„ღმერთი გველაპარაკება იერემიას მეშვეობით“
1. რა პუბლიკაცია გამოვიდა 2010 წლის საოლქო კონგრესზე და როგორ გამოვიყენებთ მას?
1 ძალიან გაგვიხარდა, როდესაც 2010 წლის საოლქო კონგრესზე „შეინარჩუნეთ იეჰოვასთან ახლო ურთიერთობა!“ მივიღეთ ახალი წიგნი. ამ პუბლიკაციაში მოცემულია ყოველდღიურ ცხოვრებაში გამოსადეგი პრაქტიკული რჩევები ბიბლიური წიგნებიდან „იერემია“ და „გოდება“ (რომ. 15:4). კრების ბიბლიის შესწავლაზე ამ სახელმძღვანელოს განხილვა დაიწყება 2012 წლის 5 ნოემბრით დაწყებულ კვირას.
2. რით იქნება ჩვენთვის სასარგებლო ბიბლიური წიგნების „იერემიასა“ და „გოდების“ განხილვა?
2 სარგებლობა დღეს. ამ ღვთივსულიერი ბიბლიური წიგნის დამწერი იერემია იუდაში წინასწარმეტყველად ძნელბედობის პერიოდში მსახურობდა. თავდაპირველად ის ამ დავალებისთვის თავს უღირსად გრძნობდა (იერ. 1:6). იერემიას მშობლიურ ქალაქ ანათოთში მცხოვრები ნაცნობები და შესაძლოა, ნათესავებიც კი დევნიდნენ (იერ. 11:21, 22). გასაგებია, თუ რატომ ეუფლებოდა დროდადრო იერემიას გულგატეხილობა (იერ. 20:14). როცა ვასრულებთ მოწაფეების მომზადების საქმეს, იერემიას მსგავსად ხშირად ჩვენც ვხვდებით სირთულეებს და ისეთივე გრძნობები გვიჩნდება, როგორიც მას ჰქონდა (მათ. 28:19). მისი წიგნების განხილვა დაგვეხმარება, ჩვენი მსახურება უშიშრად და გულმოდგინედ შევასრულოთ.
3. როგორ შეგვიძლია გამოვიყენოთ წიგნ „იერემიას“ ზოგიერთი თავისებურება?
3 თავისებურებები. მთავარი მუხლები, რომლებიც განხილვის დროს აუცილებლად უნდო იყოს წაკითხული, დახრილი შრიფტით არის დაწერილი. ყოველი შესწავლის ბოლოს მოცემულია მუქი შრიფტით დაბეჭდილი ერთი ან ორი შეკითხვა, რომელიც გაკვეთილის მნიშვნელოვან აზრებზე ამახვილებს ყურადღებას. ეს შეკითხვები აუდიტორიასთან ერთად უნდა იყოს განხილული. წიგნში დაბეჭდილია არაერთი ლამაზი ილუსტრაცია და, უეჭველია, კრების წევრებს მოუნდებათ მათზე კომენტარების გაკეთება.
4. როგორ მივიღოთ სრული სარგებლობა წიგნ „იერემიადან“?
4 სრული სარგებლობის მისაღებად წინასწარ მოემზადე. დაფიქრდი იმ აზრებზე, რომლებსაც ცხოვრებაში ან მსახურებაში გამოიყენებ. მიიღე აქტიური მონაწილეობა კომენტარებში. იეჰოვას კურთხევით იერემიამ თავისი დავალება სიხარულით და კმაყოფილებით შეასრულა (იერ. 15:16). დაე, ამ ახალი პუბლიკაციის განხილვა დაგვეხმაროს, იერემიას მსგავსად შევასრულოთ ჩვენი მსახურება.