შეგიძლია მსახურების გაფართოება?
1. რატომ არის ქადაგება გადაუდებელი საქმე?
1 იესომ დაინახა, რომ სამეფოს შესახებ სასიხარულო ცნობას ბევრი ეხმაურებოდა, ამიტომ თავის მოწაფეებს მოუწოდა: „ევედრეთ სამკლის ბატონს, მუშები გამოგზავნოს თავის სამკალში“ (მათ. 9:37, 38). რამდენადაც მკის დასასრულს ვცხოვრობთ, სასიხარულო ცნობის ქადაგება დღეს ყველაზე გადაუდებელი საქმეა. ამიტომ უნდა ვილოცოთ და დავფიქრდეთ, როგორ შეგვიძლია მეტად მივიღოთ მონაწილეობა მსახურებაში (იოან. 14:13, 14).
2. როგორ გამოეხმაურა ზოგი მოწოდებას, რომ სამკალში მეტი მუშა იყო საჭირო?
2 გააფართოვე მსახურება: იეჰოვას ხელმძღვანელობითა და დახმარებით ბევრმა შეძლო პიონერული მსახურების დაწყება (ფსალმ. 26:2, 3; ფილ. 4:6). ზოგი განსაკუთრებულ ძალისხმევას ახმარს, რომ წელიწადში ერთი ან რამდენიმე თვე დამხმარე პიონერად იმსახუროს. ეს მსახურების გაფართოების მართლაც კარგი საშუალებაა. დამხმარე პიონერობით გამოწვეულმა სიხარულმა მრავალი აღძრა, რომ პიონერად დაეწყო მსახურება (საქ. 20:35).
3. თუ ადრე პიონერად მსახურობდი, რაზე შეგიძლია დაფიქრდე ახლა?
3 შეგიძლია, დაიწყო პიონერული მსახურება? თუ ადრე პიონერად მსახურობდი, უდავოა, იმ დროს ყოველთვის სიხარულით იხსენებ. ლოცულობ, რომ კვლავაც შეძლო პიონერული მსახურების დაწყება? შესაძლოა, ხელს აღარ გიშლის ის ფაქტორები, რომელთა გამოც პიონერად მსახურება შეწყვიტე და ახლა უკვე შეგიძლია პიონერული მსახურების დაწყება (1 იოან. 5:14, 15).
4. რა განსაკუთრებული შესაძლებლობა გვეძლევა ყველას?
4 მკის საქმე შესანიშნავად მიდის და მალე დასრულდება (იოან. 4:35, 36). მოდი თითოეულმა გადავხედოთ ჩვენს მდგომარეობას, ცვლილებები მოვახდინოთ ყოველდღიურ საქმეებში და დავფიქრდეთ, როგორ შეგვიძლია მსახურების გაფართოება. თუ დიდი მცდელობის მიუხედავად ვატყობთ, რომ მსახურების გაფართოება არ გვიხერხდება, შეგვიძლია მიზნად დავისახოთ, რომ უფრო ეფექტური მსახურები გავხდეთ (მარ. 12:41—44). მართლაც დიდი პატივი ხვდა ყველას, ვისაც მდგომარეობა შესაძლებლობას აძლევს და პიონერად მსახურება შეუძლია, რომ იეჰოვამ გამოიყენოს ამ განსაკუთრებული საქმის შესასრულებლად! (ფსალმ. 110:3).