გაუფრთხილდი სინდისს!
1. რა არის 2013 სამსახურებრივი წლის სპეციალური ერთდღიანი კონგრესის თემა და პროგრამის მიზანი?
1 ყოველდღე ისეთ სიტუაციებს ვაწყდებით, რომელთაც შეუძლიათ ჩვენი სინდისის წაბილწვა. ამიტომ 2012 წლის 1 სექტემბრიდან დაწყებული 2013 სამსახურებრივი წლის სპეციალური ერთდღიანი კონგრესის თემაა „გაუფრთხილდი სინდისს!“ (1 ტიმ. 1:19). პროგრამის მიზანია, დაეხმაროს თითოეულ ჩვენგანს, ყურადღება მივაქციოთ, როგორ შეგვიძლია შემოქმედის ამ ძვირფასი ძღვნით სარგებლობა.
2. რომელ მნიშვნელოვან კითხვებს გაეცემა პასუხი პროგრამის განმავლობაში?
2 ყურადღება მიაქციეთ შემდეგ კითხვებს: პროგრამის განმავლობაში პასუხი გაეცემა 7 მნიშვნელოვან კითხვას სინდისთან დაკავშირებით:
• რა საფრთხე შეიძლება დაემუქროს სინდისს?
• როგორ განვსწავლოთ სინდისი?
• როგორ დავრჩეთ სუფთა ყველას სისხლისგან?
• რას ცხადყოფს ჩვენ შესახებ ის, რომ ბიბლიური პრინციპების თანახმად ვაზროვნებთ და ვმოქმედებთ?
• როგორ გავუფრთხილდეთ სხვების სინდისს?
• ახალგაზრდებო, როგორ შეგიძლიათ შეინარჩუნოთ სიმტკიცე ზეწოლის დროს?
• რა კურთხევებს მივიღებთ, თუ ღვთის სულით განსწავლული სინდისით ვხელმძღვანელობთ?
3. რა მხრივ იქნება ჩვენთვის სასარგებლო ეს კონგრესი?
3 იეჰოვას დახმარებით შეგვიძლია წინ აღვუდგეთ სატანის მცდელობას, გახრწნას ჩვენი სინდისი. ჩვენი მოსიყვარულე ზეციერი მამა თავისი სიტყვისა და ორგანიზაციის მეშვეობით გვეუბნება: „ეს არის გზა, იარეთ მასზე“ (ეს. 30:21). ეს კონგრესი არის ერთ-ერთი საშუალება, რითაც იეჰოვა გვხელმძღვანელობს. ამიტომ ყველაფერი გააკეთეთ, რომ დაესწროთ მთლიან პროგრამას. ყურადღება მიაქციეთ, პირადად როგორ შეგიძლიათ ამ ინფორმაციის გამოყენება. განიხილეთ ეს პროგრამა ოჯახთან ერთად. ამ კონგრესზე მიღებული მითითებების გამოყენება დაგვეხმარება, გვქონდეს „სუფთა სინდისი“ და არ გვაცდუნოს სატანის ქვეყნიერების წარმავალმა სიამოვნებამ (1 პეტ. 3:16).