ასწავლე სხვებს, რომ შეიყვარონ იეჰოვა

1. რამ დააახლოვა ზოგი იეჰოვასთან?

¹ გახსოვს, როდის გაიგე პირველად იეჰოვას შესახებ? რამ დაგაახლოვა მასთან? მრავალი გულწრფელი ადამიანი ამბობს, რომ ჩვენს შემოქმედს მას შემდეგ დაუახლოვდა, რაც გაეცნო მის შეუდარებელ თვისებებს. ისინი განსაკუთრებით ღვთის თანაგრძნობამ და სიყვარულმა მიიზიდა (1 იოან. 4:8).

2, 3. როგორ შეგვიძლია გამოვიყენოთ წიგნი „რას გვასწავლის ბიბლია?“, რომ დავეხმაროთ შემსწავლელს, გაიღრმავოს ღვთისადმი სიყვარული?

² „ეს არის ჩვენი ღმერთი“: წიგნში „რას გვასწავლის ბიბლია?“ ყურადღება მახვილდება იმაზე, თუ როგორ ავლენს იეჰოვა სიყვარულს და რამდენად აუცილებელია მასთან ახლო ურთიერთობის განვითარება. როგორ შეგვიძლია ამ პუბლიკაციის მეშვეობით ვასწავლოთ სხვებს, რომ გაიღრმაონ ღვთისადმი სიყვარული? როდესაც შემსწავლელს ახალ საკითხს ვუხსნით, შეგვეძლო მისთვის დამაფიქრებელი კითხვები დაგვესვა, მაგალითად: „რას ვიგებთ აქედან იეჰოვას შესახებ?“ ან „როგორ გვეხმარება ეს საკითხი იმის დანახვაში, რომ იეჰოვა საუკეთესო მამაა?“ სწავლების ასეთი მეთოდის გამოყენება დაეხმარება ბიბლიის შემსწავლელს, რომ განავითაროს იეჰოვასთან ახლო ურთიერთობა, რომელიც მთელი ცხოვრება გაგრძელდება.

³ ბიბლიის შემსწავლელს ვეხმარებით იმის დანახვაში, თუ რამდენად მნიშვნელოვანია ჭეშმარიტი და ცოცხალი ღმერთის შესახებ ცოდნის მიღება, რაც აღძრავს მას, ესაიას მსგავსად თქვას შემდეგი სიტყვები: „ეს არის ჩვენი ღმერთი“ (ეს. 25:9). როდესაც შემსწავლელს ღვთის სიტყვას ვასწავლით, აუცილებელია ყურადღება გავამახვილოთ იმაზე, თუ რა კურთხევებს მოუტანს კაცობრიობას ღვთის მიერ დანიშნული მეფის, იესო ქრისტეს მმართველობა, რომლის მეშვეობითაც შესრულდება ღვთის განზრახვები (ეს. 9:6, 7).

4, 5. რას ნიშნავს, გვიყვარდეს იეჰოვა?

⁴ როგორ ვავლენთ იეჰოვასადმი სიყვარულს? ჩვენ ვიცით, რომ იეჰოვასადმი მთელი გულით, სულითა და გონებით სიყვარული ძლიერი გრძნობების გამოხატვაზე მეტს ნიშნავს. ჩვენ უნდა განვივითაროთ იეჰოვას აზროვნება (ფსალმ. 97:10). ღვთისადმი სიყვარულს ვაჩვენებთ მაშინ, როცა ვიცავთ მის მცნებებს და განვაგრძობთ წმინდა მოქმედებასა და „ღვთისადმი ერთგულების“ გამოვლენას (2 პეტ. 3:11; 2 იოან. 6).

⁵ ღვთის სიყვარული აღგვძრავს, რომ სიხარულით შევასრულოთ მისი ნება (ფსალმ. 40:8). ბიბლიის შემსწავლელმა უნდა გაათვითცნობიეროს, რომ ღვთის მცნებების დაცვას მარადიული სარგებლობა მოაქვს (კან. 10:12, 13). გარდა ამისა, იეჰოვას ხელმძღვანელობის მიყოლით ადამიანი მადლიერებას გამოხატავს ყველა იმ შესანიშნავი საქმისთვის, რასაც იეჰოვა აკეთებს. დაეხმარე შემსწავლელს იმის დანახვაში, რომ იეჰოვას სამართლიანი გზებით სიარული მას მრავალ გულისტკივილს აარიდებს.

6. რა კურთხევებს მიიღებენ ისინი, ვისაც უყვარს იეჰოვა?

⁶ რა კურთხევებს იღებენ ისინი, ვისაც უყვარს ღმერთი? იეჰოვა ზრუნავს თავმდაბალ ადამიანებზე, რომლებსაც უყვართ ის, და „ღვთის სიღრმეებს“ უმხელს მათ (1 კორ. 2:9, 10). მათ, ვინც იცის იეჰოვას განზრახვები, შესანიშნავი მომავლის უტყუარი იმედი აქვთ (იერ. 29:11). იეჰოვა განსაკუთრებულ სიკეთეს ავლენს მათ მიმართ, ვისაც უყვარს ის (გამ. 20:6). ისინი ხარობენ, რომ ღმერთი მათ მიმართ დიდ სიყვარულს ავლენს და მარადიული სიცოცხლის იმედს აძლევს (იოან. 3:16).

7. რა გრძნობები გეუფლება, როცა სხვებს ასწავლი, შეიყვარონ იეჰოვა?

⁷ რაც უფრო მეტს ვიგებთ ჩვენი ზეციერი მამის შესახებ, მით მეტად ვართ აღძრულნი, რომ ნასწავლი სხვებს გავუზიაროთ (მათ. 13:52). მართლაც რომ დიდი პატივი გვაქვს, ვასწავლოთ სხვებს, განსაკუთრებით ჩვენს შვილებს, უყვარდეთ იეჰოვა! (კან. 6:5—7). მოდი, ბიბლიის შემსწავლელებთან ერთად გამუდმებით განვადიდოთ იეჰოვა იმ „უდიდესი სიკეთისთვის“, რომელსაც ჩვენდამი ავლენს! (ფსალმ. 145:7).