა მიხედვით თითოეულ კრებას სპეციალური წერილით მიაწვდის ინფორმაციას დაბინავების შესახებ და მიუთითებს, როდისთვის უნდა გაეგზავნოს დაბინავების განყოფილებას ბლანკები „განსაკუთრებული საჭიროებების მქონეთა განცხადება დაბინავებაზე“ (CO-5). დაბინავების განყოფილება მოელის, რომ კრების მდივანი დროულად გაუგზავნის ბლანკებს „განსაკუთრებული საჭიროებების მქონეთა განცხადება დაბინავებაზე“ (CO-5). ამასთანავე, დაბინავების განყოფილება თხოვნით მიმართავს იმ ქალაქში არსებულ კრებებს, სადაც კონგრესის ჩატარებაა დაგეგმილი, რომ ყველა მსურველმა შესთავაზოს საცხოვრებელი ადგილი ჩამოსული და-ძმებისთვის. შემოთავაზებულ ბინებთან დაკავშირებული ზუსტი ინფორმაციის მიღების მიზნით წერილს დაერთვება ბლანკი „ბინა“ (CO-4). დიდად დასაფასებელია, ძმებო და დებო, თქვენი მზადყოფნა — გაიღოთ ასეთი მსხვერპლი და ყოველწლიურად შესთავაზოთ დელეგატებს თქვენი ბინები. გთხოვთ, ყურადღებით მიჰყვეთ მითითებებს, რომლებიც მოცემულია ამ დანართის ჩარჩოში.

⁷ დაბინავების განყოფილება, მას შემდეგ, რაც კრებებისგან მიიღებს დაბინავების მსურველებთან დაკავშირებულ ინფორმაციას, საცხოვრებელ ადგილებს გაანაწილებს და ამას კონგრესზე ჩამომსვლელებსა და ბინის შემთავაზებლებს შეატყობინებს. საცხოვრებელ ადგილთან დაკავშირებულ ნებისმიერ რთულ საკითხზე მდივანს შეუძლია დაუკავშირდეს დაბინავების განყოფილებას ამ განყოფილების მიერ გამოგზავნილი წერილის დასაწყისში მითითებულ მისამართზე ან ტელეფონზე. თუ უკვე შეუკვეთეთ საცხოვრებელი ადგილი, გთხოვთ, ნუ შეცვლით პირველ შეკვეთას. ამ მითითების თანახმად მოქმედება საშუალებას გვაძლევს, სიყვარული გამოვავლინოთ თანაქრისტიანი ძმების მიმართ და გავექცეთ ეგოისტურ განწყობილებას, რომლიც დღევანდელ წუთისოფელს ახასიათებს (1 კორ. 10:24).

⁸ კონგრესამდე თუ კონგრესის შემდეგ წამოჭრილი ნებისმიერი სირთულის შესახებ შეგიძლიათ წერილობით ან ტელეფონით აცნობოთ დაბინავების განყოფილებას იმ მისამართზე ან ნომერზე, რომელიც მითითებულია დაბინავებასთან დაკავშირებით თითოეული კრებისთვის გამოგზავნილი სპეციალური წერილის დასაწყისში. თუ პრობლემა კონგრესის განმავლობაში წამოიჭრება, რაც შეიძლება მალე უნდა მიაკითხოთ კონგრესის დაბინავების განყოფილებას, რომ ძმები საცხოვრებელი ადგილის დატოვებამდე დაგეხმარონ.

⁹ გადახედეთ თქვენს კრებას: თუ ვიცით, რომ ჩვენს ძმებსა და დებს ფიზიკურად თუ მატერიალურად უჭირთ და ეს კონრესზე დასწრებაში უშლით ხელს, შეგვიძლია თუ არა სიყვარულში „გავფართოვდეთ“ და გარკვეული დახმარება შევთავაზოთ მათ? (2 კორ. 6:12, 13; რჯლ. 15:7). ეს არის ისეთი სულისკვეთების გამოვლენა, რომლისკენაც პავლე მოგვიწოდებდა 2 კორინთელთა 8:14-ში. კარგი იქნება, თუ შესთავაზებთ ასეთ მდგომარეობაში მყოფ და-ძმებს კონგრესზე თქვენთან ერთად წასვლას? თუ პიონერები არიან, მათ საკმაოდ მდიდარი გამოცდილება აქვთ და ერთად მგზავრობისას შეიძლება რაიმე საინტერესო შემთხვევები მოგიყვნენ. თუ ასეთ და-ძმებს შორის კრების ხანდაზმული წევრები არიან, მათ შესაძლებელია ღვთისთვის მსახურებაში ისეთი საინტერესო შემთხვევები გადახდენიათ თავს, რომლის მსგავსიც ადრე არასოდეს გსმენიათ. განა ასეთ თანაქრისტიანებთან ურთიერთობა კარგ გავლენას არ იქონიებდა თქვენზე და თქვენს ოჯახზე? ხელგაშლილობას ისინი დაგიფასებენ, ხოლო იეჰოვა ამისათვის დაგაჯილდოებთ (იგავ. 28:27; მათ. 10:42).

