„ნუ გეშინია“
1. იერემიას მსგავსად, რა სირთულეებს შეიძლება შევხვდეთ?
1 იერემიას არასრულფასოვნების გრძნობა ჰქონდა, როდესაც წინასწარმეტყველად მსახურება დაევალა. მაგრამ იეჰოვამ უთხრა მას, რომ არ შეშინებულიყო და დავალების შესასრულებლად გააძლიერა (იერ. 1:6—10). დღესაც, სიმორცხვემ ან თვითრწმენის ნაკლებობამ შეიძლება გავლენა მოახდინოს მსახურებაში ჩვენს მონაწილეობაზე. იმის შიშმა, თუ როგორ გამოგვეხმაურება ხალხი ან რას იფიქრებენ ჩვენზე, შესაძლებელია ზოგჯერ ქადაგებაში ხელი შეგვიშალოს. როგორ შეგვიძლია ასეთი შიშის დაძლევა და რა კურთხევები მოჰყვება ამას?
2. როგორ დაგვეხმარება წინასწარ მომზადება მსახურების შიშის დაძლევაში?
2 წინასწარ მომზადება: სათანადო მომზადება დაგვეხმარება, დავძლიოთ ასეთი შიში. მაგალითად, თუ წინასწარ წარმოვიდგენთ ჩვენს მოსაუბრეს, მოვემზადებით ფართოდ გავრცელებულ კითხვებზე პასუხების გასაცემად (იგავ. 15:28). კარგი იქნება, თუ ოჯახთან ერთად თაყვანისცემის დროს გაითამაშებთ იმ რთულ სიტუაციებს, რომლებსაც სკოლაში ან მსახურების დროს ხვდებით (1 პეტ. 3:15).
3. როგორ დაგვეხმარება იეჰოვაზე მინდობა შიშის დაძლევაში?
3 მიენდე იეჰოვას: შიშის დაძლევის საუკეთესო საშუალება იეჰოვაზე მინდობაა. იეჰოვა გვარწმუნებს, რომ დაგვეხმარება (ეს. 41:10—13). შეიძლება თავი ამაზე უსაფრთხოდ იგრძნო?! ამასთანავე, იესომ დაგვარწმუნა, რომ გაუთვალისწინებელი შემთხვევების დროსაც კი ღვთის წმინდა სული დაგვეხმარება, საუკეთესოდ დავამოწმოთ (მარ. 13:11). ამიტომ გამუდმებით სთხოვეთ იეჰოვას წმინდა სული (ლუკ. 11:13).
4. რა კურთხევები მოაქვს სიძნელეების მიუხედავად მსახურების გაგრძელებას?
4 კურთხევები: როდესაც სიძნელეების მიუხედავად ვაგრძელებთ მსახურებას, ეს მომავალში სხვა სირთულეების წარმატებით დაძლევაში გვეხმარება. ჩვენ გაბედულები ვხდებით, რაც იმის მაჩვენებელია, რომ ჩვენზე წმინდა სული მოქმედებს (საქ. 4:31). უფრო მეტიც, როდესაც იეჰოვას დახმარებით შიშს ვძლევთ, ეს რწმენას გვიძლიერებს და მისი მხსნელი მკლავისადმი ნდობას გვიმტკიცებს (ეს. 33:2). იმის ცოდნა, რომ ჩვენს ზეციერ მამას ვასიამოვნებთ, სიხარულსა და კმაყოფილებას გვგვრის (1 პეტ. 4:13, 14). ამიტომ, ყოველთვის გაბედულად გავაცხადოთ სამეფოს შესახებ ცნობა და დარწმუნებულები ვიყოთ, რომ იეჰოვა დაგვეხმარება!