სრული დროით მსახურებით მიღებული სიხარული
1 როგორც ახალგაზრდა, უეჭველია, შენს მომავალზე ფიქრობ. «მუყაითის ზრახვები სიუხვეს აჩენს [„სარგებლობის მომტანია“, აქ]», — ნათქვამია იგავნის 21:5-ში. შენთვისაც სასარგებლო იქნება, თუ სერიოზულად დაფიქრდები სამომავლო მიზნებზე. თუ სამომავლო გეგმებს ადგენ, მხედველობიდან არ გამოგრჩეს სრული დროით მსახურების დაწყებაზე დაფიქრებაც. რატომ?
2 შეეკითხე უფროსებს, რომლებიც ახალგაზრდობისას პიონერებად მსახურობდნენ, რას ფიქრობენ იმ წლებზე და, უეჭველია, ისინი გეტყვიან, რომ ეს მათი ცხოვრების საუკეთესო წლები იყო. ერთმა ძმამ, რომელიც სიხარულით მსახურობდა სრული დროით ახალგაზრდობიდან, მოგვიანებით თქვა: «ახალგაზრდობის წლების გახსენება დიდ სიამოვნებას მგვრის; ეს იმის თქმის უფლებას მაძლევს, რომ მოვიქეცი ბრძნული რჩევისამებრ: „გახსოვდეს შენი გამჩენი შენს სიჭაბუკეში“» (ეკლესიასტე 12:1). ამისათვის, ახლავე კარგი დაგეგმვაა საჭირო, როგორც შენთვის, ისე შენი მშობლებისთვის, რათა გამონახო ის საშუალებები, რომლებიც ახალგაზრდობაშივე ამგვარ სიხარულს გამოგაცდევინებს.
3 მშობლებო, წაახალისეთ შვილები სრული დროით მსახურების დაწყებისკენ: იეჰოვა, როგორც მზრუნველი მამა, ზუსტად გიჩვენებს, რომელი გზა იქნებოდა შენთვის კარგი (ეს. 30:21). ასეთი მოსიყვარულე ხელმძღვანელობით, ის კარგ მაგალითს გაძლევთ თქვენ, ქრისტიან მშობლებს. იმის ნაცვლად, რომ ბავშვები თავის ნებაზე მიუშვათ და რაც უნდათ ის აირჩიონ, გონივრულად აღზარდეთ ისეთნაირად, რომ მომავალში იეჰოვასგან კურთხევები მიიღონ. შემდეგ კი, როდესაც გაიზრდებიან, ეს დასწავლება „კეთილისა და ბოროტის გასარჩევად“ გამოადგებათ (ებრ. 5:14). მოწიფულმა ადამიანებმა გამოცდილებიდან იციან, რომ საკუთარ სიმართლეს არ უნდა დაენდონ; სწორი სავალი რომ ჰქონდეთ, ისინი იეჰოვას უნდა მიენდონ (იგავ. 3:5, 6). ეს კი ახალგაზრდებისთვის უფროსებთან შედარებით კიდევ უფრო აუცილებელია, რადგანაც ისინი ჯერ გამოუცდელები არიან.
4 მშობლებო, როდესაც თქვენი შვილები მოზარდობის ასაკს მიუახლოვდებიან ან უფრო ადრეულ ასაკშიც კი, გაესაუბრეთ მათ თავიანთი მიზნების შესახებ. მასწავლებელი და თანაკლასელები შეეცდებიან მათზე ზეგავლენა მოახდინონ, რათა ისეთი მიზნებისკენ ისწრაფონ, რომლებიც სახელსა და მატერიალურ სიმდიდრეს მოუტანთ. დაეხმარეთ შვილებს, რომ გაიარონ კურსები, სადაც პრაქტიკულ ცოდნას მიიღებენ, რომელიც საკუთარი მოთხოვნილებების დაკმაყოფილების საშუალებასაც მისცემთ და სამეფოს ინტერესებსაც პირველ ადგილზე შეინარჩუნებენ (1 ტიმ. 6:6—11). ხშირად პიონერული მსახურების დასაწყებად და ამასთანავე პირადი მოთხოვნილებების დასაკმაყოფილებლად საკმარისია საშუალო განათლების მიღების პარალელურად რაიმე პროფესიის ათვისება და/ან სადღაც მუშაობა და რაიმე ხელობის შესწავლა.