¹⁰ თუმცა განსაკუთრებული საჭიროების მქონე და-ძმებზე, ძირითადად, მათი ქრისტიანი ნათესავები ზრუნავენ, უხუცესებსა და კრების სხვა წევრებს, რომლებმაც იციან მათი გასაჭირის შესახებ, შეუძლიათ სიყვარულით გაუწოდონ დახმარების ხელი (1 ტიმ. 5:4). როდესაც „განსაკუთრებული საჭიროების მქონეთა განცხადება დაბინავებაზე“ კრების სამსახურებრივ კომიტეტს გადაეცემა, კომიტეტმა უნდა გადახედოს ამ ბლანკის შემვსებლის მონაცემებს და მხოლოდ მას შემდეგ უნდა გადასცეს ის დაბინავების განყოფილებას. კრების მდივანმა ამ ბლანკზე უნდა მიუთითოს თავისი ტელეფონის ნომერი, რათა საჭიროების შემთხვევაში დაბინავების განყოფილებას შეეძლოს მასთან დაკავშირება. შემოწმებული ბლანკები ფოსტით გაგზავნეთ იმ მისამართზე, რომელიც ბლანკის მეორე გვერდზეა მითითებული.

¹¹ გამოავლინეთ მზადყოფნის სული და იმსახურეთ მოხალისედ: კონგრესის მსვლელობისას განყოფილებების შეუფერხებლად მუშაობას ასობით მოხალისე უწყობს ხელს. აუდიტორიისა და ავტოსადგომების მომსახურე პერსონალი მთელი დღის განმავლობაში დელეგატებს ადგილების პოვნაში ეხმარება და ყურაღდებას აქცევს მათ ავტომობილებს. სისუფთავის განყოფილების წყალობით კარგი სისუფთავის დაცვისთვის შესანიშნავი რეპუტაცია გვაქვს შექმნილი, ვინაიდან ჩვენი თაყვანისმცემლობის დროებით ადგილს იმაზე სუფთას ვტოვებთ, ვიდრე დაგვხვდა. შეგვიძლია თუ არა ამ თუ სხვა განყოფილებებისთვის დახმარების გაწევა? გსურთ თუ არა ძმებთან ერთად „ერთსულოვნად“ მსახურებაში თქვენი წვლილის შეტანა და მოხალისედ მსახურება? (სოფ. 3:9).

¹² ნადვილად ამჩნევს ხალხი ჩვენს ქმედებას? გასულ წელს ჩატარებული საოლქო კონგრესის დროს ერთი მამაკაცი, რომელმაც იეჰოვას მოწმეებთან შესწავლა 20 წლის წინათ შეწყვიტა, სასტუმროში მუშაობდა. მან ერთ მოწმეს უთხრა, რომ ბიბლიის შესწავლის განახლებასა და კრების შეხვედრებზე სიარულის კვლავ დაწყებას ფიქრობდა. როგორ ფიქრობთ, რამ გამოიწვია მასში ეს ცვლილება? იმან, რომ სასტუმროში ყოფნისას მოწმეები სიყვარულით ეპყრობოდნენ.

¹³ სასტუმროში მომუშავე ერთ-ერთმა გამყიდველმა ჩვენი ძმების შესახებ თქვა: „ჩვენს სასტუმროში მოსულ სტუმართაგან თქვენი ჯგუფი საუკეთესოა. თქვენი ხალხი ძალზე მომთმენი და ზრდილობიანია“. როგორ ხარობს ჩვენი ზეციერი მამა, როდესაც ხედავს, რომ ჩვენ ვასრულებთ იესოს მითითებას: „ანათებდეს თქვენი ნათელი ადამიანთა წინაშე, რათა ხედავდნენ ისინი თქვენს კეთილ საქმეებს და ადიდებდნენ თქვენს მამას, რომელიც ზეცაშია“ (მათ. 5:16).

¹⁴ დაე ჩვენც გვქონდეს ისეთივე აზროვნება, როგორც მეფე დავითს ჰქონდა. ის სიხარულით მოელოდა იეჰოვას თაყვანისმცემლობის სახლში წასვლას. ჩვენი საოლქო კონგრესები სულიერი საზრდოსა და თანამორწმუნეებისადმი სიყვარულის გამოვლენის უნიკალური შესაძლებლობის მომცემი მნიშვნელოვანი წყაროა. ამიტომ მთელი გულით გიწვევთ, მიიღოთ სათანადო ზომები, რათა სამივე დღეს მთელ პროგრამას დაესწროთ წელს ჩატარებულ საოლქო კონგრესზე „ღვთის სამეფოს შესახებ გულმოდგინე მქადაგებლები“!

[ჩარჩო 3 გვერდზე]

პროგრამის განრიგი

პარასკევი და შაბათი

9.30—17.00

კვირა

9.30—16.00

[ჩარჩო 4 გვერდზე]

თუ განსაკუთრებული საჭიროებები გაქვთ:

1. გამოართვით მდივანს ბლანკი „განსაკუთრებული საჭიროებების მქონეთა განცხადება დაბინავებაზე“, შეავსეთ და დაუბრუნეთ.

2. გახსოვდეთ, რომ დაბინავების გარდა სხვა ხარჯები თქვენ უნდა დაფაროთ.

3. თუ კერძო ბინაში უნდა იყოთ, შეეცადეთ, შეძლებისდაგვარად წინასწარ დაუკავშირდეთ ბინის პატრონს, რათა თქვენი ჩასვლის თარიღი დააზუსტოთ და ა.შ.

აგრეთვე გაითვალისწინეთ:

◼ რადგანაც სტუმრად ხართ, მზად იყავით იმისათვის, რომ ითანამშრომლოთ მასპინძლებთან, მაგალითად, სისუფთავის დაცვის მხრივ.