5 წაახალისე ახალგაზრდები, ისარგებლონ იმით, რომ ჯერ დაქორწინებული არ არიან. მოგვიანებით თუ გადაწყვეტენ, რომ დაქორწინდნენ, უკეთესად იქნებიან მომზადებული ქორწინების მძიმე პასუხისმგებლობების ასაღებად (იხილეთ 2001 წლის ივნისის „ჩვენს სამეფო მსახურებაში“ დაბეჭდილი დანართის „შეგიძლია მზადყოფნა გამოავლინო?“ მე-19 აბზაცი). როდესაც მშობლები ყოველთვის დადებითად ლაპარაკობენ პიონერობაზე, იმ ადგილებში მსახურებაზე, სადაც მქადაგებლებზე მეტი მოთხოვნილებაა, ბეთელში მსახურებასა და მისიონერობაზე, ამით შვილებში პატარაობიდანვე თავიანთი ცხოვრების ისეთნაირად გამოყენების სურვილს ნერგავენ, რომ სიამოვნება მიანიჭონ იეჰოვას, სარგებლობა მოუტანონ სხვებს და სიხარული — საკუთარ თავს.
6 ახალგაზრდებო, პირველ ადგილზე დააყენეთ სრული დროით მსახურება: ახალგაზრდებო, მხოლოდ ის კი არ უნდა გაინტერესებდეთ, თუ რა არის პიონერული მსახურება, არამედ ეცადოთ დროდადრო სასწავლო წლის განმავლობაში ან არდადეგების დროს, შეძლებისდაგვარად, დამხმარე პიონერად იმსახუროთ. ამის შემდეგ უკვე გაიგებთ ნამდვილად, თუ რა სასიამოვნოა პიონერული მსახურება! გეგმავ უკვე ზაფხულის პერიოდში დამხმარე პიონერად მსახურებას?
7 თუ ახალგაზრდა ძმა ხარ, აგრეთვე სერიოზულად იფიქრე იმაზე, რომ თანაშემწედ მსახურებისთვის სათანადო მომზადება მიიღო (1 ტიმ. 3:8—10, 12). გარდა ამისა, იფიქრე იმაზეც, სათანადო ასაკის მიღწევის შემდეგ, ბეთელში იმსახურებდი თუ სამსახურებრივი დახელოვნების სკოლაში ისწავლიდი. პიონერული მსახურება ძალიან ბევრ რამეს გასწავლის, მაგალითად, როგორ იცხოვრო განრიგის შესაბამისად, როგორ გახდე უფრო ორგანიზებული, როგორი ურთიერთობა გქონდეს სხვებთან და როგორ განივითარო პასუხისმგებლობის გრძნობა. ყოველივე ეს მომავალში მსახურებისთვის უფრო მეტი პასუხისმგებლობების ასაღებად მოგამზადებს.
8 სრული დროით მსახურებაში წარმატებას რომ მივაღწიოთ, ამისათვის უმთავრესია, თეოკრატიული საქმეებისადმი გულმოდგინება გამოვავლინოთ. მოციქული პავლე მოგვიწოდებდა, რომ ასეთი დამოკიდებულება გვქონოდა და გვიჩვენებდა, თუ რა კურთხევები მოჰყვებოდა ამას: „ყოველივე, რასაც აკეთებთ, გააკეთეთ სულით. როგორც ღვთისათვის. . . იცოდეთ, რომ მემკვიდრეობას მიიღებთ უფლისაგან საზღაურად“ (კოლ. 3:23, 24). დაე გაკურთხოს იეჰოვამ სრული დროით მსახურებაში და დიდი სიხარული მოგცეს!